487.57
+0.28
567.63
-0.45
8.2
-0.03
+9
Եղանակը Երևանում
Հայ
Հայաստանի և Ռուսաստանի նորընտիր նախագահները պատրաստ են միջպետական համագործակցություն ծավալել
17:36
24 Մարտի 2008

Հայաստանի և Ռուսաստանի նորընտիր նախագահներ Սերժ Սարգսյանը և Դմիտրի Մեդվեդևը երկուշաբթի Կրեմլում հանդիպման ժամանակ լիարժեք ու բազմակողմանի միջպետական համագործակցություն ծավալելու պատրաստակամություն են հայտնել։

Ինչպես «Նովոստի-Արմենիա» գործակալությանը հայտնեցին ՀՀ կառավարության տեղեկատվության և հասարակայնության հետ կապերի վարչությունից, Սերժ Սարգսյանը Մոսկվայում է գտնվում՝ գործող նախագահ Վլադիմիր Պուտինի հրավերով։

Կրեմլում  ողջունելով Սերժ Սարգսյանին` Դմիտրի Մեդվեդևը շնորհավորել է  նրան՝ ՀՀ  նախագահական  ընտրություններում տարած  հաղթանակի կապակցությամբ: Նշելով,  որ սա  նոր  կարգավիճակում  Սերժ  Սարգսյանի առաջին  այցն է ՌԴ,  Մեդվեդևը հույս է  հայտնել, որ Հայաստանի նորընտիր նախագահի ղեկավարության ներքո ևս կշարունակվեն վերջին տարիներին ամուր հիմքերի վրա դրված հայ-ռուսական հարաբերությունները, և երկու երկրները կկարողանան լիարժեք ու բազմակողմանի համագործակցություն ծավալել ամենատարբեր ոլորտներում` ի նպաստ Հայաստանի և Ռուսաստանի, երկու երկրների ժողովուրդների:

Հայաստանի նախագահական ընտրությունները տեղի են ունեցել փետրվարի 19-ին, երկրի ԿԸՀ պաշտոնական տվյալներով, Սարգսյանը հավաքել է ընտրողների ձայների 52,82 տոկոսը։

Սերժ Սարգսյանն իր հերթին շնորհակալություն է հայտնել ջերմ ընդունելության համար և փոխադարձաբար շնորհավորել Դմիտրի Մեդվեդևին` մարտի 2-ին կայացած ՌԴ նախագահական ընտրություններում տարած համոզիչ հաղթանակի և հաջող անցկացված ընտրությունների կապակցությամբ:

Ընդգծելով, որ Հայաստանում Մեդվեդևին ճանաչում են իբրև հմուտ քաղաքական և պետական գործչի, Սարգսյանը վստահություն է հայտնել, որ նրա կողմից ՌԴ նախագահի պաշտոնը ստանձնելուց հետո ևս երկու պետությունների միջև համագործակցությունը կշարունակվի ռազմավարական գործընկերության նույն ոգով:

Հանդիպման ժամանակ  Սերժ  Սարգսյանը վերահաստատել է  Դմիտրի Մեդվեդևի այցի հրավերը Հայաստան` նրան հարմար ժամկետում, ինչը շնորհակալությամբ ընդունվել է: ՌԴ նորընտիր նախագահը նշել է, որ երկրի  ղեկավարի պաշտոնը ստանձնելուց  հետո   առաջիններից մեկը  կայցելի Հայաստան:

Սերժ Սարգսյանը և Դմիտրի Մեդվեդևը քննարկել  են երկկողմ հարաբերություններին  վերաբերող  հարցերի  լայն շրջանակ: Անդրադարձ է եղել նաև Հայաստանի ետընտրական զարգացումներին, ներքաղաքական իրավիճակին:

ՀՀ  վարչապետը շնորհակալություն է հայտնել ՌԴ  իշխանություններին` ընտրություններից  հետո Հայաստանի  համար դժվարին  օրերին  սատար լինելու, ըմբռնման և դժվարությունների հաղթահարման  գործում աջակցության համար:

Հայկական ընդդիմությունը, ՀՀ նախկին նախագահ Լևոն Տեր-Պետրոսյանի գլխավորությամբ, Երևանում անցկացնում էր հանրահավաքներ, որոնք վերածվեցին  անկարգությունների և ցուցարարների ու իրավապահ մարմինների միջև բախումների։

Հայաստանի գլխավոր դատախազությունը քրեական գործ է հարուցել՝ իշխանության բռնազավթմանն ու սահմանադրական կարգի խախտմանն ուղղված զանգվածային անկարգությունների փաստով, ձերբակալվել է 106 մարդ։

Սերժ Սարգսյանը և Դմիտրի Մեդվեդևը հանդիպման ժամանակ  քննարկել են  տարածաշրջանային հարցեր, ինչպես նաև տարբեր կազմակերպությունների, այդ թվում` ԱՊՀ-ի, Հավաքական  անվտանգության  պայմանագրի կազմակերպության, ՄԱԿ-ի, ԵԱՀԿ-ի և այլ կազմակերպությունների շրջանակներում  Հայաստանի և Ռուսաստանի  համագործակցությունը: .--0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։