478.62
+0.08
550.51
-1.2
8.1
+0.01
+35
Եղանակը Երևանում
Հայ
Հայաստանի իշխանությունները և ընդդիմությունը բաց են թողել երկխոսություն հաստատելու հնարավորությունը. Օսկանյան
19:52
13 Մարտի 2008

ԵՐԵՎԱՆ, 13 մարտի./Նովոստի-Արմենիա/. Հայաստանի իշխանությունների և ընդդիմության միջև քաղաքական երկխոսություն հաստատելու հնարավորության պահն արդեն բաց է թողնված, կարծում է ՀՀ ԱԳ նախարար Վարդան Օսկանյանը։

«Չէի ցանկանա որևէ մեկին մեղադրել այս հարցում, սակայն եթե քաղաքական երկխոսություն հաստատելու հնարավորությունը բաց չթողնված չլիներ, կհաջողվեր կանխել մարտի 1-ի իրադարձությունները, ինչը Հայաստանի օգտին կլիներ»,- հինգշաբթի Երևանում մամուլի ասուլիսում ասաց Օսկանյանը։
 
Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։

Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է մեկ ոստիկան և յոթ քաղաքացի։ Հաշվի առնելով ստեղծված իրավիճակը՝ ՀՀ նախագահ Ռոբերտ Քոչարյանը մարտի 1-ին ստորագրել է հրամանագիր՝ մայրաքաղաքում 20 օր ժամկետով արտակարգ դրություն մտցնելու մասին։

Նախարարի խոսքով, դա չի նշանակում, որ այլևս պետք չէ փորձեր ձեռնարկել քաղաքական երկխոսություն հաստատելու ուղղությամբ։ Ինչպես ընդգծեց ՀՀ արտաքին գերատեսչության ղեկավարը, երկխոսություն հաստատելու հարցում շատ բան կախված է նաև ՀՀ առաջին նախագահ Լևոն Տեր-Պետրոսյանից։

Օսկանյանը հույս հայտնեց, որ երկխոսությունը կհաստատվի հնարավորինս շուտ, ինչը «կօգնի հաղթահարել մարտի 1-2-ի իրադարձությունները և առաջ շարժվել»։ «Հուսով եմ, որ երբևէ մենք կկարողանանք սթափ և օբյեկտիվ գնահատական տալ տեղի ունեցած իրադարձություններին»,- հաղորդեց ԱԳ նախարարը։

Մեկնաբանելով Երևանում արտակարգ դրություն մտցնելը՝ Օսկանյանը նշեց, որ այդ քայլը թելադրված էր ժողովրդի անվտանգությունը և անկախությունն ապահովելու անհրաժեշտությամբ։ Նա ընդգծեց, որ արտակարգ դրության ժամկետի լրանալուց հետո իրադրությունը  կվերադառնա իր բնականոն հունին՝ հիշեցնելով, որ արդեն հանվել են արտակարգ դրության մի շարք դրույթներ, մասնավորապես, վաղվանից հանվելու են ԶԼՄ-ների գործունեության որոշ սահմանափակումներ։

«Ստեղծված իրավիճակում ՀՀ ԱԳՆ-ն աշխարհին ներկայացնում է հանրապետությունում տիրող իրադրությունը։ Մասնավերապես, այսօր Հայաստանի ողջ դիվանագիտական անձնակազմն այցելել է մինչ այսօր հրազենային վնասվածքներով հիվանդանոցներում գտնվող ոստիկաններին»,- տեղեկացրեց Օսկանյանը։

Հինգշաբթի ՀՀ նախագահ Ռոբերտ Քոչարյանը հանել է ԶԼՄ-ների որոշ սահմանափակումները։ Հրամանագրի 4-րդ կետի  4-րդ ենթակետը շարադրվում է հետևյալ խմբագրությամբ՝ «արգելվում է զանգվածային լրատվության միջոցների կողմից պետական և ներքաղաքական հարցերի առնչությամբ ակնհայտ սուտ կամ իրավիճակը ապակայունացնող տեղեկատվության հրապարակումը»։ Արգելվում են ապօրինի միջոցառումների մասնակցության կոչերը, ինչպես նաև նման տեղեկատվություն կամ կոչեր որևէ այլ եղանակով և ձևով հրապարակելը կամ տարածելը։

Նախագահի մարտի 10-ի հրամանագրով ուժը կորցրած են համարվում կուսակցությունների և այլ հասարակական կազմակերպությունների գործունեության ժամանակավոր կասեցմանը վերաբերող դրույթները, ինչպես նաև արտակարգ դրության իրավական ռեժիմը խախտած անձանց վտարումը նախատեսող ենթակետը։--0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: