485.25
-0.08
569.44
-2.72
8.18
-0.02
+4
Եղանակը Երևանում
Հայ
ՀՀ նախագահի մամուլի քարտուղարը հերքում է խոսքի ազատության ճնշումների մասին լուրերը
18:42
17 Մարտի 2008

ԵՐԵՎԱՆ, 17 մարտի./Նովոստի-Արմենիա/. Հայաստանում խոսքի ազատության վրա ճնշումների մասին պնդումները իրականությանը չեն համապատասխանում, հայտարարեց ՀՀ նախագահի մամուլի քարտուղար Վիկտոր Սողոմոնյանը։

«Այս պահին Երևանում մտցված արտակարգ դրության հետ կապված ԶԼՄ-ների համար գործում են ժամանակավոր սահմանափակումներ, որոնք արդեն զգալիորեն մեղմացվել են։ Դրանք կշարունակվեն ևս մի քանի օր, որից հետո կհանվեն»,- երկուշաբթի լրագրողներին ասաց Սողոմոնյանը։

2008 թ.-ի մարտի 1-ին, ելնելով ստեղծված իրավիճակից, նախագահ Ռոբերտ Քոչարյանը մայրաքաղաքում 20 օրով արտակարգ դրություն մտցնելու մասին հրամանագիր է ստորագրել, ինչը կապված է ՀՀ նախագահական ընտրությունների արդյունքների դեմ բողոքող ընդդիմության ցույցերի հետ. նախագահական ընտրություններում հաղթանակ է տարել վարչապետ Սերժ Սարգսյանը։

Մարտի 14-ից ուժի մեջ է մտել ՀՀ նախագահի նոր հրամանագիրը, որը ԶԼՄ-ների համար նախատեսված սահմանափակումները որոշակի չափով մեղմացրել է։ Մինչ այդ ԶԼՄ-ները ներքաղաքական հարցերի վերաբերյալ կարող էին հրապարակել  միայն պաշտոնական տեղեկատվություն։ Նոր հրամանագրով ԶԼՄ-ներին արգելվում է տալ պետական և ներքաղաքական հարցերի առնչությամբ ակնհայտ սուտ կամ իրավիճակը ապակայունացնող տեղեկատվություն, ինչպես նաև անօրինական միջոցառումներին մասնակցելու կոչեր։

Սողոմոնյանը նշեց, որ Արտակարգ դրություն հայտարարելու և որոշ կետեր մեղմացնելու մասին նախագահի հրամանագրերում հստակորեն բաժանված են ԶԼՄ-ների գործունեության բոլոր գործառույթները և առանձնահատկությունները։

Սակայն, ինչպես նշեց մամուլի քարտուղարը, Հայաստանում շարունակում են հնչել խոսքի ազատության սպառնալիքի մասին հայտարարություններ, այդ թվում՝ արտասահմանցի բարձրաստիճան պաշտոնյաների կողմից։

«Մեզ համար այս իրարանցումն անհասկանալի է մի շարք պատճառներով, մասնավորապես, բոլորի համար ակնհայտ է, որ Հայաստանում խոսքի ազատությանը վերջ չի դրված, դա բացարձակապես այդպես չէ, խոսքը ընդամենը որոշակի սահմանափակումների մասին է, որոնց հիմքում հանրության անվտանգության և երկրի կայունության հարցն է»,- ասաց Սողոմոնյանը։

Միաժամանակ նա նշեց, որ ԶԼՄ-ները կարող են ակնհայտորեն ապակայունացնող դեր կատարել, այդ թվում՝ զրուցակցի խոսքը խեղաթյուրելու ճանապարհով։ «Անիմաստ և մի փոքր տարօրինակ են հայտարարություններն այն մասին, որ հարկավոր է անհապաղ հանել սահմանափակումները, քանի որ դրանք, այսպես թե այնպես, հանվելու են մի քանի օրից»,- կարծում է Սողոմոնյանը։

Մյուս կողմից նա իրականությունը խեղաթյուրող է համարել որոշ հայկական լրատվամիջոցների հայտարարություններն այն մասին, թե  իրենց գործունեությունը խոչընդոտվում է՝ հիշեցնելով, որ Արտակարգ դրության ռեժիմը մեղմացնելու մասին նախագահի հրամագարի համաձայն, ուժի մեջ է մնում միայն «զանգվածային լրատվության միջոցների կողմից ակնհայտ սուտ կամ իրավիճակը ապակայունացնող տեղեկատվության հրապարակումը» դրույթը։

Սակայն, ինչպես նշեց Սողոմոնյանը, ԱԴ ռեժիմը մեղմացնելուց հետո որոշ թերթերի խմբագրությունները, որոնք վերջին օրերին լույս չէին տեսնում, որոշել են նորից տպագրվել։

«Որոշ թերթերի տպաքանակներ առգրավվել են հրատարակչությունից, և դրանց տարածումն արգելվել է, քանի որ դրանցում հրապարակված էր ակնհայտորեն սուտ տեղեկատվության մարտի 1-ի անկարգությունների զոհերի թվի, քաղաքական կալանավորների, կալանավորներին ծեծելու և նրանց նկատմամբ բռնություններ կիրառելու մասին»,- ասաց նախագահի մամուլի քարտուղարը։

Միաժամանակ նա ավելացրեց, որ ի տարբերություն տպագիր մամուլի, ինտերնետ-կայքերի և էլեկտրոնային ԶԼՄ-ների տեղեկատվության բովանդակության նկատմամբ հսկողություն իրականացնելու, ապակայունացնող տվյալները կամ սադրիչ կոչերը հայտնաբերելու հնարավորություն գրեթե չկա։

Ինչպես ասաց մամուլի քարտուղարը, ստեղծված իրավիճակը վկայում է այն մասին, որ Հայաստանը դեռ շատ անելիք ունի տեղեկատվական անվտանգությունն ապահովելու առումով։

«Տեղեկատվական դաշտում ստեղծված իրավիճակը լուրջ մարտահրավեր է գործող լրագրողների համար՝ տեղեկատվությունը տարբաժանելու և այն տարածելու միջոցների առումով»,- ասաց Սողոմոնյանը։

Նա նշեց, որ Հայաստանի տեղեկատվական դաշտը պատրաստ չէ աշխատել խիստ քաղաքական պայքարի պայմաններում, որը, դրա հետ մեկտեղ, արհեստականորեն հրահրվում է, ինչն էլ բերում է արմատական անհանդուրժողականության։

«Սակայն իրականությունն ապացուցել է, որ անհրաժեշտ է սովորել աշխատել նույնիսկ նման պայմաններում և սխալներ թույլ չտալ»,- ամփոփեց Սողոմոնյանը։--0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։