486.78
-0.64
574.01
+0.22
8.17
+0.03
+4
Եղանակը Երևանում
Հայ
Հայաստանը հաստատում է, որ կողմ է Ղարաբաղի խնդիրը բանակցությունների ճանապարհով լուծելուն. ԱԳՆ
13:45
20 Մարտի 2008

Հայաստանը համամիտ է, որ ղարաբաղյան խնդիրը պետք է լուծվի բանակցությունների արդյունքում, հինգշաբթի «Նովոստի-Արմենիա» գործակալությանը հայտարարեց ՀՀ ԱԳՆ մամուլի և տեղեկատվության վարչության լրատվամիջոցների հետ կապի բաժնի վարիչ Տիգրան Բալայանը՝ մեկնաբանելով ԵԱՀԿ-ի կայքում տեղադրված Մինսկի խմբի հայտարարությունը։

Հայտարարության մեջ նշվում է, որ մարտի 14-ին Վիեննայում ԵԱՀԿ Մինսկի խմբի համանախագահները հանդիպում են ունեցել ՀՀ ԱԳ նախարար Վարդան Օսկանյանի հետ, իսկ մարտի 15-ին Փարիզում՝ Ադրբեջանի ԱԳ նախարար Էլմար Մամեդյարովի հետ։ 

Այդ հանդիպումներից հետո միջնորդները հիշեցրել են, որ դեռ ՄԱԿ-ի Գլխավոր Ասամբլեայում Լեռնային Ղարաբաղի վերաբերյալ բանաձևի քվեարկությունից առաջ ՄԽ համանախագահող-երկրներ Ֆրանսիան, Ռուսաստանը և ԱՄՆ-ն «հայտարարում էին Ադրբեջանի տարածքային ամբողջականության աջակցության մասին՝ այդպիսով չճանաչելով Լեռնային Ղարաբաղի անկախությունը և նշելով, որ Ղարաբաղի ապագա կարգավիճակը պետք է որոշվի խաղաղ բանակցությունների ճանապարհով»։

Բալայանն ավելացրեց, որ ԵԱՀԿ ՄԽ համանախագահող-երկրների կողմից Ադրբեջանի տարածքային ամբողջականությունը ճանաչելու մասին արտահայտությունը միշտ կրկնվել է։ «Ես կցանկանայի նշել, որ ՀՀ նորընտիր նախագահ, վարչապետ Սերժ Սարգսյանը բազմիցս հայտարարել է, որ Հայաստանը ևս ճանաչում է Ադրբեջանի տարածքային ամբողջականությունը, սակայն ղարաբաղյան հակամարտությունը ոչ մի ընդհանուր բան չունի Ադրբեջանի տարածքային ամբողջականության հետ», - ընդգծեց ԱԳ մամուլի քարտուղարի պաշտոնակատարը։

Այսինքն, նշեց Բալայանը, ԽՍՀՄ փլուզումից հետո Ադրբեջանի տարածքում ստեղծվեց երկու անկախ պետություն, և դա միջազգային հանրության կողմից ճանաչված փաստ է։ «ՄԱԿ Գլխավոր Ասամբլեայում Լեռնային Ղարաբաղի վերաբերյալ բանաձևի քվեարկության արդյունքները ևս բացահայտորեն ցույց տվեցին այդ փաստը», - ասաց Բալայանը։

Մարտի 14-ին ՄԱԿ Գլխավոր Ասամբլեան 39 «կողմ», յոթ «դեմ» և 100 ձեռնպահ ձայներով ընդունել է Լեռնային Ղարաբաղի վերաբերյալ բանաձևը, որով Ադրբեջանը  խնդրում է հաստատել Լեռնային Ղարաբաղի ու հարակից տարածքների նկատմամբ իր իրավունքը։ ԵԱՀԿ ղարաբաղյան հակամարտության Մինսկի խմբի համանախագահներ Ռուսաստանը, ԱՄՆ-ն և Ֆրանսիան «դեմ» են քվեարկել։

Նա նշեց, որ նման նախաձեռնություններով պաշտոնական Բաքուն միգուցե հիմք է նախապատրաստում՝ ԵԱՀԿ Մինսկի խմբից դուրս գալու համար։

Նախօրեին խորհրդարանում ԱԳ նախարար Վարդան Օսկանյանը հայտարարել է, որ Ադրբեջանը ձգտում է ցրել ԵԱՀԿ ղարաբաղյան հակամարտության կարգավորման Մինսկի խումբը։

«Բանաձևի վերաբերյալ՝ երեկ արված իմ մեկնաբանության մեջ ես հիշատակել եմ դա։ Նախարար Օսկանյանն ավելի հեռու է գնացել և հրապարակել է մեր տեղեկատվությունն այն մասին, որ Ադրբեջանը պաշտոնական կարգով դիմել է ԵԱՀԿ՝ Մինսկի գործընթացից դուրս գալու համար», - ասաց Բալայանը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին: