483.82
-0.09
522.04
-3.39
8.49
+0.01
+16
Եղանակը Երևանում
Հայ
Հայաստանում կհրատարակվեն Խորեն Ա Կաթողիկոսին նվիրված վավերագրական նյութերը
18:28
07 Ապրիլի 2008

Հայաստանում կհրատարակվեն անտիպ վավերագրական նյութեր և լուսանկարներ՝ նվիրված Ամենայն Հայոց կաթողիկոս Խորեն Ա Մուրադբեկյանին, ով նահատակվել է ստալինյան ճնշման տարիներին՝ 1938 թվականին, հայտնեց Մայր Աթոռի արխիվի տնօրեն, քահանա  Ասողիկ Կարապետյանը։

Այս մասին քահանա Կարապետյանն ասաց անցյալ կիրակի Խորեն Ա Մուրադբեկյան Ամենայն Հայոց Կաթողիկոսի նահատակության 70-րդ տարելիցին նվիրված «Նահատակ Հայրապետը» խորագրով հուշ-երեկոյի ժամանակ: Երեկոն անցկացվեց Ամենայն Հայոց Կաթողիկոս Գարեգին Բ-ի օրհնությամբ, այն կազմակերպվել էր Մայր Աթոռ Սուրբ Էջմիածնի և Հայաստանի Ազգային արխիվի կողմից, «Նովոստի-Արմենիային» հաղորդեցին Մայր Աթոռի տեղեկատվական համակարգից:

Խորեն Ա Մուրադբեկյան Կաթողիկոսի կենսագրությանը, ազգային-եկեղեցական կյանքում ունեցած մեծ ավանդին ու եղերական մահվան հանգամանքներին անդրադարձան Եղիշե ավագ քահանա Սարգսյանը և Հայաստանի Ազգային արխիվի տնօրեն Ամատունի Վիրաբյանը:

Երեկոն շարունակվեց հայկական հնագույն երաժշտության «Շարական» համույթի կատարումներով և Խորեն Ա Մուրադբեկյանին նվիրված ֆիլմի ցուցադրումով։

Երեկոյի ավարտին ամենքին իր Հայրապետական պատգամն ու օրհնությունը բերեց Գարեգին Բ Ամենայն Հայոց Հայրապետը:

«Ազգընտիր Խորեն Ա Ամենայն Հայոց Կաթողիկոսը բազմեց Լուսավորչի գահին` զորացնելու առաքելահիմն Հայոց Եկեղեցին, մեր բարեպաշտ նախնյաց օրինակով անմար պահելու լույսը քրիստոնեական հավատքի, իրագործելու համայն հայության նվիրական իղձերն ու երազանքները»,- ասաց Գարեգին Բ-ն:

Նա նշեց, որ «աստվածամարտ և եկեղեցամարտ բռնապետությունը, չկարողանալով ընկճել հավատքն ու ոգին արիասիրտ Հայրապետի, մահվան մատնեց Քրիստոսի հավատարիմ ծառային, բայց ի զորու չեղավ հայ ժողովրդի հոգում մոռացության մատնել բարի հիշատակը նահատակյալ Կաթողիկոսի և ժողովրդի սերը հանդեպ իր Հայրապետը»։

«Կան հիշատակներ, որոնք վեր են ժամանակի իշխանությունից` արձանագրվելով ոչ միայն ազգի պատմության ոսկե էջերում, այլ նաև յուրաքանչյուրի հավատավոր սրտում ու հոգում։ Այդպիսին է և այդպիսին պիտի լինի նահատակյալ Ամենայն Հայոց Կաթողիկոսի` Խորեն Մուրադբեկյանի հիշատակը, քանզի բազմավաստակ Հայրապետը` իբրև Գրիգոր Լուսավորչի գահի արժանավոր ժառանգորդ, հերոսացավ ու հավերժացավ իր բոլորանվեր կյանքի ճանապարհին` պաշտպանելով Եկեղեցին Հայաստանյայց»,-ասաց Գարեգին Բ-ն։

Հուշ-երեկոյին կազմակերպվել էր նաև Խորեն Կաթողիկոսին առնչվող արխիվային փաստաթղթերի և նյութերի ցուցադրություն: -0-

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։