482.25
+0.32
566.07
-3.09
8.39
+0.02
+8
Եղանակը Երևանում
Հայ
ՀՀ նորընտիր նախագահ Սերժ Սարգսյանը ՌԴ ղեկավարության հետ կքննարկի համագործակցությանն առնչվող հարցեր
11:25
24 Մարտի 2008

ԵՐԵՎԱՆ, 24 մարտի. /Նովոստի-Արմենիա/. ՀՀ նորընտիր նախագահ Սերժ Սարգսյանն աշխատանքային այցով գտնվում է Ռուսաստանում, սա նրա առաջին արտերկրյա այցն է փետրվարյան ընտրություններին հաղթանակ տանելուց հետո։

Ինչպես «ՌԻԱ Նովոստիին» տեղեկացրել է Կրեմլի մամուլի ծառայության աղբյուրը, Մոսկվայում գտնվելու ընթացքում ծրագրվում են ՀՀ վարչապետ Սարգսյանի հանդիպումները ՌԴ նախագահ Վլադիմիր Պուտինի և ՌԴ նորընտիր նախագահ Դմիտրի Մեդվեդևի հետ։

«Հանդիպման ընթացքում ծրագրվում է քննարկել փոխադարձ շահ ներկայացնող հարցերի լայն շրջանակ», - ասել է «ՌԻԱ Նովոստիին» ՀՀ կառավարության մամուլի ծառայության ներկայացուցիչը։

Սարգսյանի այցը ընթանում է ՌԴ նախագահի հրավերով։

Հայաստանի նախագահական ընտրությունները տեղի են ունեցել փետրվարի 19-ին։ Ինչպես և Ռուսաստանում մարտին տեղի ունեցած ընտրություններին, Հայաստանում ևս հաղթել է երկրի գործող նախագահի աջակցությունը վայելող թեկնածուն։ ՀՀ ԿԸՀ-ի պաշտոնական տվյալների համաձայն՝ Սերժ Սարգսյանը հավաքել է ձայների 52,82 տոկոսը։ Նոր նախագահի երդման արարողությունը տեղի կունենա Երևանում՝ ապրիլի 9-ին։

Ռոբերտ Քոչարյանը զբաղեցնում է ՀՀ նախագահի պաշտոնը 1998 թ.-ի ապրիլից։ Քանի որ Քոչարյանը, ինչպես և Վլադիմիր Պուտինը, զբաղեցնում է նախագահի պաշտոնը երկրորդ ժամկետում, ըստ սահմանադրության՝ նա իրավունք չուներ մասնակցել փետրվարյան ընտրություններին։

Սակայն ի տարբերություն Ռուսաստանի նախագահի, որը համաձայնվել է կառավարությունը գլխավորելու մասին Մեդվեդևի առաջարկին, Քոչարյանը հանրապետության նախագահի պաշտոնից հեռանալուց հետո մտադիր է աշխատանքում որոշակի դադար տալ։

ՀՀ նախագահը հայտարարել է, որ չի պատրաստվում  դառնալ թոշակառու, սակայն երբեք չի ասել, թե արդյոք նախագահական ժամկետի ավարտից հետո կզբաղեցնի պետական որևէ պաշտոն։

Ռուսաստանին և Հայաստանին կապում են ռազմավարական գործընկերության դաշնակցային հարաբերություններ։ Միջազգային խնդիրների շուրջ երկու երկրների դիրքորոշումները մեծ մասամբ համընկնում են կամ մոտ են միմյանց։

Ինչպես հինգշաբթի Հայաստան կատարած այցի ժամանակ հայտարարել է ՌԴ ԱԳ փոխնախարար Գրիգորի Կարասինը, Մոսկվան անտարբեր չէ, թե ինչպես կդասավորվի ներքաղաքական իրավիճակը մեր երկրում, որտեղ նախագահական ընտրություններից հետո բողոքի ցույցերը վերածվել են անկարգությունների։

