484.75
-0.5
571.76
+2.32
8.19
+0.01
+5
Եղանակը Երևանում
Հայ
Երևանում բացվել է Փարաջանովի «Նռան գույնը» ֆիլմի հագուստների էսքիզների ցուցահանդեսը
18:37
18 Ապրիլի 2008

Հայաստանի Ազգային պատկերասրահում ուրբաթ բացվել է ականավոր կինոռեժիսոր Սերգեյ Փարաջանովի «Նռան գույնը» ֆիլմի հագուստների էսքիզների ցուցահանդեսը, որի հեղինակը հայ գեղանկարիչ Հովսեփ Կարալյանն է։

«Ցուցահանդեսին, որը նվիրված է նկարչի 120-ամյակին, ներկայացված է Փարաջանովի ֆիլմի 60 էսքիզ»,- ցուցահանդեսի բացմանն ասաց Հայաստանի Ազգային պատկերասրահի կինոյի բաժնի ղեկավար Մելիք Կարապետյանը։

Նրա խոսքերով, Կարալյանի աշխատանքները երկար ժամանակ պահվում էին նրա դստեր՝ Բելլայի մոտ և առաջին անգամ են ներկայացվում լայն հասարակայնությանը։

Նկարչի դուստրն իր հերթին մի քանի հետաքրքիր դրվագներ պատմեց հոր կյանքից։ ««Նռան գույնը» ֆիլմի նկարահանումների ժամանակ Փարաջանովը բազմիցս դիմել է հորս՝ հագուստների էսքիզներ անելու գործում օգնելու խնդրանքով։ Սակայն հայրս մերժում էր վարպետին՝ հիմնավորելով, որ ինքը երբեք կինոյի համար չի աշխատել»,-ասաց Կարալյանը։ Սակայն Փարաջանովի կտրուկ հայտարարությունից հետո՝ «կամ դու, կամ ոչ ոք», նկարիչը համաձայնել է համատեղ աշխատել։

Ֆիլմի նկարահանումները տեղի են ունեցել 1967-1968 թվականներին, իսկ 1970 թվականին ֆիլմը էկրան է բարձրացել։ Փարաջանովի գլուխգործոցը նվիրված է մեծագույն աշուղ Սայաթ-Նովային և կազմված է առակ-հատվածներից, որոնք պատմում են ստեղծագործողի  կյանքի տարբեր վիճակների մասին։ Երիտասարդ Սայաթ-Նովայի դերը ֆիլմում խաղացել է հայտնի վրացի դերասանուհի Սոֆիկո Ճիաուրելին։

Նկարչի դուստրն ավելացրեց, որ Կարալյանն ու Փարաջանովը վաղուց են ճանաչել միմյանց և երկուսն էլ ծնունդով  Թբիլիսիից են։ «Նրանք շատ նման են իրար, նրանք նույն կերպ են ընկալում մշակույթը, ընդհանուր են կերպարները»,- ավելացրեց նա։

Կարալյանը նշեց, որ Փարաջանովի հանճարեղության մասին առաջին անգամ լսել է իր հորից։ «Հետո այդ արտահայտությունը՝ նա հանճար է, ես լսեցի նաև ուրիշներից, բայց առաջին անգամ դա ասել է իմ հայրը»,- ավելացրեց նա։

Կարալյանը նաև տեղեկացրեց, որ Փարաջանովի «Նռան գույնը» ֆիլմի համար հագուստների բոլոր էսքիզները լույս կտեսնեն կատալոգով։ Հայ նկարիչ Հովսեփ Կարալյանը (1897-1981) հայտնի է որպես գեղանկարիչ, գրքերի ձևավորող, պլակատիստ։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։