485.25
-0.08
569.44
-2.72
8.18
-0.02
-3
Եղանակը Երևանում
Հայ
ԵԽԽՎ-ն ամեն ինչ կանի` Հայաստանում կայունություն ապահովելու համար. դե Պյուչ
17:30
03 Ապրիլի 2008

ԵՐԵՎԱՆ, 3 ապրիլի./Նովոստի-Արմենիա/. Եվրոպայի խորհրդի խորհրդարանական վեհաժողովի նախագահ Լյուիս Մարիա դե Պյուչը Սանկտ-Պետերբուրգում հայտարարել է, որ անձնամբ է շահագրգռված Հայաստանում ժողովրդավարության սկզբունքների և արժեքների խորացման կապակցությամբ և վստահեցրել, որ իր ղեկավարած կազմակերպությունը կանի հնարավոր ամենը՝ Հայաստանում կայունության և ժողովրդավարացման գործընթացների շարունակականությունն ապահովելու համար, հաղորդում է ՀՀ ԱԺ լրատվական ծառայությունը։
 
«Եվրոպայի խորհուրդը վստահություն ունի Հայաստանի կողմից ԵԽ արժեքներին ու սկզբունքներին հավատարմության նկատմամբ»,- ասաց դե Պյուչը հինգշաբթի ՀՀ ԱԺ խոսնակ Տիգրան Թորոսյանի հետ հանդիպման ժամանակ, ով Ռուսաստանի հյուսիսային մայրաքաղաքում մասնակցում է ԱՊՀ ՄԽՎ լիագումար նիստին։

ԵԽԽՎ ղեկավարի խոսքով, իր կազմակերպությունը մտահոգված է Հայաստանում տեղի ունեցած իրադարձություններով։
 
Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է մեկ ոստիկան և յոթ քաղաքացի։ Հաշվի առնելով ստեղծված իրավիճակը՝ ՀՀ նախագահ Ռոբերտ Քոչարյանը մարտի 1-ին ստորագրել է հրամանագիր՝ մայրաքաղաքում 20 օր ժամկետով արտակարգ դրություն մտցնելու մասին։

Դե Պյուչի խոսքով, թեև հասկանալի են արտակարգ իրավիճակ հայտարարելու պատճառները, այդուհանդերձ, այն զգալի սահմանափակումներ է առաջացնում ժողովրդավարության տեսանկյունից և ողջունելի է, որ այն չերկարացվեց։

Դե պյուչը աջակցություն հայտնեց Հայաստանի նախագահական ընտրությունների ընթացքին հետևող ԵԽԽՎ դիտորդական առաքելության ղեկավարի զեկույցին, որի համաձայն փետրվարի 19-ի ընտրությունները հիմնականում համապատասխանում էին միջազգային չափորոշիչներին։

Խոսելով Հարավային Կովկասում կայունություն ու զարգացում ապահովելու անհրաժեշտության մասին՝ դե Պյուչը տեղեկացրեց, որ առաջիկայում նախապատրաստվում է տարածաշրջանային այց կատարել Հարավային Կովկաս:

Իր հերթին Թորոսյանը բարձր գնահատեց ԵԽԽՎ հավասարակշիռ արձագանքը Հայաստանում տեղի ունեցած իրադարձությունների նկատմամբ` կարևորելով ԵԽ դերակատարումը և առաքելությունը առկա  խնդիրների լուծման առումով:

Նրա խոսքով, ապրիլի 17-ին Հայաստանում ժողովրդավարական ինստիտուտների գործունեության վերաբերյալ հրատապ ընթացակարգով քննարկման ժամանակ կարևոր է իրավիճակի ճշգրիտ պատկերը ներկայացնելը և Հայաստանում ժողովրդավարական գործընթացների խորացման աջակցությունը։

Նա բարձր գնահատեց ԵԽԽՎ զեկուցող Ջոն Պրեսկոտի գլխավորած  ընտրական դիտորդական և ետընտրական փաստահավաք առաքելությունները:

Նրա խոսքով, այդ առաքելությունների զեկույցներում հստակ տարբերակված են ընտրությունները և ետընտրական զարգացումները, ինչը էական հանգամանք է իրավիճակը ճիշտ պատկերացնելու առումով:

«Այսօր մեզ ներկայացվել են երկրում կայունության հաստատման և ժողովրդավարացման ուղղությամբ կարևոր առաջարկություններ, որոնց արտացոլումը ընդունվելիք ԵԽԽՎ բանաձևում օգտակար կլինի»,- նշեց Թորոսյանը։
 
Խոսելով «Ժողովներ, հանրահավաքներ, երթեր և ցույցերի անցկացնելու մասին» ՀՀ օրենքում արված փոփոխությունների մասին՝ Թորոսյանը տեղեկացրեց, որ փոփոխություններն ընդունվել են արտահերթ ընթացակարգով և անմիջապես ուղարկվել են Եվրոպայի Խորհրդի Վենետիկի հանձնաժողով` փորձաքննության։

«Փորձագետների կարծիքն արդեն ստացվել է և Վենետիկի հանձնաժողովի հետ ձեռք է բերվել պայմանավորվածություն՝ ապիրիլի 15-16-ին փորձագետների հետ քննարկում անցկացնել կարծիքում ներառված առաջարկությունների վերաբերյալ»,- նշեց ՀՀ ԱԺ նախագահը:

Մարտի 17-ին Հայաստանի խորհրդարանի կողմից ընդունված փոփոխությունների համաձայն, զանգվածային հրապարակային միջոցառումները կարող է լիազոր մարմինն արգելել, եթե կան հավաստի տվյալներ, որ դրանք ուղղած են սահմանադրական կարգը բռնի տապալելմանը,  ազգային, ռասսայական, կրոնական ատելություն բորբոքելուն,  բռնություն կամ պատերազմ քարոզելուն կամ էլ կարող են հանգեցնել պետական անվտանգության, հասարակական կարգի, հանրության առողջության ու բարոյականության խաթարմանը, այլոց սահմանադրական իրավունքների և ազատությունների ոտնահարմանը։

Միաժամանակ օրենքում սահմանվում է, որ տվյալները կարող են հավաստի համարվել, եթե դրանց վերաբերյալ ոստիկանությունը կամ ազգային անվտանգության ծառայությունը ներկայացրել են պաշտոնական եզրակացություն։

ԵԱՀԿ/ԺՀՄԻԳ և Եվրոպայի խորհրդի Վենետիկի հանձնաժողովը լուրջ մտահոգություն են հայտնել արված փոփոխությունների առնչությամբ՝ նշելով, որ դրանք սահմանափակում են հավաքների ազատությունը, իսկ օրինագծի հեղինակները պնդում են, որ փոփոխությունները լիովին համապատասխանում են Մարդու իրավունքների եվրոպական կոնվենցիային։--0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։