487.29
-0.01
568.08
+2.76
8.23
+0.01
+12
Եղանակը Երևանում
Հայ
ՀՀ գլխավոր դատախազությունը կոչ է անում բնակչությանը` չհավատալ սուտ լուրերին
17:17
11 Մարտի 2008

ԵՐԵՎԱՆ, 11 մարտի./Նովոստի-Արմենիա/. ՀՀ գլխավոր դատախազությունը կոչ է անում բնակչությանը` զգոն լինել և չենթարկվել սադրիչ հայտարարություններին, չհավատալ սուտ լուրերին։

«Կեղծ, արհեստածին, սադրիչ ասեկոսների տարածումը հասարակության շրջանում իշխանությունը բռնի յուրացնելու,  սահմանադրական կարգը խախտելուն ուղղված զանգվածային անկարգությունների կազմակերպիչների հիմնական զենքերից է, որի նպատական է թուլացնել պետության հիմքերը»,- երեքշաբթի «Նովոստի-Արմենիային» հաղորդեց ՀՀ գլխավոր դատախազության մամուլի քարտուղար Սոնա Տռուզյանը։

Հայաստանի ընդդիմությունը, Լևոն Տեր-Պետրոսյանի ղեկավարությամբ, փետրվարի 20-ից Երևանի Ազատության հրապարակում հանրահավաքներ էր անցկացնում՝ բողոքելով նախագահական ընտրությունների արդյունքներից, որում հաղթել էր ՀՀ վարչապետ Սերժ Սարգսյանը։ Ընդդիմության ակցիաները մարտի 1-ին վերածվեցին անկարգության և հանգեցրեցին իրավապահ մարմինների և ցուցարարների ընդհարումների։

Հաշվի առնելով հանրապետությունում ստեղծված դրությունը՝ ՀՀ նախագահի հրամանով մարտի 1-ից Երևանում 20 օր ժամկետով արտակարգ դրություն է հայտարարվել:

Տռուզյանի խոսքերով, մարտի 1-ին և 2-ին տեղի ունեցած զանգվածային անկարգությունների ժամանակ մահացած անձանց թիվը չի ավելացել. զոհվել է  8 անձ, որոնցից 1-ը՝ ոստիկանության աշխատակից: Ընդհանուր առմամբ մարտի 1-ին և 2-ին մարմնական վնասվածք է ստացել 180 ոստիկան և 48 քաղաքացի:

«Մարտի 1-ի առավոտյան Ազատության հրապարակում ոստիկանության աշխատակիցների օրինական պահանջներին չենթարկվելու և նրանց դիմադրություն ցույց տալու հետևանքով առաջացած ընդհարման ժամանակ զոհեր չեն արձանագրվել, և հակառակի մասին շրջանառվող պնդումներն իրականությանը չեն համապատասխանում»,- ասաց Տռուզյանը:

Նա հաղորդեց, որ իշխանությունը բռնի յուրացնելու,  սահմանադրական կարգը խախտելուն ուղղված զանգվածային անկարգությունների դեպքի առթիվ ՀՀ հատուկ քննչական ծառայության վարույթում քննվող քրեական գործի նախաքննությամբ պարզվել է, որ օրենքով սահմանված կարգի խախտմամբ մայրաքաղաքում կազմակերպված և անցկացված զանգվածային միջոցառումների ժամանակ կազմակերպիչների կողմից կանխամտածված ցուցարարներին, հավաքված ժողովրդին տրամադրվել է ակնհայտ կեղծ, մտացածին տեղեկատվություն այդ թվում իշխանությունների, իրավապահ մարմինների  գործողությունների վերաբերյալ՝ նպատակ ունենալով բնակչության մոտ սերմանել ատելություն, թշնամություն իշխանությունների, իրավապահ մարմինների նկատմամբ՝ այդպիսով դրդելով նրանց անհնազանդության, զանգվածային անկարգությունների՝ վտանգելով երկրի սահմանադրական կարգը:

«Բնակչության նկատմամբ հոգեբանական այդ դիվերսիան շատ ավելի սուր դրսևորումներ է ստացել մարտի 1-2-ին և հաջորդող օրերին»,- ասաց Տռուզյանը:

ՀՀ գլխավոր դատախազի մամուլի քարտուղարը հայտարարեց, որ սադրիչ, արհեստածին լուրերի թվին է պատկանում նաև ոստիկանների կողմից երեխայի սպանության մասին լուրը։

Նրա խոսքով, այդ սուտ լուրը ծնվել է Ֆրանիսայի դեսպանատան հարող տարածքում մարտի 1-ին տեղի ունեցած հանրահավաքի  ժամանակ, որի նպատակը եղել է մեկը՝ հավաքված բազմությանը դրդել բռնությունների։

«Կազմակերպված սադրանքների մասին են վկայում նախաքննությամբ ձեռք բերված ապացույցները, որոնց թվում են նաև ականատեսների վկայությունները»,- ասաց Տռուզյանը։

Մասնավորապես, Տռուզյանը հաղորդեց, որ քաղաքացի Մկրտիչ Արմենակյանի վկայությամբ, ով հանդիսացել է հանրահավաքների ակտիվ մասնակից, մարտի 1-ին ոստիկանների կողմից Ազատության հրապարակում ենթադրյալ սպանված  երեխայի մահվան լուրը շրջանառության մեջ է դրել մի կին, ով Ֆրանսիայի դեսպանատանը հարող տարածքում  թափված աղբի միջից վերցնելով երեխայի մի կոշիկ, ջղաձիգ բղավել է, թե այն «Ազատության» հրապարակում մահացած երեխայի կոշիկն է:

«Այդ կնոջ տարածած հերյուրանքները սադրել են անկարգություններ և բռնություններ ոստիկանների նկատմամբ»,-ասաց Տռուզյանը, ավելացնելով, որ միջոցներ են ձեռնարկվում նրան հայտնաբերելու ուղղությամբ:

Մամուլի քարտուղարի խոսքով, անհնազանդություն և բռնություններ հրահրող ակնհայտ կեղծ տեղեկատվությունների տարածումը շարունակվում է նաև այսօր:

Մասնավորապես, նախաքննությամբ պարզվել է, որ այս օրերին բնակչության շրջանում տարածվում են sms հաղորդագրություններ՝ ենթադրյալ 58 զոհերի մասին: Ձեռնարկված  միջոցառումների արդյունքում հայտնաբերվել են նման ապատեղեկատվություն տարածող անձինք:

«Նրանց թվում է Երևանի բնակիչ Դավիթ Այվազյանը, ով վկայի կարգավիճակում հարցաքննվելիս խոստովանել է, որ տարածել է կեղծ տեղեկատվություն և զղջացել կատարած սխալ քայլի համար»,- պարզաբանեց Տռուզյանը:

ՀՀ գլխավոր դատախազությունը պաշտոնապես ևս մեկ անգամ հայտարարել է, որ  զանգվածային անկարգությունների ժամանակ մահացել է 8 անձ, որոնց անունները դատախազությունը հրապարակել է մարտի 2-ին:--0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։