486.78
+0.12
515.5
+2.27
8.41
+0.01
-2
Եղանակը Երևանում
Հայ
Ադրբեջանը Ղարաբաղի մասին ՄԱԿ-ի բանաձևով ուրախանալու պատճառ չունի. ՀՀ ԱԳ նախարար
11:50
18 Մարտի 2008

Ադրբեջանը Ղարաբաղի մասին ՄԱԿ-ի բանաձևով ուրախանալու պատճառ չունի, հայտարարել է ՀՀ արտգործնախարար Վարդան Օսկանյանը «Կենտրոն» հեռուստաընկերությանը տված հարցազրույցի ժամանակ։

Մարտի 14-ին ՄԱԿ Գլխավոր Ասամբլեան ընդունել է Լեռնային Ղարաբաղի վերաբերյալ բանաձևը` 39 «կողմ», յոթ «դեմ» ձայներով։ Քվեարկությանը մասնակցել է ՄԱԿ 192 անդամ-երկրներից 147-ը։ ՄԱԿ անդամ 100 երկրներ ձեռնպահ են մնացել  բանաձևի քվեարկության ժամանակ. բանաձևով Ադրբեջանը խնդրում է հաստատել Լեռնային Ղարաբաղի և հարակից տարածքների նկատմամբ իր իրավունքը։

Փաստաթղթում ընդգծվում է «Ադրբեջանի հանրապետության գրավված տարածքներից հայկական բոլոր ուժերի անհապաղ, լիովին և անվերապահ դուրսբերման» անհրաժեշտությունը։

ԵԱՀԿ ղարաբաղյան հակամարտության Մինսկի խմբի համանախագահներ ԱՄՆ-ն և Ֆրանսիան, Ռուսաստանի հետ մեկտեղ եղել են «դեմ» քվեարկածների թվում։

Փաստաթուղթը, որից ձեռնպահ է մնացել 100 երկիր, ազգերի քննարկմանն է ներկայացվել, երբ դեռ մեկ ամիս էլ չէր անցել փետրվարի 17-ին Սերբիայի Կոսովո երկրամասի՝ անկախության հռչակումից, որն արդեն ճանաչել է շուրջ 30 պետություն։

«Չարժե ուշադրություն դարձնել Հայաստանի դիվանագիտական պարտության մասին Ադրբեջանի հայտարարություններին։ Լավ կլիներ, որ այդ բանաձևը չանցներ, սակայն ես գոհ եմ այս փաստաթղթի վերաբերյալ երկրների մի ամբողջ շարքի դիրքորոշումից», - ասել է Օսկանյանը։

Նրա խոսքերով, բանաձևը կրում է միայն խորհրդատվական բնույթ։

«Բանաձևին չաջակցեց ավելի քան 150 երկիր, իսկ երեք կարևորագույն երկրներ՝ Ռուսաստանը, Ֆրանսիան և ԱՄՆ-ն փաստաթղթին ուղղակի դեմ քվեարկեցին», - ասել է ՀՀ ԱԳ նախարարը՝ համոզմունք հայտնելով, որ եթե այդ բանաձևը կրեր պարտադիր բնույթ, ապա ձեռնպահ երկրներն ուղղակի դեմ կքվեարկեին։

Նրա խոսքերով, փաստաթղթերի վերաբերյալ Ռուսաստանի, Ֆրանսիայի և ԱՄՆ-ի դիրքորոշումը պետք է Ադրբեջանի համար այն բանի ազդանշանը լինի, որ հարցի լուծումը բանակցային գործընթացն է, այլ ոչ թե բանաձևի ընդունումը։

«Նման բանաձևերը չեն կարող հանգեցնել հակամարտության կարգավորմանը։ Խնդիրը կարգավորող միակ փաստաթուղթը այն է, որի տակ կստորագրեն Ադրբեջանը, Հայաստանը և Լեռնային Ղարաբաղը», - ասել է Օսկանյանը։

Նրա խոսքերով, Ադրբեջանը զբաղվում է ինքնախաբեությամբ։

«Եթե Ադրբեջանը սկսի հավատալ այդ ինքնախաբեությանը և բանաձևը համարի խնդրի լուծման ուղենիշ, ապա դա վտանգավոր է։ Սակայն եթե Ադրբեջանը դա անում է ներքին օգտագործման համար, ապա դա ուրիշ հարց է», - նշել է ՀՀ ԱԳ նախարարը։

Նա հիշեցրել է, որ բանաձևին կողմ են քվեարկել, մասնավորապես, ՎՈՒԱՄ երկրները, Ուզբեկստանը և Սերբիան։

«Չեմ ուզում անտեսել բանաձևին կողմ քվեարկած երկրները։ Մենք պետք է աշխատենք նրանց հետ։ Հենց նման աշխատանքի շնորհիվ է, որ մնացած երկրները ձեռնպահ են մնացել քվեարկության ժամանակ», - ասել է Օսկանյանը։

Նա ընդգծել է, որ ԵԱՀԿ-ն չի ղեկավարվի բանաձևով՝ ղարաբաղյան հակամարտության կարգավորման ընթացքում, և այն Ադրբեջանի համար հիմք չի ծառայի՝ խնդրի ռազմական կարգավորման փորձերի համար։

Օսկանյանի կարծիքով, Ադրբեջանի կողմից բանաձևն ընդունելու հիմնական պատճառը Կոսովոյի հարցն է և որոշ աստիճանով՝ նաև Հայաստանի ներքաղաքական իրավիճակը։

«Բանաձևի նախագիծը Գլխավոր Ասամբլեայի օրակարգում էր երկու տարի, և համանախագահներին (ԵԱՀԿ Մինսկի խումբ – «Նովոստի-Արմենիա») հաջողվում էր համոզել Ադրբեջանին՝ հանել հարցը քվեարկությունից։ Ադրբեջանն ինքն էլ էր հասկանում իրավիճակի ոչ շահավետությունը, երբ նրան աջակցում են միայն երկու տասնյակ իսլամական երկրներ, իսկ ԵԱՀԿ Մինսկի խմբի համանախագահները, լավագույն դեպքում, ձեռնպահ կմնան», - ասել է Օսկանյանը։

Նրա խոսքերով, Կոսովոյից հետո ադրբեջանական կողմը, ծանրութեթև անելով ստեղծված իրավիճակը, որոշել է հարցը ներկայացնել քվեարկության՝ որոշ երաշխիքներ ստեղծելով իր համար։

«Սակայն մենք միշտ ասել ենք, որ Կոսովոն չի կարող նախադեպ լինել Ղարաբաղի համար, և ղարաբաղյան խնդրի լուծումից անկախ՝ Հայաստանը կշարունակի գործընթացը և կհասնի Ղարաբաղի ինքնորոշմանը։ Հետևաբար, բանաձևը չպետք է հանգստացնի Ադրբեջանին», - ասել է Օսկանյանը։-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։