482.36
-0.38
568.99
-1.66
8.19
-0.05
-2
Եղանակը Երևանում
Հայ
Եվրախորհուրդը շահագրգիռ է Հայաստանի ներքաղաքական իրավիճակի շուտափույթ կայունացմամբ. Սյոգրեն
17:36
31 Մարտի 2008

ԵՐԵՎԱՆ, 31 մարտի. /Նովոստի-Արմենիա/. Եվրախորհուրդը  շահագրգիռ է Հայաստանի ներաքաղաքական իրավիճակի կայունացմամբ, երկուշաբթի ասաց Եվրախորհրդի Նախարարների կոմիտեի մոնիտորինգի «Ագոյի խմբի» ղեկավար Պեր Սյոգրենը (Per Sjogren)։

«Հայաստանը Եվրախորհրդի կարևոր անդամն է։ Կազմակերպությունը շահագրգիռ է հանրապետության կայունությամբ և ամբողջ տարածաշրջանի զարգացմամբ»,- հայտարարեց նա Երևանում մամուլի ասուլիսի ժամանակ։

Ընդ որում Սյոգրենը նշեց, որ մոնիտորինգային խումբն այցելում է Հայաստան՝ նրա համար վատ ժամանակահատվածում, երբ հանրապետությունը ջանում է կայունացնել իրավիճակը և վերադառնալ ժողովրդավարական զարգացման ուղի։

Այս Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների:

ՀՀ գլխավոր դատախազության տվյալներով, այդ ամենի հետևանքով զոհվել է մեկ ոստիկան և յոթ քաղաքացի, շուրջ 265 մարդ, այդ թվում՝ 210 ոստիկան, ստացել են վնասվածքներ։

Սյոգրենի խոսքերով, Հայաստան կատարած ներկա այցի ժամանակ խումբն ուշադրություն կդարձնի ոչ միայն Եվրախորհրդի առաջ ստանձնած պարտավորությունների կատարմանը, մասնավորպես, ԶԼՄ-ների ազատության ապահովմանը, ընտրությունների թափանցիկությանը, այլև կզբաղվի մարտի մեկի դեպքերից հետո ստեղծված իրավիճակի ուսումնասիրմամբ։

Նա նշեց, որ արտգործնախարարի հետ այսօրվա հանդիպման ընթացում «Ագոյի խմբի» անդամները իրավիճակի կայունացման վերաբերյալ վեց առաջարկություն են ներկայացրել։

Խմբի ղեկավարը նշեց, որ, մասնավորապես, առաջարկվում է թույլ տալ մարտի 1-ի անկարգությունների գործով կալանավորվածների հանդիպումը հարազատների հետ։

Ներկա պահին անկարգությունների գործով ձերբակալված և կալանավորված է 102 մարդ։

«Երևանի «Կենտրոն» քրեակատարողական հիմնարկ կատարած այցի ժամանակ մենք տեղեկացանք, որ կալանավորվածները մեկուսացված են հասարակությունից և իրենց ընտանիքներից։ Կարծում եմ, որ դա անխոհեմ է, և ինչպես մեզ հավաստիացրեց արդարադատության նախարար Գևորգ Դանիելյանը, հարցը լուծում կստանա»,-ասաց Սյոգրենը։

Նա նաև տեղեկացրեց, որ «Ագոյի խումբը» հավանություն է տալիս քաղաքական նկատառումներով կալանավորվածներին ազատ արձակելու՝ միջազգային կազմակերպությունների կոչին, իսկ Հայաստանի արդարադատության նախարարությունը խմբին պարբերաբար ազատ արձակելու գործընթացի վերաբերյալ տեղեկություններ կհաղորդի։

Սյոգրենը նշեց, որ «Ագոյի խումբը» հավանություն է տալիս մարտի 1-2-ի դեպքերի ազգային անկախ ու անկողմնակալ հետաքննություն անցկացնելու առաջարկին։ Նա ավելացրեց, որ հետաքննությանը կարող են օգնել նաև միջազգային փորձագետները, իսկ հետաքննությունն ինքնին պետք է ժողովրդի վստահությանն արժանանա։

Սյոգրենն անդրադարձավ նաև Հայաստանում «Ժողովներ, հանրահավաքներ, երթեր և ցույցեր անցկացնելու մասին» օրենքում կատարված փոփոխություններին վերաբերող հարցին։

«Ցավում եմ, որ օրենքն ընդունվել է առանց Եվրախորհդի հետ քննարկման ու խորհրդակցությունների։ Ներկայումա Վենետիկի հանձնաժողովն արդեն օրինագծի վերաբերյալ իր վերլուծությունն արել է և իր եզրակացությունները կներկայացնեի երկրի կառավարությանը»,- տեղեկացրեց խմբի ղեկավարը։

ՀՀ նախագահ Ռոբերտ Քոչարյանը մարտի 18-ին ստորագրել է «Ժողովներ, հանրահավաքներ, երթեր և ցույցեր անցկացնելու մասին» օրենքում փոփոխությունների փաթեթը։ Փոփոխությունների համաձայն, զանգվածային հրապարակային միջոցառումները կարող է լիազոր մարմինն արգելել, եթե կան հավաստի տվյալներ, որ դրանք ուղղած են սահմանադրական կարգը բռնի տապալելուն,  ազգային, ռասսայական, կրոնական ատելություն բորբոքելուն,  բռնություն կամ պատերազմ քարոզելուն կամ էլ կարող են հանգեցնել պետական անվտանգության, հասարակական կարգի, հանրության առողջության ու բարոյականության խաթարմանը, այլոց սահմանադրական իրավունքների և ազատությունների ոտնահարմանը:

Սյոգրենը նշեց նաև իշխանությունների և ընդդիմության միջև քաղաքական երկխոսության կարևորությունը։ «Մենք հավատում ենք, որ դրան հնարավոր է հասնել։ Նման երկխոսությունն արդեն ինքնին հաշտության և իրավիճակը շտկելու միջոց կդառնա»,- նշեց Սյոգրենը։ -0-

Loading...
Թեմատիկ նյութեր
Բաժնի այլ նյութեր
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին: