487.29
-0.01
568.08
+2.76
8.23
+0.01
+4
Եղանակը Երևանում
Հայ
Հայաստանի արտաքին քաղաքականության մեջ Ղարաբաղի հարցով բացթողումներ եղան. խոսնակ
16:41
10 Ապրիլի 2008

Հայաստանի արտաքին քաղաքականության մեջ Ղարաբաղի հարցով բացթողումներ եղան, հինգշաբթի խորհրդարանում հայտնեց ՀՀ ԱԺ խոսնակ Տիգրան Թորոսյանը, ներկայացենլով ղարաբաղյան հակամարտության կարգավորման վերաբերյալ հայտարարության նախագիծը։

«Ցավոք, բավական ժամանակ ենք բաց թողել, և, կարծում եմ, որ միտումները կարող են վտանգավոր դառնալ, եթե այսօր մենք միջոցներ չձեռնարկենք այդ իրավիճակը փոխելու համար»,- ասաց նա։
 
Թորոսյանի խոսքով, այս հարցում համախմբված աշխատանք է պետք, քանի որ մինչ օրս աշխատանքները տարվում էին առանձին անհատների մակարդակով։

«Իհարկե, հեշտ է քննադատել և վիրավորել առանձին զեկուցողների և առանձին կազմակերպությունների, որպեսզի իրենց հայրենասեր ձևացնեն, բայց դրանից ղարաբաղյան հակամարտության կարգավորման հարցը չի շահում։ Դժբախտաբար, գիտական և քաղաքական շրջանակներում հետևողական և համակարգված աշխատանքը գրեթե բացակայում է, ամեն ինչ մնում է առանձին անհատների նախաձեռնությունների մակարդակի վրա, ինչը կտրականապես անընդունելի է»,- ասաց նա։

ՀՀ խորհրդարանի նախագահը կարծում է, որ հաճախ միջազգային իրավունքը բաց է թողնվել տեսադաշտից, այնինչ, միաժամանակ, Լեռնային Ղարաբաղի մոտեցումները և քայլերը միջազգային իրավունքի տեսանկյունից անթերի են եղել։

Թորոսյանը կարևորում է լուրջ վերլուծությունների անցկացումը, որոնք պետք է լինեն տարբեր կառույցներում Հայաստանի ներկայացուցիչների, ինչպես նաև բանակցային գործընթացի մասնակիցների ձեռքին, որպեսզի վստահելի հիմք ունենան։

Խոսնակի խոսքով, նախաձեռնությունը կարող է պատակնել խորհրդարանին, քանի որ գիտական շրջանակներում համապատասխան ծրագրեր չկան։ «Մենք կարող ենք մասնագետների խումբ ստեղծել, որոնք կաշխատեն այդ ուղղությամբ»,- ասաց նա։

Թորոսյանն անհրաժեշտ է համարում լրացնել այն միջակայքը, որը Հայաստանը բաց է թողել ղարաբաղյան հակամարտության կարգավորման հարցում։ «Դա այն կառույցների բացթողումն է, որոնք պետք է աշխատեին այդ ուղղությամբ։ Թեև բանակցությունները հաջող էին ընթանում, բայց թիկունքի ապահովման առումով թերհաշվարկներ են եղել, որոնք պետք է շտապ լրացնել»,- ավելացրեց նա։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

  Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։