 Նախագահական ընտրություններին իր թեկնածությունը առաջադրած և դրանցում պարտություն կրած Հայաստանի նախկին նախագահ Լևոն Տեր-Պետրոսյանի գլխավորությամբ հայկական ընդդիմությունը Երևանում անց էր կացնում ցույցեր, որոնք վերածվել են իրավապահ մարմինների ներկայացուցիչների հետ բախումների։ ՀՀ գլխավոր դատախազությունը հարուցել է քրեական գործ՝ իշխանությունը բռնի ուժով զավթելուն և սահմանադրական կարգը խախտելուն ուղղված զանգվածային անկարգությունների փաստով, ձերբակավել է 106 մարդ։

Կարասինը ընդգծել է, որ Մոսկվայի կարծիքով՝ երկխոսությունը խնդիրների լուծման միակ ճանապարհն է, և Ռուսաստանը պատրաստ է ամեն կերպ աջակցել դրան։

Ինչպես կարծում են փորձագետները,  Սարգսյանի՝ Ռուսաստան այցի ընթացքում հիմնական թեմաներից մեկը ղարաբաղյան հակամարտության կարգավորումն է։

Մարտի 14-ին ՄԱԿ Գլխավոր Ասամբլեան ընդունել է չճանաչված Լեռնային Ղարաբաղի վերաբերյալ բանաձևը՝ «Ադրբեջանի գրավված տարածքներից» անհապաղ հայկական ուժերը դուրս բերելու պահանջով՝ հաստատելով Լեռնային Ղարաբաղի ու հարակից տարածքների նկատմամբ Ադրբեջանի իրավունքը։ Գլխավոր Ասամբլեան ընդունել է փաստաթուղթը 39 «կողմ», յոթ «դեմ» և 100 ձեռնպահ ձայներով։  ԵԱՀԿ ղարաբաղյան հակամարտության Մինսկի խմբի համանախագահներ Ռուսաստանը, ԱՄՆ-ն և Ֆրանսիան «դեմ» են քվեարկել։

Հայաստանում դժգոհ են բանաձևի կապակցությամբ և կարծում են, որ այդ փաստաթուղթը, չնայած որ չունի կատարման պարտադիր ուժ, կարող է խախտել խաղաղ գործընթացը։

Փորձագետների կարծիքով, Սարգսյանի՝ Մոսկվա այցի ընթացքում բանակցությունների ևս մեկ թեմաներից մեկը կլինեն երկու երկրների առևտրատնտեսական հարաբերությունները, այդ թվում նաև էներգետիկ բնագավառում։

Ինչպես մարտի կեսերին տեղեկացրել է «Գազպրոմի» նախագահ Ալեքսեյ Միլերը, հոլդինգը մտադիր է անհապաղ բանակցություններ սկսել միջասիական գազը սպառող-երկրների հետ՝ 2009 թ.-ից գազի եվրոպական գներին՝ Ղազախստանի, Ուզբեկստանի և Թուրքմենստանի անցման կապակցությամբ։

 Նրա խոսքերով, եթե Մերձբալթյան երկրների հետ հոլդինգն արդեն անցել է գնագոյացման եվրոպական սկզբունքներին, ապա Բելառուսի, Մոլդավիայի, Հայաստանի, նախկին ԽՍՀՄ-ի այլ հանրապետությունների հետ, մասնավորապես Ուկրաինայի հետ, ընկերությունը գտնվում է շուկայական հարաբերությունների կայացման գործընթացում։

Գազը Հայաստան է մատակարարվում տրանզիտ կարգով՝ Վրաստանի միջով։ «Գազպրոմը» «ՀայՌուսգազարդ» ՓԲԸ-ի 57,59% բաժնետոմսերի բաժնետերն է, որը Հայաստանի ներքին շուկայում ռուսական բնական գազի մատակարարման և տեղաբաշխման մենաշնորհային իրավունք ունի։ 2008 թ.-ի մարտի 1-ի դրությամբ գազի սպառողների թիվը կազմում է ավելի քան 526 հազ. մարդ։-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: