483.06
+0.19
562.04
+0.46
8.3
-0.05
+4
Եղանակը Երևանում
Հայ
ՀՀ ԱԳ նախարարը ԱՄՆ-ի կողմից հանրապետությանը հատկացվող ֆինանսական օգնության դադարեցման իրական սպառնալիք է տեսնում
18:25
13 Մարտի 2008

ԵՐԵՎԱՆ, 13 մարտի./Նովոստի-Արմենիա/. ՀՀ ԱԳ նախարար Վարդան Օսկանյանը հանրապետությունում ամերիկյան «Հազարամյակի մարտահրավերներ» ընկերության ծրագրերի ֆինանսավորումը դադարեցնելու իրական սպառնալիք է տեսնում։

2006թ. մարտի 27-ի պայմանագրով նախատեսվում էր, որ «Հազարամյակի մարտահրավերներ» ընկերությունը հինգ տարվա կտրվածքով Հայաստանին հատկացնելու է 235,65 մլն. դոլար՝ ոռոգման համակարգերը և համայնքային ճանապարհները վերականգնելու ծրագրերի իրականացման համար։ 2007թ. հանրապետությանն արդեն հատկացվել է 11 մլն. դոլար։

«ՀՀ կառավարության և ամերիկյան ընկերության միջև համաձայնագիրը կնքվել է կոնկրետ պայմաններով՝ հաշվի առնելով տնտեսական և ժողովրդավարական չափանիշները, և մենք գիտակցում ենք, որ այն  կարող է սառեցվել, եթե երկրում վտանգի մակարդակը սրվի»,- հինգշաբթի մամուլի ասուլիսում ասաց Օսկանյանը։

Նրա խոսքով, ծրագրի սառեցման հնարավորությունը կախված է այն բանից, թե ինչպես են ԱՄՆ-ում գնահատում Հայաստանում ստեղծված դրությունը և թե որքան արագ հանրապետությունը կկարողանա հաղթահարել առաջացած դժվարությունները։

Հայաստանի ընդդիմությունը, Լևոն Տեր-Պետրոսյանի ղեկավարությամբ, փետրվարի 20-ից Երևանի Ազատության հրապարակում հանրահավաքներ էր անցկացնում՝ բողոքելով նախագահական ընտրությունների արդյունքներից, որոնցում հաղթել էր ՀՀ վարչապետ Սերժ Սարգսյանը։ Ընդդիմության ակցիաները մարտի 1-ին վերածվեցին անկարգության և հանգեցրեցին իրավապահ մարմինների և ցուցարարների ընդհարումների, որենց հետևանքով մահացավ ութ մարդ։ ՀՀ նախագահ Ռոբերտ Քոչարյանի հրամանագրով, մարտի 1-ից Երևանում 20-օր ժամկետով արտակարգ դրություն է հայտարարվել։

Ինչպես տեղեկացրեց ԱԳ նախարարը, այժմ երկրում ստեղծված իրավիճակի կարգավորումը կախված է իշխանությունների և նախագահի առջև դրված խնդրի ճիշտ լուծումից՝ ընտրություն կատարել կայունության, ժողովրդի անվտանգության և ժողովրդավարական արժեքների միջև։

«Նախագահը կանգնած է լուրջ դիլեմայի առջև, որի որոշումը միանշանակ չէ։ Անհրաժեշտ է հասնել հավասարակշռված լուծման։ Որքան երկար շարունակվի տվյալ դրությունը, այնքան ավելի վատ Հայաստանի համար»,- ասաց Օսկանյանը։

Դրա հետ մեկտեղ, մեկնաբանելով ԱՄՆ պետքարտուղար Կոնդոլիզա Ռայսի հայտարարությունը, ՀՀ ԱԳ նախարարը նշեց, որ նա ուղղակիորեն կողմ չի արտահայտվել ընկերության ծրագրերի դադարեցմանը։ Նրա խոսքով, Ռայսը խոսել է այն մասին, որ ամերիկյան ծրագրերի մի մասը սառեցվել է, հավանաբար նկատի ունենալով մի շարք կազմակերպությունների ֆինանսավորումը, որոնք իրենց գործունեությունը դադարեցրել են՝ արտակարգ դրություն մտցնելու պատճառով։

Մարտի 12-ին Կոնգրեսում ելույթ ունենալիս ԱՄՆ պետքարտուղար Կոնդոլիզա Ռայսը հայտարարել է, որ Ջորջ Բուշի վարչակազմը պնդում է, որպեսզի Հայաստանում հանվի արտակարգ դրությունը։

Հիշեցնելով, որ բնակչության մեկ շնչի հաշվով Հայաստանը «աշխարհի այդ հատվածում» ամերիկյան օգնության խոշորագույն ստացողն է, արտաքին գերատեսչության ղեկավարը հաղորդել է, որ արտակարգ դրությունը բացասաբար է անդրադարձել նաև այդ օգնության մի շարք ծրագրերի վրա։ Նրա խոսքով, Հայաստանում արտակարգ դրություն հայտարարելը հանգեցրել է նրան, որ ԱՄՆ-ը ստիպված է եղել դադարեցնել ծրագրերի մի մասի իրականացումը։
 
2007թ. ԱՄՆ-ից ստացվող ուղղակի օգնության չափը կազմել է 75 մլն. դոլար, ևս 3 միլիոնը, որպես ուղիղ աջակցություն, հատկացվել է ԼՂՀ-ին։--0—

Loading...
Թեմատիկ նյութեր
Բաժնի այլ նյութեր
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: