480.39
+0.17
536.6
+0.48
8.07
+0.03
+21
Եղանակը Երևանում
Հայ
Հայաստանի օպերատիվ իրավիճակը հանգիստ և կայուն է. Ոստիկանություն
19:09
05 Մարտի 2008

ԵՐԵՎԱՆ, 5 մարտի./Նովոստի-Արմենիա/. Հայաստանի օպերատիվ իրավիճակը հանգիստ և կայուն է, չորեքշաբթի Երևանում լրագրողներին ասաց ՀՀ Ոստիկանության մամուլի քարտուղար, փոխգնդապետ Սայաթ Շիրինյանը։

«Մայրաքաղաքում և հանրապետության մարզերում որևէ նոր միջադեպ չի գրանցվել»,- ասաց նա։

Շիրինյանը հաղորդեց, որ մարտի 1-5-ը ՀՀ ոստիկանության բաժանմունքներ բերման է ենթարկվել 326 մարդ, որոնցից 171-ը՝ Երևանում, իսկ 155-ը՝ ՀՀ մարզերում։ Նրանցից 30-ը ձերբակալված են, իսկ 8-ը՝ կալանավորված։ Նա ասաց, որ ՀՀ ազգային անվտանգության ծառայության տվյալներով, ձերբակալվել է 16 մարդ։

Ոստիկանության մամուլի քարտուղարը նաև նշեց, որ մարտի 1-ին և 2-ին Հայաստանի բուժհաստատություններում բուժման կուրս է անցել 217 մարդ, իսկ ոստիկանության 33 աշխատակից, որոնք ստացել են  հրազենային, բեկորային վնասվածքներ և սալջարդեր, օգնության համար դիմել են Ոստիկանության բուժվարչության պոլիկլինիկա։

«Բուժում ստացած 217 անձանցից 41-ը քաղաքացիական անձինք են, 43-ը՝ Ոստիկանության աշխատակիցներ, իսկ 133-ը՝ 18-ից 20 տարեկան զինծառայողներ»,- ավելացրեց նա։

Շիրինյանի խոսքերով, այն բանից հետո, երբ Երևանի Ազատության հրապարակն ազատվել է ընդդիմության ցուցարարներից, այնտեղ արդեն հայտնաբերվել է 3 ատրճանակ, 9 նռնակ, 2 ինքնաշեն նռնակ, 2 ձայնային նռնակ, 1 պայթուցիկ, 200 գրամ պայթուցիկ նյութ, 172 տարբեր տրամաչափի փամփուշտներ։

Մամուլի քարտուղարը նշեց, որ Գրիգոր Լուսավորչի փողոցում և Մաշտոցի պողոտայում հայտնաբերվել է, մասնավորապես, 1721 պարկուճ, 155 մետաղյա ձող, 1 ներարկիչ, 1 կոշկակարի դանակ, մոտ 150 լիտր հեղուկ վառելանյութ։

Այս կապակցությամբ Շիրինյանը հաղորդեց, որ զանգվածային անկարգությունների հետևանքով, ընդհանուր առմամբ, այրվել և ոչնչացվել է 26 մարդատար ավտոմեքենա, 6 ավտոբուս և 3 տրոլեյբուս։

Ոստիկանության տվյալներով, Երևանի կենտրոնական փողոցներում տեղի ունեցած զանգվածային անկարգությունների ժամանակ թալանվել են «Ռոբերտո» ֆիրմային խանութը, «Երևան-Սիթի» սուպերմարկետը, «Գրանդ քենդի» հրուշակեղենի խանութը, ինչպես նաև թիվ 8 սուպերմարկետը, Թելերի խանութը, «Պումա» մարզահագուստի խանութը, ինչպես նաև մեկ գրավատուն, «Միկա» բենզալցակայանը և մեկ դեղատուն ամբողջովին ավերված են։

Ընդհանուր առմամբ, մամուլի քարտուղարի խոսքով, փետրվարի 23-ից մարտի 1-ը Ոստիկանության աշխատակիցները հայտնաբերել են որոշակի քանակության զենք և զինամթերք։

«Այսպիսով, նշված ժամանակահատվածում առգրավվել է, մասնավորապես, 13 ատրճանակ, 14 հրացան, 5 ավտոմատ, 1 գնդացիր, 1 հեռակառավարմամբ պայթուցիկ սարք, 1 նռնակ, 7 դետոնատոր, 3 օպտիկական սարքավորում, 27 միավոր սառը զենք, ռադիացիայի աստիճանը չափող 2 սարք, 2 մահակ, 4 զրահաբաճկոն, 284 հակագազ, 14 ռադիոկապի սարք, 2413 փամփուշտ»,- նշեց նա։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ, քայլերթեր՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Հանհարավաքները հետզհետե վերածվեցին ոստիկանության զորքերի հետ ընդհարումների։

Ոստիկանության տեղեկատվության համաձայն, մարտի 1-ի երեկոյան  իրավիճակը դարձել է անկառավարելի, և ամբոխը սկսել է ավերել և թալանել մոտակայքում գտնվող մասնավոր և պետական օբյեկտները։

Միայն մարտի 1-ից Երևանում նախագահի հրամանով արտակարգ դրություն  հայտարարելուց հետո իրավապահ մարմինների աշխատակիցները և բանակի զինծառայողները ցրել են  ցուցարարներին և դադարեցրել զանգվածային անկարգությունները։ Բախումների արդյունքում զոհվել է ութ մարդ, ևս 131-ը ստացել են տարբեր աստիճանի մարմնական վնասվածքներ։-0-

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: