480.92
+0.18
511.51
-0.14
7.54
+0.06
+2
Եղանակը Երևանում
Հայ
Հայաստանի իրավապահ մարմինները զենք չեն կիրառել ցուցարարների դեմ. Գլխավոր դատախազություն
20:01
05 Մարտի 2008

ԵՐԵՎԱՆ, 5 մարտի./Նովոստի-Արմենիա/. Հայաստանի իրավապահ մարմինները հրազեն չեն օգտագործել մարտի 1-ի լույս 2-ի գիշերը մայրաքաղաքում հասարակական կարգը վերականգնելու ժամանակ, չորեքշաբթի լրագրողներին ասաց ՀՀ գլխավոր դատախազի մամուլի քարտուղար Սոնա Տռուզյանը։

Նախագահական ընտրությունների արդյունքներից դժգոհ ընդդիմությունը, առաջին նախագահ Լևոն Տեր-Պետրոսյանի գլխավորությամբ, փետրվարի 20-ից Երևանի կենտրոնում, Ազատության հրապարակում  հանրահավաքներ էր անցկացնում։ Բողոքի ցույցերը վերածվեցին անկարգությունների և իրավապահ մարմինների ներկայացուցիչների և ցուցարարների միջև բախման, որի հետևանքով զոհվել է ութ մարդ և վիրավորվել 131-ը։ Մարտի 1-ից, նախագահի հրամանով, Հայաստանում 20 օր ժամկետով արտակարգ դրություն  է հայտարարվել։

«Ստացված ապացույցները թույլ են տալիս վստահությամբ ասել, որ մարտի 1-ի լույս 2-ի գիշերը հասարակական կարգը վերականգնելու ուղղությամբ ձեռնարկված միջոցառումների և Սահմանադրական կարգի պահպանման ժամանակ ցուցարարների վրա կրակ չի բացվել։ Իրավապահ մարմինները հրազեն չեն օգտագործել»,- ասաց Տռուզյանը։

Նրա խոսքերով, ցուցարարների մոտ հրազեն եղել է, և նրանք կիրառել են այդ զենքը՝ կրակ բացելով անզեն զինծառայողների վրա։

«Իրավապահ մարմինները միայն արցունքաբեր գազ և լուսային փամփուշտներ են օգտագործել, որոնցով միայն օդ են կրակել, և ջրցան մեքենաներ»,- ասաց Տռուզյանը։

Նրա խոսքերով, հետաքննությունը բացահայտում է անկարգությունների հետևանքով բոլոր ութ զոհերի մահվան հանգամանքները, որոնց մեջ նաև ոստիկանության մեկ աշխատող է եղել։

Տռուզյանը հաղորդեց, որ այս միջադեպերով բոլոր քրեական գործերը, որոնք տեղի են ունեցել փետրվարի 20-ից մարտի 2-ը, միավորվել են մեկ քրեական գործում։  

Նրա խոսքերով, քննությունը վարում է Ազգային անվտանգության ծառայության, Ոստիկանության, Պաշտպանության նախարարության, Պետական հարկային ծառայության և Հատուկ քննչական ծառայության՝ 50 քննիչներից բաղկացած քննչական խումբը։

«Մարտի 5-ի դրությամբ մեծ աշխատանք է ձեռնարկվել հանցագործության բոլոր հանգամանքները պարզելու համար։ Հստակ ծրագիր է մշակվել՝ այս աննախադեպ քրեական գործի հետաքննության համար»,- նշեց Տռուզյանը։

Նա ավելացրեց, որ ներկա դրությամբ ձերբակալվել է 27 անձ, ևս 26-ին մեղադրանք է ներկայացվել Քրեական օրենսգրքի հոդվածներով, որոնք պատիժ են նախատեսում՝ զանգվածային անկարգություններ կազմակերպելու, պետական իշխանությունը բռի ճանապարհով զավթելուն ուղղված գործողությունների և իշխանության ներկայացուցչի դեմ բռնություն կիրառելու համար։

«Տվյալ հետաքննությունները հիմք են տալիս պնդելու, որ նախաքննության մարմինը տիրապետում է ողջ տեղեկատվությանը և գիտի, թե ինչ հաջորդականությամբ են զարգացել իրադարձությունները։ Տեղի ունեցածը ամբողջությամբ և նախապես պլանավորված էր, իսկ զանգվածային անկարգությունները ղեկավարվում էին մեկ կենտրոնից»,- ասաց Գլխավոր դատախազի մամուլի քարտուղարը։

Նրա խոսքերով, բավական շատ տվյալներ կան հիմնական կազմակերպիչներին, հրահրիչներին, զանգվածային անկարգությունների մասնակիցներին  հայտնաբերելու և նրանց պատասխանատվության կանչելու համար։

«Ուսումնասիրվել են անկարգությունների տեսագրությունները, հարցաքննվել են մոտ 200 վկաներ, ձերբակալվածներ և կալանավորվածներ, ստեղծվել է իրադարձությունների զարգացման ամբողջական պատկերը»,- ընդգծեց Տռուզյանը։

Նրա խոսքերով, ոչ մի օրինախախտ պատժից չի խուսափի։

Տռուզյանը հերքեց լուրերն այն մասին, որ անկարգությունների հետևանքով զոհերի թիվը ութից ավելի է։ «Այսօրվա դրությամբ անհայտ կորածների վերաբերյալ որևէ դիմում չի ստացվել։ Դա վկայում է այն մասին, որ այդ լուրերն ապատեղեկատվություն են»,- ասաց Տռուզյանը։

Նա նաև ավելացրեց, որ ձեռնարկված միջոցառումների արդյունքում վերադարձվել է անկարգությունների ժամանակ թալանված գույքի զգալի մասը։--0—

Loading...
Թեմատիկ նյութեր
Բաժնի այլ նյութեր
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ: