487.29
-0.01
568.08
+2.76
8.23
+0.01
+14
Եղանակը Երևանում
Հայ
Արտաքին քաղաքականությունը և պաշտպանությունը Հայաստանում մշտապես մնալու են գերակա ոլորտներ. նախագահ
17:51
16 Ապրիլի 2008

Հայաստանի նախագահ Սերժ Սարգսյանը հայտարարեց, որ արտաքին քաղաքականությունն ու պաշտպանությունը մշտապես երկրում գերակա ոլորտներ կլինեն։

Ինչպես «Նովոստի-Արմենի» գործակալությանը հայտնեցին Հայաստանի ղեկավարի մամուլի ծառայությունից, այս մասին նախագահը հայտարարեց չորեքշաբթի՝ ԱԳՆ աշխատակիցներին ներկայացնելով արտաքին քաղաքական գերատեսչության նոր ղեկավար Էդվարդ Նալբանդյանին։

«Իմ երկու հրամանագրերով նշանակվել են պաշտպանության և արտաքին գործերի նախարարները։ Սա, իհարկե, զուգադիպություն է, սակայն այս զուգադիպությունը նաև խորհուրդ ունի»,-ասաց նախագահը։

Նրա խոսքերով, յուրաքանչյուր երկրի դիվանագետ, իսկ Հայաստանի պարագայում մանավանդ, իր երկրի առաջամարտիկն է, իր երկրի զինվորը, սպան, գեներալը և ոչ պակաս պատասխանատվություն է կրում Հայաստանի սահմանների անառիկության, անվտանգության համար: «Ես հորդորում եմ մեր դիվանագետներին`  մշտապես հիշել և ղեկավարվել այս սկզբունքով»,-ընդգծել է երկրի ղեկավարը:

Խոսելով նոր նախարարի մասին՝  Սերժ Սարգսյանն ասել է, որ հասարակության մի զգալի հատվածը ճանաչում է նորանշանակ նախարար Նալբանդյանին, գնահատում է նրա գործունեությունը, մասնագիտական ունակությունները և ամենակարևորը` աշխատանքի արդյունքը:

Նա համոզմունք հայտնեց, որ նոր պաշտոնում Էդվարդ Նալբանդյանը  կկարողանա առավելագույնս բացահայտել իր կարողությունները և օգտակար լինել երկրին:

Նախագահը  մեկ անգամ ևս շնորհակալություն հայտնեց Վարդան Օսկանյանին, ով տասը տարի ղեկավարել է Հայաստանի արտաքին քաղաքական գերատեսչությունը։

Երկրի ղեկավարի կարծիքով,  Օսկանյանն այդ տարիների ընթացքում արժանապատվորեն և արժանավայել ներկայացրել է Հայաստանն աշխարհին՝ ՄԱԿ-ի ամբիոնից, միջազգային կառույցներում, երկկողմ հարաբերություններում: «Մեր երկրի կառուցման գործում Օսկանյանի ավանդն անվիճելի է»,- ասաց երկրի ղեկավարը։

Նախագահը վստահություն հայտնեց, որ Օսկանյանի փորձն ու կարողությունները հետագայում ևս օգտակար կլինեն մեր երկրի առջև ծառացած խնդիրների լուծմանը:

Խոսելով ԱԳՆ խնդիրների մասին՝ երկրի ղեկավարն ասաց, որ առաջիկա տարիներին ՀՀ արտաքին քաղաքականությունը, պահպանելով իր փոխլրացման բովանդակությունը, պետք է դառնա ավելի ակտիվ, ավելի նախաձեռնող։

«Մենք պետք է կարողանանք ավելի շատ ներգրավվել  միջազգային կյանքում,  շարունակել խորացնել մեր հարաբերություններն ինչպես բարեկամ երկրների, այնպես էլ` միջազգային կազմակերպությունների  հետ»,- ասաց Սարգսյանը։

Այս առումով նա չափազանց կարևորեց  բարենպաստ պայմանների ստեղծումը՝ ղարաբաղյան հիմնախնդրի խաղաղ և արդարացի լուծման համար:

Նախագահը արտաքին քաղաքականության լրջագույն խնդիրներից համարեց բարեկամ երկրների հետ տնտեսական կապերի խորացումը` նշելով, որ շատ երկրների հետ քաղաքական հարաբերությունները բարձր մակարդակի վրա են, սակայն տնտեսական կապերը թույլ են: «Այստեղ կա մեծ ներուժ և այն պետք է օգտագործել առավելագույնս»,-ասաց Սարգսյանը:

Սերժ Սարգսյանը հատուկ կարևորեց սփյուքի հետ աշխատանքը, հայապահպանության խնդիրները, սփյուռքի ներուժի ավելի լիարժեք օգտագործումը:

Արտաքին գործերի նորանշանակ նախարար Էդվարդ Նալբանդյանը, շնորհակալություն հայտնելով վստահության համար, ասաց, որ պաշտոնը ստանձնում է պատասխանատվության մեծ գիտակցությամբ և պատրաստ է բազմապատկել իր և գործընկերների ջանքերն ու հնարավորությունները` լուծելու արտաքին քաղաքական գերատեսչության առջև դրված խնդիրները:

Նա կարևորեց գործունեության կազմակերպումը ժամանակի պահանջներին համահունչ,  հանրային աջակցությունը և միասնական թիմով ամենօրյա տքնաջան աշխատանքը:

Վարդան Օսկանյանը շնորհակալություն հայտնեց արտաքին գործերի նախարարության աշխատակազմին և նշեց, որ առանց նրանց նվիրական աշխատանքի հաջողության հասնելն անհնարին կլիներ:

Նա պատրաստակամություն հայտեց իր կուտակած փորձն ու գիտելիքները հետայսու ևս  ծառայեցնել Հայաստանի հզորացմանը:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։