483.75
+0.09
568.65
+1.41
8.21
+0.06
-1
Եղանակը Երևանում
Հայ
Ոստիկանությունը մարտական զենք չի գործադրել Երևանի ընդդիմության ցույցի մասնակիցների նկատմամբ
11:27
12 Մարտի 2008

ԵՐԵՎԱՆ, 12 մարտի. /Նովոստի-Արմենիա/. Ոստիկանությունը մարտական զենք չի գործադրել մարտի 1-ին և 2-ին Երևանի կենտրոնում ընդդիմության ցույցի մասնակիցների նկատմամբ, այս մասին չորեքշաբթի «Նովոստի-Արմենիա» գործակալությանը հայտարարեց ՀՀ գլխավոր դատախազի մամուլի քարտուղար Սոնա Տռուզյանը։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ, քայլերթեր՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Բողոքի ցույցերը վերածվել են անկարգությունների և ցուցարարների ու իրավապահ մարմինների ներկայացուցիչների միջև բախումների։

Հաշվի առնելով ստեղծված իրավիճակը՝ ՀՀ նախագահ Ռոբերտ Քոչարյանը մարտի 1-ին ստորագրել է հրամանագիր՝ մայրաքաղաքում 20 օր ժամկետով արտակարգ դրություն մտցնելու մասին։

Տռուզյանը նշեց, որ վերջին օրերին ինտերնետում շրջանառության մեջ է դրվել «Նշանառու կրակոցներ» խորագրով մի տեսաերիզ, որով փորձ է արվում մտայնություն ձևավորել, թե մարտի 1-ի լույս 2-ի գիշերը ոստիկանությունը մարտական զենք է գործադրել ցուցարարների նկատմամբ։ Մասնավորապես, տեսաերիզում օգտագործվել են ակնհայտորեն մոնտաժված կադրեր՝ կասկածի տակ դնելով ոստիկանության գործողությունների օրինականությունն ու համարժեքությունը:

«Սա ևս փաստում է այն մասին, որ իշխանությունը բռնի յուրացնելու,  սահմանադրական կարգը խախտելուն ուղղված զանգվածային անկարգությունների կազմակերպիչների հիմնական զենքերից է ապատեղեկատվության տարածումը՝ նպատակ ունենալով հասարակության մեջ սերմանել ատելություն իշխանությունների նկատմամբ և դրդել անհնազանդության, անկարգությունների», - նշեց մամուլի քարտուղարը։

Տռուզյանը տեղեկացրեց, որ այդ տեսանյութը, ՀՀ գլխավոր դատախազի ցուցումով, կենթարկվի փորձաքննության, որի արդյունքների մասին կտեղեկացվի լրացուցիչ։

Տռուզյանը փաստեց, որ դատախազությունը հետամուտ է լինելու տեղի ունեցած անկարգությունների լիարժեք բացահայտմանը և հավաստիացնում, որ ՀՀ հատուկ քննչական ծառայությունում ընթանում է բազմակողմանի քննություն, քննարկման առարկա է դառնում յուրաքանչյուր դրվագ և հայտարարություն, որի արդյունքների մասին պարբերաբար հանրությանը կտրամադրվի տեղեկատվություն:

Նախաքննությամբ ձեռք բերված տվյալների համաձայն՝  հասարակական կարգը վերականգնելու և երկրի սահմանադրական կարգը պահպանելու համար ոստիկանության ուժերի կողմից օգտագործվել են հետևյալ հատուկ միջոցները՝ արցունքաբեր գազ, լուսածիր գնդիկավոր փամփուշտներ (նախնական զննությամբ հենց այս փամփուշտների օգտագործումն է մոնտաժված կադրերում փորձ արվում ներկայացնել որպես մարտական հրազենի կիրառում), ջրցան մեքենաներ: 

«Ցուցարարների նկատմամբ մարտական հրազեն օգտագործելու վերաբերյալ որևէ հրահանգ չի եղել», - ընդգծեց գլխավոր դատախազի մամուլի քարտուղարը։ Նա կոչ է անում այն անձանց, ովքեր ունեն հակառակի մասին վկայող տվյալներ, ապացույցներ և ոչ թե խեղաթյուրված, մոնտաժված կադրեր, դրանք տրամադրել նախաքննական մարմնին կամ դատախազությանը:

Մամուլի քարտուղարի խոսքերով, նախաքննության առջև դրված հիմնական խնդիրներից է՝ պարզել մարտի 2-ի գիշերը ցույցը ցրելու ընթացքում 8 զոհերի մահվան հանգամանքները,  նշանակվել են փորձաքննություններ։ Ավելին, նշեց Տռուզյանը, ՀՀ գլխավոր դատախազ Աղվան Հովսեփյանը նախօրեին ԵԱՀԿ երևանյան գրասենյակի ղեկավար Սերգեյ Կապինոսի  հետ հանդիպման ժամանակ պատրաստակամություն է հայտնել ապահովել միջազգային փորձագետների մասնակցությունը  փորձաքննությունների իրականացմանը՝ նման ցանկության առկայության դեպքում: 

ՀՀ Գլխավոր դատախազության պաշտոնական տվյալների համաձայն, մարտի 1-2-ը փողոցային անկարգությունների ընթացքում վիրավորվել է ոստիկանության 180 աշխատակից և 48 քաղաքացի, ևս ութ մարդ զոհվել է հրազենային վնասվածքներից։-0-

Loading...
Թեմատիկ նյութեր
Բաժնի այլ նյութեր
18:25
22 Նոյեմբերի 2017
Էրդողանը կարծում է, որ Պուտինն ի վիճակի է կարգավորել ղարաբաղյան հակամարտությունը
Ռուսաստանն ի վիճակի է կարգավորել ղարաբաղյան հիմնախնդիրը, հայտարարել է Թուրքիայի նախագահ Ռեջեփ Թայիփ Էրդողանը:
19:24
20 Նոյեմբերի 2017
ՌԴ ԱԳ նախարարը ժամանեց Երևան (ՖՈՏՈ)
ՌԴ ԱԳ նախարար Սերգեյ Լավրովը ժամանեց Երևան։
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։