485.25
-0.08
569.44
-2.72
8.18
-0.02
-3
Եղանակը Երևանում
Հայ
Հայաստանում աֆրիկյան ժանտախտի հետ կապված համաճարակային իրավիճակը կայուն է
14:28
12 Մարտի 2008

Հայաստանում աֆրիկյան ժանտախտի հետ կապված համաճարակային իրավիճակը կայուն է, չորեքշաբթի մամուլի ասուլիսի ժամանակ հայտարարեց ՀՀ գյուղատնտեսության նախարարության Սննդամթերքի անվտանգության և անասնաբուժական պետական տեսչության պետ Գրիշա Բաղիյանը։

«Անասնահամաճարակային իրավիճակը երկրում կայուն է, հիվանդացության դեպքեր չկան, և հիվանդության վերջին դեպքn արձանագրվել է այս տարվա հունվարի 15-ին՝ Տավուշի մարզում։ Այս պահի դրությամբ իրավիճակը բարենպաստ է, սակայն հիվանդությունը վերացված չէ, քանի որ հարուցիչը կայուն է ջերմաստիճանային պայմանների նկատմամբ և կարող է կրկին ակտիվանալ», - ասաց նա։

Բաղիյանը նշեց, որ աֆրիկյան ժանտախտի դեպքերը Հայաստանում գրանցվել են օգոստոսին, և հիվանդացությունը տևել է մինչ դեկտեմբեր, սակայն նոյեմբերի կեսերից սկսել է անկում ապրել։

Պետական տեսչության պետի խոսքերով, այս հիվանդացության դեմ պայքարի միակ միջոցը խոզերի գլխաքանակի ոչնչացումն է, ինչի առնչությամբ արդեն սպանվել կամ սատկել է շուրջ 20 հազ. գլուխ խոզ կամ խոզերի ողջ գլխաքանակի 10-11 տոկոսը (152 հազ. գլխաքանակ խոզ՝ ողջ Հայաստանում)։

«Կառավարությունը ձեռնարկում է անհրաժեշտ միջոցները և իրագործում է աֆրիկյան ժանտախտի դեմ պայքարի հատուկ ծրագիր, սակայն անտառներում ժանտախտի դեմ պայքարն ավելի բարդ է ընթանում, ինչի կապակցությամբ պահպանվում է վարակի բռնկման վտանգը, հատկապես երկու մարզերում՝ Տավուշում և Լոռիում», - ասաց Բաղիյանը։

Նա տեղեկացրեց, որ խոզերի անկումն անտառներում ևս ներառված է հաշվարկների մեջ, սակայն այսօրվա դրությամբ ոչնչացված և սատկած կենդանիների ցուցակներում պահպանվում է 2000 գլխի տարբերություն՝ ընդ որում՝ Տավուշի մարզում։

Նախնական տվյալներով, աֆրիկյան ժանտախի պատճառով Հայաստանում ոչնչացվել և սատկել է 18 805 գլուխ խոզ, իսկ փետրվար ամսվա տվյալներով դրանց թիվը հասել է 20 000-ի։ Սակայն, Բաղիյանի խոսքերով, 2008 թ.-ին համաճարակի ակտիվացում չի գրանցվել, այդ պատճառով այժմ մասնագետները ճշտում են տուժած կենդանիների վերջնական քանակը։

Նա տեղեկացրեց, որ աֆրիկյան ժանտախտի հետևանքով ոչնչացված խոզերի գլխաքանակի վերջնական ճշտումից հետո կսկսվի տուժած ֆերմերային տնտեսություններին աջակցության ցուցաբերման գործընթացը։

Հայաստանի կառավարությունն արդեն հատկացրել է 480 մլն դրամ (շուրջ 1,5 մլն դոլար)՝ տուժած ֆերմերների կորուստները փոխհատուցելու համար։

Հայաստանում խոզի ժանտախտի առաջին դեպքը հայտնաբերվել էր օգոստոսի 7-ին` Տավուշի և Լոռու մարզերում։ Այս մարզերում հայտարարվել էր կարանտին, և ճանապարհների վրա տեղադրվել էին բիովերահսկիչ կետեր՝ ոստիկանության ներկայացուցիչների և անասնաբուժական տեսչության աշխատակիցների մասնակցությամբ։

Խոզերի աֆրիկյան ժանտախտը կամ Մոնթգոմերի հիվանդությունն առաջին անգամ գրանցվել 1903թ. Հարավային Աֆրիկայում։ Հիվանդությունը մարդկանց չի փոխանցվում, սակայն խորհուրդ չի տրվում օգտագործել վարակված խոզերի միսը, քանի որ դա կարող է թունավորել օրգանիզմը։

Բնական պայմաններում հիվանդության նկատմամբ առավել զգայուն են տնային և վայրի խոզերը, վարակը փոխանցվում է առողջ և հիվանդ խոզերի շփման ժամանակ, վարակը տարածվում է հիվանդ կենդանիների արտազատումներով աղտոտված  կերի, արոտավայրի, տրանսպորտային միջոցի միջոցով։ Վարակակիրներ կարող են լինել նաև վայրի թռչունները և կենդանիները, ինչպես նաև շները։ --0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։