484.75
-0.5
571.76
+2.32
8.19
+0.01
-2
Եղանակը Երևանում
Հայ
Երևանում 106 մարդ մեղադրվում է մարտի 1-2-ի անկարգություններին մասնակցելու համար. Գլխավոր դատախազություն
11:35
19 Մարտի 2008

ԵՐԵՎԱՆ, 19 մարտի. /Նովոստի-Արմենիա/. ՀՀ հատուկ քննչական ծառայության վարույթում քննվող քրեական գործի շրջանակներում մեղադրանք է առաջադրվել 106 անձի, երեքշաբթի «Նովոստի-Արմենիա» գործակալությանն է տեղեկացրել ՀՀ գլխավոր դատախազի մամուլի քարտուղարը։

Նա նշել է, որ դատարանի որոշմամբ, բոլոր 106 անձնանց նկատմամբ որպես խափանման միջոց է կիրառվել կալանավորումը: Կալանավորված և ձերբակալված անձանց թվում անչափահասներ և կանայք չկան։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է մեկ ոստիկան և յոթ քաղաքացի, ավելի քան 230 մարդ ստացել են տարբեր վնասվածքներ։

«Բոլոր մեղադրյալներին մեղադրանքներ են առաջադրվել ՀՀ քրեական օրենսգրքով նախատեսված քրեական հանցագործություններ կատարելու համար՝ օրենքով սահմանված կարգի խախտմամբ զանգվածային միջոցառումներ կազմակերպելու և անցկացնելու, իշխանության ներկայացուցիչների օրինական պահանջներին չենթարկվելու կոչեր անելու, սահմանադրական կարգի խախտմամբ, պետական իշխանությունը յուրացնելուն  ուղղված գործողություններ անելու, ապօրինի զենք-զինամթերք ձեռք բերելու և պահելու համար», - տեղեկացրել է մամուլի քարտուղարը։

Միաժամանակ նա նշել է, որ օրենքով սահմանված կարգի խախտմամբ զանգվածային միջոցառումներին մասնակցելը ՀՀ գործող օրենսդրությամբ քրեական հանցագործություն չի համարվում։ «Որևէ մասնակից չի ձերբակալվել, չի կալանավորվել, եթե նրա գործողություններում առկա չեն եղել քրեական հանցագործության հատկանիշներ», - նշել է նա։

Մամուլի քարտուղարն ավելացրել է, որ սահմանադրական կարգի խախտմամբ պետական իշխանությունը յուրացնելու նպատակով զանգվածային անկարգություններ հրահրելու և կազմակերպելու փաստի առթիվ  ՀՀ հատուկ քննչական ծառայությունում հարուցված քրեական գործի նախաքննությունը շարունակվում է:

Կարևորելով հասարակության ստուգված և անաչառ տեղեկատվություն ստանալու իրավունքը և ՀՀ հատուկ քննչական ծառայության վարույթում քննվող քրեական գործի նախաքննության թափանցիկությունն ու հրապարակայնությունն ապահովելու նպատակով ՀՀ գլխավոր դատախազի հրամանով ձևավորվել է հանրային իրազեկման աշխատանքային խումբ, որի առջև խնդիր է դրվել  ապահովել նշված քրեական գործի նախաքննության արդյունքների վերաբերյալ հանրությանը՝ ԶԼՄ-ներին, քաղաքացիներին և  հասարակական կազմակերպություններին պարբերաբար տեղեկատվության տրամադրումը։

Քննչական ծառայության ղեկավարության առջև խնդիր է դրվել պարզել ֆիզիկական հարկադրանքի կամ ուժի ենթարկված անձանց, ինչպես նաև գործադրված հատուկ միջոցների տեսակը, եղանակը, հետևանքը, հարկադրանքի ենթարկված անձի գործողությունները ֆիզիկական ուժ կամ այլ հարկադրանք կիրառելու պահին, հրազեն գործադրման յուրաքանչյուր դեպքում՝ հրազենի տեսակը, տրամաչափը, գործարանային համարը, հաշվառման վայրը, հրազենն ու ռազմամթերքն ստանալու և ապա հանձնելու  տեղն ու ժամը, կրակոցների արձակման ռեժիմը, նպատակաուղղվածությունը, ուղղությունը, հատկացված և երադարձված փամփուշտների քանակը: --0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։