481.93
+0.2
569.16
+0.19
8.37
-0.02
+13
Եղանակը Երևանում
Հայ
Լեգենդար լեհ կոմպոզիտոր Կշիշտոֆոր Պենդերեցկու երաժշտությունը կհնչի Հայաստանում
16:46
07 Ապրիլի 2008

ԵՐԵՎԱՆ, 7 ապրիլի. /Նովոստի-Արմենիա/.  Հայաստանի պետական ֆիլհարմոնիայի Արամ Խաչատրյանի անվան մեծ համերգասրահում երկուշաբթի կսկսվի «21-ի հեռանկարներ» իններորդ երաժշտական փառատոնը՝ նվիրված լեգենդար լեհ կոմպոզիտոր Կշիշտոֆոր Պենդերեցկուն, հայտնեց մշակույթի նախարար Հասմիկ Պողոսյանը։

«Այնպիսի մեծ կոմպոզիտորի, ինչպիսին Պենդերեցկին է, ժամանումը Հայաստան իսկական իրադարձություն է հայ հասարակության համար»,-երկուշաբթի լրագրողներին ասաց Պողոսյանը։

Նրա խոսքերով, փառատոնի յոթ օրերը իսկական տոնական շաբաթ կդառնան հայ ունկնդրի համար։

Լեհ կոմպոզիտորն իր հերթին շնորհակալություն հայտնեց փառատոնի կազմակերպիչներին՝ իրեն Հայաստան հրավիրելու համար։

«Ես ուրախ եմ, որ Հայաստանում առաջին անգամ նման ծավալով կհնչեն իմ ստեղծագործությունները»,- ասաց նա։ Պենդերեցկին ավելացրեց, որ միշտ ցանկացել է այցելել Հայաստան, սակայն 70-80 թվականներին մի շարք խնդիրների է բախվել, որոնք խանգարել են նրա այցին։

Ընդ որում կոմպոզիտորը խոստովանեց, որ հայակական արմատներ ունի։

«Իմ տատը հայուհի է եղել, և այս այցը, կարելի է ասել, վերադարձ է դեպի տուն»,- ավելացրեց նա։

Խոսելով ստեղծագործական գործընթացի մասին՝ կոմպոզիտորն ասաց, որ դժվարանում է նկարագրել այն մեխանիզմը, որի շնորհիվ ծնվում է երաժշտությունը։

«Ես նման եմ Պիկասոյին, ով իր ողջ կյանքի ընթացքում նոր ստեղծագործական ուղիներ էր փնտրում, քայլում էր լաբիրինթոսով։ Ես ևս իմ լաբիրինթոսն ունեմ, որը հենց ես եմ ստեղծել»,- ասաց Պենդերեցկին։

Լեհ կոմպոզիտոր Պենդերեցկուն նվիրված «21-ի հեռանկարներ» փառատոնին կմասնակցեն հայտնի կատարողներ տարբեր երկրներից, այդ թվում՝ Գերմանիայից, Ֆինլանդիայից, Ֆրանսիայից, Իտալիայից, Շվեյցարիայից, Լեհաստանից և Էստոնիայից։

Փառատոնին Հայաստանը կներկայացնի պետական ֆիլհարմոնիկ նվագախումբը, պետական ակադեմիական երգչախումբը, «Սերենադ» կամերային նվագախումը, «Հովեր» կամերային երգչախումբը, ինչպես նաև մենակատարներ Արամ Թալալյանը և Վահե Ռոստոմյանը։

Կշիշտոֆոր Պենդերեցկին լեհական երաժշտական ավանգարդի կոմպոզիտոր է, ծնվել է 1933 թվականին։ Ավարտելով Կրակովի Պետական բարձագույն երաժշտական դպրոցը՝ նա դարձել է բազմաձայնության և կոմպոզիցիայի պրոֆեսոր։

Պենդերեցկին միջազգային ճանչում ստացավ 1960-ին, երբ կատարվեց նրա՝ 52 լարային գործիքների համար գրված «Ողբ Հիրոսիմայի զոհերի հիշատակին» ստեղծագործությունը։

Իր ստեղծագործական ճանապարհին նա գրել է 4 օպերա, 7 սիմֆոնիա, 10 գործիքային կոնցերտ, 13 ստեղծագործություն նվագախմբի համար, մի շարք երգչախմբային, վոկալ և կամերային ստեղծագործություններ։

Պենդերեցկին Գրեմմիի եռակի, Էմմիի երկակի դափնեկիր է։ Իր կառավարության կողմից պարգևատրվել է 11 բարձրագույն պարգևով։

Լեհ կոմպոզիտորը նաև Մոսկվայի կոնսերվատորիայի պատվավոր պրոֆեսոր է, 12 համալսարանների պատվավոր դոկտոր, Բավարիայի գեղեցիկ արվեստների ակադեմիայի անդամ, Լոնդոնի երաժշտական թագավորական ակադեմիայի, Ամերիկայի արվեստների ակադեմիայի պատվավոր անդամ։

«21-ի հեռանկարներ» իններորդ միջազգային երաժշտական փառատոնն անցկացվում է Հայաստանի ընտրված նախագահ Սերժ Սարգսյանի հովանավորությամբ։-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: