486.95
+0.14
513.34
-3.7
8.4
-0.03
-2
Եղանակը Երևանում
Հայ
Հայաստանում բացվել է Հարավային Կովկասում և Ուկրաինայում միջմշակութային երկխոսության զարգացմանը նվիրված խորհրդաժողով
14:27
14 Ապրիլի 2008

Երևանի Բրյուսովի անվ. պետական լեզվաբանական համալսարանում (ԵՊԼՀ) երկուշաբթի բացվել է միջմշակութային երկխոսության զարգացմանը նվիրված  խորհրդաժողով։

Երկօրյա խորհրդաժողովն անցկացվում է «Միջմշակութային և միջկրոնական երկխոսություն» ծրագրի շրջանակներում, որը իրականացվում է 2008 թ.-ից՝ Եվրոպայի Խորհրդի և Եվրոհանձնաժողովի հետ համատեղ։ Ծրագրի իրականացման պատասխանատուն է ԵՊԼՀ-ն։ Ծրագրի նպատակն է կրթության համակարգի միջոցով Հարավային Կովկասի երկրների և Ուկրաինայի միջև միջմշակութային երկխոսության  խորացումը։

«Սա Հայաստանում առաջին նման խորհրդաժողովը չէ, պարզապես այն ավելի նպատակաուղղված է և ունի ոչ թե պետական, այլ ազգամիջյան նշանակություն։ Միջմշակութային կրթությունը և նոր, և հին հասկացություն է։ Մեզ համար այն հին հասկացություն է, քանի որ Հայաստանը միշտ եղել է մշակույթների խաչմերուկում, և մենք հնարավորություն ունենք և ի վիճակի ենք գնահատել աշխարհն այլ մշակույթների տեսակետից», - խորհրդաժողովի բացման ժամանակ լրագրողներին ասաց ԵՊԼՀ-ի ռեկտոր Սուրեն Զոլյանը։

Նրա խոսքերով, հարևանների լեզուների և մշակույթների ուսումնասիրումը համերաշխության և խաղաղ համագոյության երաշխիքն է։

«Օտար լեզուների և մշակույթների իմացությունը չի տրվում ի ծնե և, բնականաբար, այն պետք է դրվի կրթության համակարգում։ Նման կրթություն պետք է տրվի դպրոցներում, սակայն առաջին հերթին անհրաժեշտ է նախապատրաստել ուսուցիչներին, ինչը գործընթացը կդարձնի համակարգայնացված», - ասաց Զոլյանը։

Ռեկտորը նաև նշեց, որ մինչև 2008 թ.-ի սեպտեմբերը կանցկացվեն ևս երեք խորհրդաժողովներ՝ պատմության, մշակույթի, միջմշակութային երկխոսության կազմակերպման դասավանդման հարցերի ուղղությամբ, որից հետո ՀՀ կրթության և գիտության նախարարությունը, ինչպես նաև Մշակույթի նախարարությունը կներկայացնեն գործողությունների ծրագիր՝ «Միջմշակութային և միջկրոնական երկխոսություն» ծրագրի շրջանակներում։

«Արդեն ընթանում են որոշ աշխատանքներ, Եվրոպայի Խորհրդին ներկայացվել է Կրթության և գիտության նախարարության զեկույցը։ Այժմ մենք դեռևս թարգմանում ենք Եվրոպայում ստեղծված փաստաթղթերը, որոնց հիման վրա կկազմենք նաև մերը։ Մեր մասնագետները, ԵԽ-ի փորձագետների հետ միասին, պետք է մշակեն համապատասխան նյութերը»,- ասաց Զոլյանը։

Նա նշեց, որ Հարավային Կովկասի երկրները և Ուկրաինան համատեղ են իրականացնելու ԵԽ-ի ծրագիրը, ինչի համար ստեղծվել է հատուկ ինտերնետային կայք, որտեղ ներկայացվելու են բոլոր նյութերը։-0-

Loading...
Թեմատիկ նյութեր
Բաժնի այլ նյութեր
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը: