478.85
+0.03
558.1
+0.51
7.99
-0.15
+29
Եղանակը Երևանում
Հայ
ՀՀ ԱԳՆ-ն ապշած է Երևանի իրադարձությունների վերաբերյալ ԱՄՆ պետդեպարտամենի ներկայացուցչի հայտարարությամբ
16:15
12 Մարտի 2008

ԵՐԵՎԱՆ, 12 մարտի./Նովոստի-Արմենիա/. ՀՀ արտաքին գործերի նախարարությունն ապշած է ԱՄՆ պետքարտուղարի տեղակալի օգնական Մեթյու Բրայզայի արած հայտարարությունից՝ կապված մարտի 1-2-ին Երևանում տեղի ունեցած իրադարձությունների հետ։

«Անընդունելի է կառավարության արձագանքը անկարգություններին որպես «ընդդիմադիր բողոքի ցույցերի ցրում» պիտակավորելը կամ որպես «կոպիտ և դաժան» որակելը։ Նման միակողմանի մեղադրանք հնչեցնելը անհիմն և անօգուտ է»,- ասվում է չորեքշաբթի «Նովոստի-Արմենիա» ստացված՝ ՀՀ ԱԳՆ մամուլի քարտուղարի պաշտոնակատար Տիգրան Բալայանի հայտարարությունում։

Հայաստանի ընդդիմությունը, Լևոն Տեր-Պետրոսյանի ղեկավարությամբ, փետրվարի 20-ից Երևանի Ազատության հրապարակում հանրահավաքներ էր անցկացնում՝ բողոքելով նախագահական ընտրությունների արդյունքներից, որոնցում հաղթել էր ՀՀ վարչապետ Սերժ Սարգսյանը։

Ընդդիմության ակցիաները մարտի 1-ին վերածվեցին անկարգության և հանգեցրեցին իրավապահ մարմինների և ցուցարարների ընդհարումների, որենց հետևանքով մահացավ ութ մարդ։ ՀՀ նախագահ Ռոբերտ Քոչարյանի հրամագրով մարտի 1-ից Երևանում 20-օր ժամկետով արտակարգ դրություն է հայտարարվել։

«Մենք ապշած ենք, որ անգամ Երևան կատարած այցից և տարբեր պաշտոնական և ոչ պաշտոնական աղբյուրներից տեղեկատվություն ստանալուց հետո ԱՄՆ պետքարտուղարի տեղակալի օգնականը կարող է նման կամայական հայտարարություններ անել»,- նշեց Բալայանը:

Նրա խոսքով, այն փաստը, որ կա 108 վիրավորված ոստիկան, որոնցից 43-ը հրազենային կամ բեկորային վնասվածքներով, հստակորեն ցույց է տալիս, որ ցուցարարները զինված են եղել հրազենով և պայթուցիկ նյութերով։

«Սա համընկնում է իրավապահ մարմիննների օպերատիվ տեղեկատվությանը, որը հանրությանն այս ամենի մասին տեղյակ էր պահել մարտի 1-ից դեռ օրեր առաջ»,- նշեց ԱԳՆ ներկայացուցիչը։

Նրա խոսքով, իրավապահ մարմինների գործողություններն ամենևին ոստիկանության կողմից քաղաքացիների վրա հարձակում չեն եղել: «Մարտի 1-ին տեղի ունեցած բռնություններն, իրոք, լրջագույն մտահոգություն են մեզ բոլորիս համար Հայաստանում, այդ թվում և առաջին հերթին` կառավարության համար, որը պատասխանատվություն է կրում երկրում կարգուկանոնի և անվտանգության պահպանման համար»,- ասաց Բալայանը։

Նրա խոսքով, կառավարությունը, զսպվածություն դրսևորելով, փորձում էր պահպանել կարգուկանոնը, սակայն, ինչպես նախապես զգուշացնում էին իրավապահ մարմիննները, այն վերածվեց ոստիկանության  և ցուցարարների միջև բախման։

«Այն պարագայում, երբ կա ութ զոհ, որոնցից մեկը ոստիկան է, և տասնյակ վիրավորներ, որոնցից շատերը իրավապահ մարմիններից են, կասկած չի կարող լինել, որ սա լուրջ և իրավամբ դատապարտելի բռնարարք էր, ինչպես ինքը՝ պրն. Բրազյան է նշում»,- ասաց ԱԳՆ ներկայացուցիչը։

Բալայանն ընդգծեց, որ այսօր՝ այդ ահավոր օրվանից 10 օր անց,  Հայաստանի առջև կանգնած հիմնական խնդիրն ամբողջությամբ քննել և հասկանալն է, թե ինչ  տեղի ունեցավ, և միասին առաջ գնալու ուղիներ փնտրելն է:     

Բալայանի խոսքով, միջազգային հանրությունը պետք է խրախուսի բոլոր ներգրավված կողմերին` պատասխանատվություն ստանձնելու  հասարակության հիմքերին հասցված վնասի համար և փնտրելու առաջ գնալու ներառական ուղիներ: 

«Թյուր տեղեկացվածության հիման վրա արված հայտարարությունները կարող են և արդեն իսկ նպաստում են քաղաքական լարվածության սրմանը»,- ընդգծեց ԱԳՆ ներկայացուցիչը։--0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: