478.57
+0.37
561.79
+1.96
8.05
+0.02
+27
Եղանակը Երևանում
Հայ
ՀՀ նախագահը չեղյալ է համարել ԶԼՄ-ների մի շարք սահմանափակումները՝ մտցված ԱԴ շրջանակներում. նախագահի հրամանագիր
11:54
13 Մարտի 2008

ՀՀ նախագահը չեղյալ է համարել ԶԼՄ-ների մի շարք սահմանափակումները՝ մտցված ԱԴ շրջանակներում: Հրամանագիրն ուժի մեջ է մտնում 2008 թվականի մարտի 14-ից:

Ինչպես հինգշաբթի «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից, ՀՀ նախագահը հրամանագիր է ստորագրել` մարտի 1-ի հրամանագրում փոփոխություններ կատարելու մասին, որոնց համաձայն՝ հրամանագրի 4-րդ կետի  4-րդ ենթակետը շարադրվում է հետևյալ խմբագրությամբ՝ «արգելվում է զանգվածային լրատվության միջոցների կողմից պետական և ներքաղաքական հարցերի առնչությամբ ակնհայտ սուտ կամ իրավիճակը ապակայունացնող տեղեկատվության հրապարակումը»։

Արգելվում են ապօրինի միջոցառումների մասնակցության կոչերը, ինչպես նաև նման տեղեկատվություն կամ կոչեր որևէ այլ եղանակով և ձևով հրապարակելը կամ տարածելը։

Հրամանագրի սկզբնական խմբագրությունը նախատեսում էր, որ պետական և ներքաղաքական հարցերի հետ կապված ԶԼՄ-ների հրապարակումները իրագործվում են բացառապես պաշտոնական տեղեկատվության շրջանակներում։

Նախօրեին Ռոբերտ Քոչարյանը լրագրողներին հայտարարել է Երևանում արտակարագ դրության պայմանների մեղմացման հնարավորության մասին։

«Այսօր երեկոյան կամ վաղն առավոտյան ես կստորագրեմ հրամանագիր, որով  կփոխվի մոտեցումը ԶԼՄ-ների գործունեության սահմանափակման վերաբերյալ։ Այժմ արտակարգ դրության շրջանակներում մենք լրատվամիջոցներին ասում ենք, թե ներքաղաքական իրավիճակի վերաբերյալ ինչ կարող են ներկայացնել: Հրամանագիրը ստորագրելուց հետո մենք ասելու ենք` ինչ չի կարելի անել»,- չորեքշաբթի հայտարարել էր նա լրագրողներին:

Նախագահի այսօրվա հրամանագրով նաև ուժը կորցրած է համարվում հրամանագրի 4-րդ կետի 5-րդ ենթակետը, որտեղ ասվում է. «առանց համապատասխան պետական մարմինների թույլտվության արգելվում է քաղաքական քարոզչության իրականացումը՝ թռուցիկների կամ այլ միջոցով»։

2008 թ.-ի մարտի 1-ին, ելնելով ստեղծված իրավիճակից, նախագահ Ռոբերտ Քոչարյանը մայրաքաղաքում 20 օրով արտակարգ դրություն մտցնելու մասին՝ ՀՀ Սահմանադրության 55-րդ հոդվածի 14-րդ և 117-րդ հոդվածի 6-րդ կետերով (պետության և բնակչության անվտանգության սպառնալիք) հրամանագիր է ստորագրել, ինչը կապված է ՀՀ նախագահական ընտրությունների արդյունքների դեմ բողոքող ընդդիմության ցույցերի հետ. նախագահական ընտրություններում հաղթանակ է տարել վարչապետ Սերժ Սարգսյանը։

Այսօրվա դրությամբ պահպանվել է հրամանագրի այն դրույթը, որով արգելվում է ժողովների, հանրահավաքների, ցույցերի, երթերի և այլ զանգվածային միջոցառումների իրականացումը, գործադուլների և կազմակերպությունների գործունեությունը դադարեցնող կամ կասեցնող այլ միջոցառումների իրականացումը։ Անհրաժեշտության դեպքում թույլատրվում է իրավապահ մարմինների կողմից անձանց, տրանսպորտային միջոցների տեղաշարժի սահմանափակում և զննության իրականացում։

Մարտի 10-ին ՀՀ նախագահի մեկ այլ հրամանագրով ուժը կորցրած են համարվում կուսակցությունների և այլ հասարակական կազմակերպությունների գործունեության ժամանակավոր կասեցմանը վերաբերող դրույթները, ինչպես նաև արտակարգ դրության իրավական ռեժիմը խախտած անձանց վտարումը նախատեսող ենթակետը։-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: