484
-0.04
526.01
+2.91
8.52
+0.08
+7
Եղանակը Երևանում
Հայ
Հայաստանում մեծ շուքով կնշվի ակադեմիկոս Վիկտոր Համբարձումյանի հոբելյանը
18:06
02 Ապրիլի 2008

ԵՐԵՎԱՆ, 2 ապրիլի./Նովոստի-Արմենիա/. 2008 թվականին Հայաստանում մեծ շուքով կնշվի ականավոր աստղաֆիզիկոս, ակադեմիկոս Վիկտոր Համբարձումյանի 100-ամյա հոբելյանը։ Չորեքշաբթի հոբելյանական հանձնաժողովի առաջին նիստի ընթացքում քննարկվել է ծրագրի նախագիծը, հաղորդում է կառավարության լրատվական ծառայությունը։

Հաշվի առնելով, որ 2008 թվականը  ՅՈՒՆԵՍԿՕ-ն հայտարարել է Վիկտոր Համբարձումյանի տարի, ըստ այդմ,  ծրագրի  միջոցառումները կունենան միջազգային   լայն ընդգրկում։

Մասնավորապես,   նախատեսվում  է  աշնանը  կազմակերպել   և  անցկացնել  մեծ  գիտնականին  նվիրված` «Ակտիվ  երևույթներն  ու տիեզերական օբյեկտների  էվոլյուցիան»  թեմայով  միջազգային  ներկայացուցչական  գիտաժողով։

Բացի այդ, Հայաստանից  գիտական  պատվիրակություններ  կգործուղվեն Ռուսաստան՝ Վիկտոր Համբարձումյանին  նվիրված  ՌԴ ԳԱ ընդհանուր  ֆիզիկայի  բաժանմունքի, ինչպես նաև  Սանկտ-Պետերբուրգի  համալսարանի  և Պուլկովոյի  աստղադիտարանի  համատեղ  նստաշրջաններին  մասնակցելու  համար: 

Նախատեսվում է  կազմակերպել նաև Վիկտոր Համբարձումյանի  գիտական ժառանգությանը նվիրված` երիտասարդ աստղաֆիզիկոսների  երկրորդ  միջազգային  դպրոցը` արտերկրի շուրջ  երեք տասնյակ  անվանի գիտնականների մասնակցությամբ: Կանցկացվեն Վիկտոր Համբարձումյանի  գիտական  ժառանգության  վերաբերյալ  ընթերցումներ, ԵՊՀ ֆիզիկայի  և  ռադիոֆիզիկայի ֆակուլտետներում գիտական  նստաշրջան  կկազմակերպվի`  բարձր  կուրսերի  ուսանողների համար:

Նախատեսվում է նաև մեծ գիտնականի մասին հուշագրքի տպագրությունը,  կվերահրատարակվեն  նրա գիտահանրամատչելի  հոդվածների  ժողովածուն և  գիտական աշխատանքների ցանկը։ «Գիտության  աշխարհում» հանդեսի 2008թ.  երկրորդ  համարն  ամբողջությամբ  կնվիրվի Վիկտոր Համբարձումյանի 100-ամյակին։

Նախատեսվում է նաև ստեղծել  Վիկտոր Համբարձումյանին  նվիրված ինտերնետային կայք, մեծ գիտնականի  կյանքին  և  գործունեությանը նվիրված  DVD սկավառակ:

Բազմաթիվ  լայնածավալ  միջոցառումներ կիրականացվեն  ՀՀ մարզերում։ Ծրագրով  նախատեսված  միջոցառումների մի մասը նպատակուղղված է  աշխարհահռչակ  գիտնականի  հիշատակի  հավերժացմանը: Մասնավորապես,  նախատեսվում է ԵՊՀ աստղադիտարանի  առջև  տեղադրել  մեծ գիտնականի կիսանդրին, սահմանել Վիկտոր Համբարձումյանի   անվան  հատուկ  մրցանակ: Կթողարկվեն նաև  հոբելյանական  հուշադրամ  ու  նամականիշ:

Վիկտոր Համբարձումյանի 100-ամյակին  նվիրված  հոբելյանական  երեկոն տեղի կունենա 2008թ. սեպտեմբերին`  Ալ. Սպենդիարյանի  անվան   օպերայի  և  բալետի ազգային  ակադեմիական թատրոնում:

Քննարկված ծրագրի նախագիծը կներկայացվի հոբելյանական հանձնաժողովի նախագահ, ՀՀ նորընտիր նախագահ, գործող վարչապետ Սերժ Սարգսյանի հաստատմանը:

Վիկտոր Համբարձումյանը (1908-1996) ականավոր խորհրդային գիտնական է, տեսական աստղաֆիզիկայի հիմնադիրներից մեկը։ Համբարձումյանն աշխատել է աստղերի և միգամածությունների ֆիզիկայի, աստղային աստղագիտության և աստղային համակարգերի դինամիկայի, աստղերի և գալակտիկաների տիեզերածնության  ոլորտներում։--0—

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։