481.73
+0.23
568.97
+3.45
8.37
-0.02
+8
Եղանակը Երևանում
Հայ
Դաշնակցությունը պատրաստ է աջակցել Հայաստանի կառավարության ծրագրի իրականացմանը. պատգամավոր
15:01
29 Ապրիլի 2008

Հայ հեղափոխական դաշնակցությունը պատրաստ է աջակցել Հայաստանի կառավարության գործունեության հնգամյա ծրագրին, երեքշաբթի մամուլի ասուլիսում հայտնեց ՀՅԴ-ից ՀՀ ԱԺ պատգամավոր Արա Նռանյանը։

«Կառավարության ծրագրում ամրագրված են հեռանկարային խնդիրներ, որոնք այնպիսի փոքրիկ երկրի համար, ինչպիսին Հայաստանն է, դժվար հաղթահարելի են թվում, սակայն դրան հասնել հնարավոր է՝ ստեղծելով հանդուրժողականության և հասարակական միաբանության մթնոլորտ»,- ասաց նա։
 
Պատգամավորն ընդգծեց առողջապահության, զբոսաշրջության և կրթության ոլորտներում ծրագրի կարևորությունը։ Նա ավելացրեց, որ խորհրդարանում ծրագրի քննարկման ժամանակ ՀՅԴ-ն վարչապետի հետ քննարկել է փաստաթղթի կետերը, լսել են նրա տեսակետը՝ գործունեության մեթոդների և սկզբունքների վերաբերյալ։

«Շատ հարցերի շուրջ գտնվել են շփման ընդհանուր եզրեր, շատ հարցեր դրական են ընդունվել ՀՅԴ-ի կողմից և դրական են գնահատվել»,- ասաց Նռանյանը։

Ընդ որում նա նշեց, որ լուրջ քննարկումներից հետո Դաշնակցությունն այս  ծրագրի վերաբերյալ իր առաջարկությունները կներկայացնի։

Նրա խոսքերով, ՀՅԴ-ի համար հատկապես կարևոր են սոցիալական հարցերի լուծումը, և անհրաժեշտ է, որպեսզի նոր կառավարությունը «չտրվի չափից դուրս լիբերալիզմի, որը կարող  է վտանգավոր լինել բնակչության որոշակի խավերի համար»։

«Պետությունը պետք է որակյալ ծառայություններ մատուցի ու որոշակի գործառույթներ պահպանի։ Ընդ որում, չի կարելի ամեն ինչ վստահել մասնավոր հատվածին»,- ասաց նա։

Երկուշաբթի ՀՀ կառավարությունը, արտահերթ նիստի ժամանակ, հաստատել է սեփական ծրագրի նախագիծը։ Փաստաթղթի համաձայն, կառավարությունը 2008-2012 թթ. ընթացքում ակնկալում է համախառն ներքին արդյունքի տարեկան 8-10 տոկոս իրական աճ։ Նախատեսվում է նաև ներդրումների տարեկան ծավալների առնվազն 10 տոկոս աճ և տարածքային տնտեսական անհամամասնությունների էական նվազեցում։

Նախատեսվում է նաև աղքատության էական հաղթահարում՝ արդյունքում  ապահովելով  11,2 տոկոսից ցածր ընդհանուր աղքատության և 1,6 տոկոսից ցածր ծայրահեղ աղքատության մակարդակ։

Կառավարության ծրագիրը մշակվել է` հաշվի առնելով Հայաստանի Հանրապետության ազգային անվտանգության ռազմավարության և Աղքատության հաղթահարման ռազմավարական ծրագրի դրույթները և ներառում է ՀՀ նախագահի, Հայաստանի հանրապետական կուսակցության, «Բարգավաճ Հայաստան» կուսակցության, «Օրինաց երկիր» կուսակցության և «Հայ հեղափոխական դաշնակցություն» կուսակցության նախընտրական ծրագրերի հիմնական, ինչպես նաև քաղաքական կոալիցիայի համաձայնագրի դրույթները:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: