483.99
+0.93
563.46
+1.42
8.32
+0.02
+4
Եղանակը Երևանում
Հայ
Ղարաբաղի միջադեպի ադրբեջանական մեկնաբանությունը կառուցված է փաստերի կոպիտ կեղծման վրա. փորձագետ
20:52
06 Մարտի 2008

Մարտի 3-ի լույս 4-ի գիշերը Ղարաբաղի Պաշտպանության բանակի և Ադրբեջանի Զինված ուժերի շփման գծում տեղի ունեցած ռազմական բախման ադրբեջանական մեկնաբանությունը կառուցված է փաստերի կոպիտ կեղծման վրա։

Ինչպես «Նովոստի-Արմենիա» գործակալությանը տեղեկացրեցին ՀՀ պաշտպանության նախարարության մամուլի ծառայությունից, այս մասին հայտարարել է ՀՀ ՊՆ ազգային ռազմավարական հետազոտությունների ինստիտուտի պետ, գեներալ–մայոր Հայկ Քոթանջյանը։

Նրա խոսքերով, փաստերն այսպիսին են՝ մարտի 4-ի առավոտյան Ադրբեջանի Զինված ուժերի դիվերսիոն-գրոհային խումբը, խախտելով հրադադարի ռեժիմը, գրավել է ԼՂՀ Պաշտպանության Բանակի մարտական դիրքերից մեկը։ Այս ամենի հետևանքով վիրավորվել է Պաշտպանության Բանակի երկու զինծառայող։

Տվյալ փաստի առնչությամբ Հայաստանի Զինված ուժերի ղեկավարությունը, ղարաբաղյան կողմի խնդրանքով, տեղեկացրել է ԵԱՀԿ գործող նախագահի հատուկ ներկայացուցիչ Անջեյ Կասպրշիկին, ինչպես նաև ստատուս-քվոյի և հրադադարի ռեժիմի անհապաղ վերականգնման նպատակով՝ փորձել է հեռախոսային ուղիղ կապ հաստատել Ադրբեջանի ԶՈւ ղեկավարության հետ։

Միաժամանակ Ադրբեջանի պաշտպանության նախարարությունը տեղեկացրել է, որ նախարար Սաֆար Աբիևը, զբաղվածության պատճառով, չի կարող հեռախոսային բանակցություններ վարել։

«Հայկական կողմը, ռազմական արվեստի բոլոր կանոնների համաձայն, ձեռնարկել է համարժեք պատասխան քայլեր և ետ է շպրտել ադրբեջանցի զինծառայողներին նրանց կողմից գրավված մարտական դիրքից՝ վերականգնելով ստատուս-քվոն  շփման գծում», - նշել է Քոթանջյանը։

Նա ավելացրել է, որ ԼՂՀ Պաշտպանության բանակի ստորաբաժանումների հաջող ռազմական գործողությունների արդյունքում ՀՀ պաշտպանական ղեկավարությունը, ի պատասխան Ադրբեջանի Զինված ուժերի ղեկավարության դիմումի, տեղեկացրել է ռազմական բախման տարածքից ադրբեջանցի զոհված զինծառայողների մարմինների հանձնման համար հնարավորություն ընձեռելու պատրաստակամության մասին, և այդ փաստերի հավաստիությունը հայտնի է ԵԱՀԿ-ին։

Քոթանջյանի խոսքերով, Բաքվի կառավարական և հասարակական շրջանակները, ինչպես նաև ԶԼՄ-ների որոշ ներկայացուցիչներ ակտիվորեն քննարկում են ադրբեջանական բանակի չհաջողված արտագրոհը՝ ադրբեջանական և միջազգային հասարակական կարծիքի «վզին փաթաթելով» տեղի ունեցածի իր տարբերակը։

«Հայաստանում ներքին կայունության վերականգնման բարդ շրջանում ադրբեջանական բանակի՝ մարտի միջոցով հայկական դիրքերի ստուգման անհաջող փորձը Բաքվի աղբյուրների կողմից մեկնաբանվում է ուղիղ հակադիր կողմից։ Ադրբեջանն այս արյունոտ արկածախնդրության հեղինակ և մեղավոր լինելը բարդում է հայկական կողմի վրա», - նշել է փորձագետը։

Նա ասել է, որ Բաքուն կեղծ թվեր է բերում, իբրև թե, զոհված հայ զինծառայողների մասին։

«Փաստերի խեղաթյուրումը նպատակաուղղված է ադրբեջանական արյունոտ արկածի ձախողումը քողարկելուն, ինչպես նաև միջազգային հասարակայնությանն ու փորձագիտական հանրությանը տեղի ունեցածի այնպիսի մեկնաբանություն   մատակարարելուն, որը ձեռնտու է սեփական նախագահական ընտրարշավի մարտահրավերների փորձության առջև կանգնած Բաքվի իշխանությունների քաղաքական շահերին», - ասել է Քոթանջյանը։

Նրա խոսքերով, ադրբեջանական կողմի՝ փաստերի կոպիտ կեղծման վրա կառուցված մեկնաբանությունը և Հայաստանում արտակարգ դրության հաստատման  շահարկումը, Հարավային Կովկասում խաղաղության և կայունության պահպանմամբ շահագրգիռ հայ և ադրբեջանցի ժողովուրդների, ինչպես նաև միջազգային հանրության հասարակական կարծիքի մանիպուլյացիայի փորձ է։-0-

Loading...
Թեմատիկ նյութեր
Բաժնի այլ նյութեր
22:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
02:05
01 Նոյեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
19:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
00:49
26 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
03:07
25 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
01:23
25 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
21:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
03:10
20 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
22:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
21:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
02:19
19 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
01:10
17 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: