483.58
+0.74
513.85
-7.76
7.67
+0.05
-4
Եղանակը Երևանում
Հայ
Հայաստանի կոալիցիան վճռական է՝ երկրում օրենքի գերակայությունն ապահովելու գործում
11:48
05 Մարտի 2008

Հայաստանի կոալիցիան վճռական է՝ երկրում օրենքի լիակատար գերակայությունն ապահովելու գործում։ Ինչպես երեքշաբթի «Նովոստի-Արմենիա» գործակալությանը տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից, այս մասին ասվում է երկրի իշխող կոալիցիայի մեջ մտնող՝ Հայաստանի հանրապետական, «Բարգավաճ Հայաստան» և «Օրինաց Երկիր» կուսակցությունների համատեղ հայտարարության մեջ։

«Մենք վստահ ենք, որ ձևավորվող նոր քաղաքական կոալիցիան ի զորու կլինի առաջիկայում իրականացնել նոր որակի ազգաշահ բարեփոխումներ՝ նպաստելով երկրի և ժողովրդի առջև ծառացած տարաբնույթ խնդիրների լուծմանը՝ դրանով իսկ նպաստելով սոցիալական համերաշխության կայացմանը և երկրի առաջընթաց զարգացմանը», - ընդգծվում է փաստաթղթում։

Հայտարարության մեջ նշվում է, որ անցած նախագահական ընտրություններին հաջորդած անցանկալի զարգացումները լուրջ ներքաղաքական լարվածություն են առաջացրել երկրում, իսկ Լևոն Տեր-Պետրոսյանի և իր մի խումբ արկածախնդիր համախոհների անպատասխանատու և անխոհեմ գործունեության հետևանքով կազմակերպված զանգվածային անկարգությունները հանգեցրին ՀՀ նախագահի կողմից հրապարակված և Ազգային Ժողովի կողմից հավանության արժանացած որոշմանը՝ Երևանում արտակարգ դրություն հաստատելու մասին:

«Այդ իրադարձությունները ծանր հարված էին մեր պետականությանն ու մեր ժողովրդին: Անդառնալի կորուստները ծառայողական պարտքը կատարող ոստիկանության աշխատակիցների և ցուցարարների շարքերից, ավելի քան հարյուր վիրավորները, բարբարոսությունը, վայրագությունն ու թալանը ծանր բարոյահոգեբանական ցնցում պատճառեցին մեր ժողովրդին», - ասվում է հայտարարության մեջ։

Կոալիցիայի մեջ մտող կուսակցությունների առաջնորդները ցավակցություն են հայտնել ատելության զոհ դարձած քաղաքացիների ընտանիքներին ու հարազատներին, ինչպես նաև իրենց վճռականությունն են հայտնել` ամեն ինչ անելու, որ այլևս այդպիսի դեպքեր չկրկնվեն:

«Նման երևույթների մերժումը կարող է անկեղծ լինել ու կրկնությունը կարող է կանխվել միայն մեկ դեպքում, եթե անաչառ ու ճիշտ քաղաքական, իրավական և բարոյական գնահատականներ են տրվում կատարվածին», - ասված է փաստաթղթում։

Փաստաթղթում նաև ափսոսանք է հայտնվում, որ «մենք չկարողացանք կանխել այն, ինչը հետևողականորեն, մեթոդաբար և դաժանորեն նախապատրաստվում էր Լևոն Տեր-Պետրոսյանի ու իր մի խումբ համախոհների կողմից, ովքեր տևական ժամանակ մարդկանց մեջ ներարկում էին կեղծիք, շանտաժ, այլատյացություն, անհանդուրժողականություն, չարություն ու ապօրինություն»։

«Ընտրությունները առիթ դարձան Լևոն Տեր-Պետրոսյանի ու իր մի խումբ համախոհների համար` սեփական ժողովրդի ու պետության նկատմամբ 10 տարի շարունակ կուտակած կույր ատելությունը, վրեժն ու չարությունը բացառիկ ցինիզմով դրսևորելու համար», - ասված է հայտարարության մեջ։

Այս կապակցությամբ կոալիցիոն կուսակցությունների առաջնորդները հայտարարում են այն մասին, որ կատարված վանդալիզմի ու ողբերգության ողջ պատասխանատվությունը կրում են Լևոն Տեր-Պետրոսյանն ու իր մի խումբ համախոհները, «որոնք ոչ միայն մերժում էին շարունակաբար հնչող հորդորները` հրաժարվելու քաղաքական շանտաժի, ատելության ու չարության քարոզից, քաղաքական խնդիրները քաղաքական ու իրավական միջոցներով լուծելու և երկխոսության առաջարկներից, այլև դժվարին պահին չկարողացան հաղթահարել սին և եսակենտրոն մղումները` հրաժարվելով անգամ Վեհափառ Հայրապետի հետ հանդիպումից»:

«Վերականգնելու համար մեր ժողովրդի հոգեկան անդորրը, երկրի կայունությունն ու բնականոն ընթացքը, մենք պարտավոր ենք մեր մեջ կամք և ուժ գտնել` ճիշտ լուծումներ գտնելու այս իրավիճակից դուրս գալու համար», - նշվում է փաստաթղթում։

«Մենք վճռական ու հետևողական ենք լինելու՝ մարդկային զոհերի հանգեցրած զանգվածային անկարգությունների կազմակերպիչներին և ուղղորդողներին բացահայտելու և օրենքի ամբողջ խստությամբ պատժելու հարցում։ Մենք նաև վճռական ենք, որպեսզի հնարավոր ամենակարճ ժամանակում բացահայտվի ու առգրավվի երկրում առկա ապօրինի զենքն ու զինամթերքը», - ասվում է հայտարարության մեջ։

Փետրվարի 29-ին «Օրինաց Երկիր» կուսակցությունը միացել է Հայաստանի իշխող կոալիցիային, որի կազմում են Հայաստանի հանրապետական կուսակցությունը (ՀՀԿ) և «Բարգավաճ Հայաստան» կուսակցությունը (ԲՀԿ)։

2007 թ. հունիսին, խորհրդարանական ընտրություններից հետո, ՀՀԿ-ն և ԲՀԿ-ն ստորագրել են համաձայնագիր կոալիցիա ստեղծելու մասին, որն էլ իր հերթին համագործակցության մասին պայմանագիր է կնքել ՀՅԴ-ի հետ։

Շաբաթ օրը՝ մարտի 1-ի առավոտյան, ՀՀ ոստիկանությունը ցրել է հանրահավաքը, որից հետո նույն օրը դրա մասնակիցները տեղափոխվել են Ֆրանսիայի դեսպանատան մոտ՝ Երևանի քաղաքապետարանի մոտակայքում։

Ոստիկանության տեղեկատվության համաձայն, երեկոյին մոտ իրավիճակը դարձել է անկառավարելի, և ամբոխը սկսել է ավերել և թալանել մոտակայքում գտնվող մասնավոր և պետական օբյեկտները։ Միայն մարտի 1-ից Երևանում նախագահի հրամանով արտակարգ դրություն  հայտարարելուց հետո իրավապահ մարմինների աշխատակիցները և բանակի զինծառայողները ցրել են  ցուցարարներին և դադարեցրել զանգվածային անկարգությունները։-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: