478.82
+0.2
557.59
+7.08
8.14
+0.04
+24
Եղանակը Երևանում
Հայ
Հայաստանի կառավարությունը սերտ համագործակցելու է հասարակության հետ. վարչապետ
18:40
17 Ապրիլի 2008

ԵՐԵՎԱՆ, 17 ապրիլի. /Նովոստի-Արմենիա/. ՀՀ կառավարության աշխատանքների կազմակերպման հրապարակայնությունը դառնալու է նրա գործունեության կարևոր նորմը, ասաց ՀՀ վարչապետ Տիգրան Սարգսյանը՝ հինգշաբթի տեղի ունեցած գործադիր մարմնի նիստին։

«Կառավարման մեջ կա այսպիսի սկզբունք, որը կոչվում է հասարակության ներգրավվածության սկզբունք: Նպատակը  կայանում է նրանում, որ առաջինը` մենք ապահովենք ներգրավված նախագծերի որակը, եւ երկրորդը` ապահովենք կառավարության գործունեության լեգիտիմությունը. այն է` մեր կողմից ընդունվող որոշումները պետք է դառնան հանրության քննարկման առարկա: Այս սկզբունքը ենթադրում է, որ հասարակության անդամները պետք է հնարավորություն ունենան մասնակցելու առաջինը` նախագծերի մշակման գործընթացին, երկրորդը` նախագծերի քննարկման գործընթացին և երրորդը` ընդունված նախագծերի վերաբերյալ մենք պետք է ունենանք փոխադարձ կապ հասարակության հետ»,- ասաց վարչապետը։

Սարգսյանն ավելացրեց, որ Հայաստանի քաղաքացիները պետք է հնարավորություն ունենան մասնակցել կառավարական որոշումների նախագծերի մշակմանը, դրանց քննարկումներին, դեռ ավելին, հասարակության հետ ընդունված որոշումների գծով պետք է հետադարձ կապ հաստատվի։

«Սա նշանակում է, որ այսուհետև պարտադիր նորմ է լինելու կառավարության  և նախարարությունների համար, որպեսզի իրենց  ինտերնետային կայքերում տեղադրված լինեն նախագծերը: Քաղաքացիները պետք է հնարավորություն ունենան ծանոթանալու նախագծերին, և այն երեք սկզբունքները, որ ես մատնանշեցի, պետք է կիրառվեն ոչ միայն կառավարության,  այլ նաև նախարարությունների կողմից: Մենք ուշադիր հետևելու ենք դրան»,- ընդգծեց կառավարության ղեկավարը։

Սարգսյանը տեղեկացրեց, որ կառավարության նիստն այսուհետև ուղիղ եթերով հեռարձակվելու է կառավարական մամուլի կենտրոնից, և կառավարությունում հավատարմագրված 250 ԶԼՄ-ները հնարավորություն կունենան օն-լայն ռեժիմով հետևել գործադիր մարմնի նիստերին։

Կառավարության ղեկավարը կաբինետի աշխատակիցներին կոչ արեց նաև ավելի ակտիվ լինել ժամանակակից աշխատանքային մեթոդները յուրացնելու հարցում։ «Գիտեք, ամոթ չէ չիմանալը, ամոթ է չսովորելը, և մենք պետք է սկսենք մեզանից, մենք ինքներս պետք է սովորենք ծանոթանալ աշխարհի ժամանակակից փորձին և աշխատենք այն, ինչ մեզ համար ընդունելի է, ներդնել Հայաստանի Հանրապետությունում: Բարեփոխումներ` առանց սովորելու հնարավոր չէ: Առանց նոր գիտելիքների ժամանակակից աշխարհում հնարավոր չէ բարեփոխումներ իրականացնել, իսկ ժամանակակից աշխարհն արագորեն փոփոխվում է: Ուրեմն, մեր թիմի համար մեկ խնդիրը լինելու է` սովորել»,- նշեց վարչապետը։

Միաժամանակ, ՀՀ կառավարության ղեկավարն ընդգծեց, որ կառավարության անդամների գործունեության համար երկու կարևորագույն ուղեցույցները պետք է լինեն՝ մինչև 2012թ. կառավարության գործունեության ծրագիրը և ՀՀ նախագահ Սերժ Սարգսյանի նախընտրական ծրագիրը։

«Այս երկու փաստաթուղթը ձեր աշխատանքային սեղանի կարևորագույն փաստաթղթերն են, եւ դուք ամեն օր գործունեության ընթացքում պետք է հետևեք, թե ինչ քայլեր են ձեր կողմից ձեռնարկվել, որպեսզի այդ մատնանշված նպատակները լինեն մեզ համար հասանելի»,- հայտարարեց Սարգսյանը։

Նա հիշեցրեց, որ ներկայումս Հայաստանը գտնվում է կառավարության ձևավորման փուլում, և երկրի նախագահը ցանկանում է նվազագույն ժամկետներում ձևավորել նոր կառավարությունը, «մի կողմից ապահովելով այս մոտեցման հարթությունը, մյուս կողմից՝ կառավարության աշխատանքների հետևողականությունը»։--0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: