486.7
-0.08
515.12
-0.38
8.43
+0.02
+3
Եղանակը Երևանում
Հայ
ՀՀ Սահմանադրական դատարանն ավարտել է նախագահական ընտրությունների արդյունքների բողոքարկման հայցի քննությունը
14:42
07 Մարտի 2008

ԵՐԵՎԱՆ, 7 մարտի./Նովոստի-Արմենիա/. ՀՀ Սահմանադրական դատարանն ուրբաթ ավարտել է նախագահական ընտրությունների արդյունքներն անվավեր ճանաչելու մասին հայցերի քննությունը՝ լսելով կողմերի եզրափակիչ ելույթները։

Երեքշաբթի ՍԴ-ն մեկ վարույթով սկսել է նախագահական ընտրությունների բողոքարկման դիմումները, որոնք ներկայացրել են ՀՀ նախագահի թեկնածուներ Տիգրան Կարապետյանը և Լևոն Տեր-Պետրոսյանը՝ փետրվարի 27-ին և 29-ին, համապատասխանաբար։

Ինչպես հայտարարեց ՀՀ նախագահի թեկնածու Տիգրան Կարապետյանի ներկայացուցիչ, փաստաբան Արմեն Ղազարյանը, գործի քննության ժամանակ ներկայացվել են ընտրություներին տեղի ունեցած խախտումների բավականին լուրջ ապացույցներ, որոնք արձանագրվել են նաև ԵԱՀԿ/ԺՀՄԻԳ միջանկյալ զեկույցում։

«Սակայն գործի քննության ժամանակ պատասխանող կողմի ներկայացուցիչները կրկնակի չափորոշիչներ կիրառեցին այդ զեկույցի վերաբերյալ՝ ընդունելով իրենց համար շահավետ նորմերը և ժխտելով մնացած բոլորը»,- ընդգծեց Ղազարյանը։

Լևոն Տեր-Պետրոսյանի ներկայացուցիչ, փաստաբան Վահե Գրիգորյանի խոսքերով, հայցվոր կողմին հաջողվել է ներկայացնել որոշ թեկնածուների կողմից նախընտրական քարոզարշավի կաննոների խախտման ապացույցները, ՀՀ ԶՈՒ բարձրաստիճան պաշտոնյանների մասնակցությունը քարոզարշավին, ինչն արգելվում է օրենքով։

Իր հերթին պատասխանող կողմի ներկայացուցիչ, ՀՀ ԿԸՀ նախագահ Գարեգին Ազարյանն ասաց, որ հայցվոր կողմն ընդամենը ներկայացրել է բազմաթիվ փաստեր, որոնք որևէ առնչություն չունեն քննվող գործի հետ։

«Տվյալ փաստերի զուտ թվարկումը չի կարող հիմք հանդիսանալ, որպեսզի ընտրությունները ճանաչվեն անվավեր, առավել ևս, որ խախտումների փաստերի և այն հանգամանքի միջև, որ դրանք կարող էին էական ազդեցություն ունենալ ընտրությունների արդյունքների վրա, պատճառային կապ չկա»,- հաղորդեց Ազարյանը։

Գործով համապատասխանողներ՝ ՀՀ գլխավոր դատախազի տեղակալ Արամ Թամազյանը և ՀՀ ոստիկանության պետի տեղակալ Արարատ Մահտեսյանը, միջնորդել են ՍԴ-ին, որպեսզի մերժի թեկնածուների հայցը։ Թամազյանի խոսքերով, ընտրությունների ընթացքում արձանագրված խախտումները զանգվածային և կազմակերպված բնույթ չեն կրել, իսկ դիմողի կողմից ներկայացված տվյալները չեն համապատասխանում իրականությանը և արհեստական են։

Ինչպես նշեց Արարատ Մահտեսյանը, դիմողի կողմից բերված բոլոր հիմնավորումները հերքվել են պատասխանողների կողմից։ Թեկնածուների ներկայացուցիչների ներկայացրած ապացույցներն ունեցել են չապացուցված և խորհրդավոր բնույթ, իսկ բուն դատական գործընթացը դիմողներն օգտագործել են քաղաքական հայտարարություններ անելու համար։

Այս պահին Սահմանադրական դատարանը հեռացել է խորհրդակցական սենյակ՝ վճիռ կայացնելու նպատակով։--0—

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։