478.82
+0.2
557.59
+7.08
8.14
+0.04
+29
Եղանակը Երևանում
Հայ
ԵԽԽՎ-ն Հայաստանի ներքաղաքական իրավիճակի վերաբերյալ բանաձև է ընդունել
10:57
16 Ապրիլի 2008

ԵՐԵՎ ԱՆ, 16 ապրիլի. /Նովոստի-Արմենիա/. Նախօրեին Եվրախորհրդի խորհրդարանական  վեհաժողովի մոնիտորինգի հանձնաժողովն ընդունել է Հայաստանում ժողովրդավարական ինստիտուտների գործունեության վերաբերյալ բանաձև, որը կոչ է անում իշխանություններին՝ մի շարք քայլեր ձեռնարկել՝ երկրում իրավիճակի փոփոխության ուղղությամբ։

Ինչպես հաղորդում է Հայաստանի հանրային հեռուստառադիոընկերությունը, փաստաթղթում, մասնավորապես, նշվում է Երևանում մարտի 1-2-ի իրադարձությունների անկախ հետաքննության անցկացման, հանցագործություն չկատարած ձերբակալվածների ազատման անհրաժեշտությունը, ինչպես նաև «Ժողովների, հավաքների, երթերի և ցույցերի անցկացման մասին» օրենքի բարեփոխման, ընդդիմության հետ երկխոսություն սկսելու, քաղաքական գործընթացներում ընդդիմության դերի և տեղի մեծացման անհրաժեշտությունը։

Ինչպես նշել է ԵԽԽՎ-ում հայկական պատվիրակության անդամ, եվրոինտեգրման հարցերի խորհրդարանական մշտական հանձնաժողովի նախագահ, ՀՀ ԱԺ պատգամավոր Ավետ Ադոնցը, բանաձևում ներկայացված են Հայաստանում գոյություն ունեցող բոլոր կարևոր խնդիրները։

 «Մենք արդեն ունեինք որոշ նկատառումներ բանաձևի նախագծի վերաբերյալ, մասնավորապես, ձերբակալված անձանց հարցերի, երկխոսության կարևորության, անկախ հետաքննության վերաբերյալ, բոլոր այս կետերը կարևոր են մեզ համար և առաջին հերթին անհրաժեշտ են մեզ», - ասել է նա։

Ինչպես Ստրասբուրգում ԵԽԽՎ-ի գարնանային նստաշրջանի ժամանակ Հայաստանի նախագահական ընտրությունների վերաբերյալ զեկույցը ներկայացնելիս տեղեկացրել է ԵԽԽՎ-ի զեկուցող Ջոն Պրեսկոտը, Հայաստանի նախագահական ընտրություններն անց են կացվել Եվրոպայի Խորհրդի չափորոշիչներին համապատասխան և ԵԽ-ի առջև երկրի ստանձնած պարտականություններին համահունչ։

Զեկուցողի խոսքերով, միաժամանակ նշվել են որոշ բացթողումներ՝ կապված ընտրական համակարգի և ընտրությունների արդյունքների նկատմամբ հասարակության վստահության հետ։

Իր զեկույցում Պրեսկոտը խոսել է նաև մարտի 1-ի հետընտրական զարգացումների մասին։ Զեկույցում նշվել է, որ մարտի 1-ի առավոտյան Հայաստանի ոստիկանությունը խուզարկել է Ազատության հրապարակում ընդդիմության վրանները և բախվելով ցուցարարների դիմադրությանը՝ որոշում է ընդունել  ապամոնտաժել դրանք։

ԵԽԽՎ-ի զեկուցողը նաև նշել է, որ Երևանում արտակարգ դրություն մտցնելուց հետո՝ ձերբակալվել են ՀՀ նախկին նախագահ Լևոն Տեր-Պետրոսյանի բազմաթիվ կողմնակիցներ և ակնհայտ է, որ իշխանությունները կոշտ միջոցներ են ձեռնարկել ընդդիմության նկատմամբ։

ՀՀ նախագահական ընտրությունների արդյունքներից դժգոհ հայկական ընդդիմության կողմից փետրվարի 20-ից Երևանի կենտրոնում անցկացվող ցույցերը մարտի 1-2-ը վերածվել են անկարգությունների և իրավապահ մարմինների ներկայացուցիչների հետ բախումների։ Այս ամենի հետևանքով զոհվել է տասը քաղաքացի, շուրջ 265 մարդ ստացել են վնասվածքներ։

ՀՀ գլխավոր դատախազությունը հարուցել է քրեական գործ՝ իշխանությանը բռնի ուժով տիրանալուն և սահմանադրական կարգը խախտելուն ուղղված զանգվածային անկարգությունների փաստով, ձերբակալվել է մոտ 100 մարդ։

Ելնելով ստեղծված իրավիճակից՝ նախագահ Ռոբերտ Քոչարյանը մարտի 1-ից  հրամանագիր է ստորագրել մայրաքաղաքում 20 օրով արտակարգ դրություն մտցնելու մասին:—0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: