486.33
+0.12
521.78
+4.16
8.19
+0.04
-11
Եղանակը Երևանում
Հայ
Հայաստանի ՍԴ-ն սկսել է նախագահական ընտրությունների բողոքարկման մասին դիմումների քննությունը
14:19
04 Մարտի 2008

Հայաստանի Սահմանադրական դատարանը սկսել է փետրվարի 19-ին կայացած նախագահական ընտրությունների բողոքարկման մասին դիմումների քննությունը։

ՍԴ-ն մեկ ընդհանուր վարույթում է քննում ՀՀ նախագահի թեկնածուներ Լևոն Տեր-Պետրոսյանի և Տիգրան Կարապետյանի կողմից ներկայացված՝ նախագահական ընտրությունների արդյունքների բողոքարկման վերաբերյալ հայցերը։

Ինչպես հաղորդում է «Նովոստի-Արմենիա» գործակալության թղթակիցը, որպես հայցվոր հանդես են գալիս նախագահի թեկնածու Տիգրան Կարապետյանը և նրա ներկայացուցիչներ՝ նախընտրական շտաբի ղեկավարի տեղակալ Ռուզաննա Ստեփանյանը և իրավաբան Արմեն Ղազարյանը։

Լևոն Տեր-Պետրոսյանի ներկայացուցիչներն են Արտակ Զեյնալյանը, իրավաբաններ Վահե Գրիգորյանը և Պարգև Օհանյանը։

Որպես պատասխանող կողմ ԿԸՀ-ից հանդես են գալիս հանձնաժողովի նախագահ Գարեգին Ազարյանը, ԿԸՀ քարտուղար Աբրամ Բախչագուլյանը և իրավաբան, Փաստաբանների պալատի անդամ Դավիթ Մանթաշյանը։

Որպես պատասխանող կողմ ներգրավված են Գլխավոր դատախազությունը՝ ի դեմս գլխավոր դատախազի տեղակալ Արամ Թամազյանի, Ոստիկանությունը՝ ի դեմս պետի տեղակալ Արարատ Մահտեսյանի, Հեռուստատեսության և ռադիոյի ազգային հանձնաժողովը՝ ի դեմս Գրիգոր Ամալյանի։

Բացի այդ որպես երրորդ անձ, դատական նիստին մասնակցելու անձնական դիմումի հիման վրա, ներգրավված է նախագահական ընտրություններում հաղթանակ տարած վարչապետ Սերժ Սարգսյանը։

Ինչպես հայտարարեց հարցով զեկուցող, ՍԴ անդամ Ֆելիքս Թոխյանը, դիմումների քննման համար ՍԴ-ն պահանջել է անհրաժեշտ բոլոր տեղեկատվությունը Վարչական դատարանից, Գլխավոր դատախազությունից և Ոստիկանությունից։

Նիստի ժամանակ Տեր-Պետրոսյանի ներկայացուցիչները հանդես եկան մի շարք միջնորդություններով, մասնավորապես, Արտակ Զեյնալյանի միջնորդությամբ նիստի բոլոր մասնակիցները մեկ րոպե լռությամբ հարգեցին զանգվածային անկարգությունների զոհերի հիշատակը։

Զեյնալյանը նաև հանդես եկավ ՍԴ շենքից և դրա մոտակայքից շենքի պահպանությունն իրականացնող ոստիկանության զորքերի դուրսբերման մասին միջնորդությամբ։ Նա նաև միջնորդություն ներկայացրեց դատական նիստին Տեր-Պետրոսյանի մասնակցությունն ապահովելու մասին, որը, փաստորեն, նրա խոսքերով, գտնվում է տնային կալանքի տակ։

Պատասխանող կողմի ներկայացուցիչ, պետաիրավական հարցերով խորհրդարանական հանձնաժողովի նախագահ Դավիթ Հարությունյանն, իր կողմից, հայտարարեց, որ ըստ օրենսդրության՝ Հայաստանում տնային կալանք գոյություն չունի։

Նա ընդգծեց, որ չկա որևէ իրավական և փաստացի խոչընդոտ Տեր-Պետրոսյանի՝ ՍԴ ներկայանալու համար։ Ոստիկանության պետի տեղակալ Արարատ Մահտեսյանն իր հերթին ասաց, որ զորքերն ապահովում են ՍԴ-ի անվտանգությունը՝ ավելացնելով, որ Երևանը գտնվում է արտակարգ դրության ռեժիմում և ողջ քաղաքում ապահովվում է անվտանգությունը։

Տեր-Պետրոսյանի ներկայացուցիչ, իրավաբան Վահե Գրիգորյանը միջնորդություն ներկայացրեց Հայաստանի ողջ տարածքում դատական նիստի ուղիղ հեռարձակման կամ հայցվոր կողմի կողմից նիստի ձայնագրման թույլտվության մասին՝ հետագայում այն Երևանում և Հայաստանի այլ քաղաքներում հեռարձակելու համար։

Ներկա պահին նիստի ընդմիջում է հայտարարվել։

«Հայաստանի Սահմանադրական դատարանի մասին» օրենքի 74-րդ հոդվածի 16-րդ կետի համաձայն՝ Հանրապետության նախագահի ընտրության արդյունքներով ընդունված որոշումների հետ կապված վեճերով Սահմանադրական դատարանը պետք է որոշում ընդունի  դիմումի մուտքագրման օրվանից հետո` տասնօրյա ժամկետում:

ՀՀ ԿԸՀ վերջնական տվյալների համաձայն, ՀՀ վարչապետ Սերժ Սարգսյանը ընտրողների ձայների 52,82 տոկոսով հաղթել է փետրվարի 19-ի նախագահական ընտրություններում։

Լևոն Տեր-Պետրոսյանը հավաքել է ձայների 21,5, իսկ Ժողովրդական կուսակցության առաջնորդ Տիգրան Կարապետյանը՝ 0,6 տոկոսը։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ, քայլերթեր՝ բողոքելով փետրվարի 19-ի նախագահական ընտրությունների արդյունքների դեմ։

Բողոքի ցույցերը վերածվեցին անկարգությունների և իրավապահ մարմինների ներկայացուցիչների և ցուցարարների միջև բախման, որի հետևանքով զոհվել է ութ մարդ և վիրավորվել 131-ը։ Մարտի 1-ից, նախագահի հրամանով, Հայաստանում 20 օր ժամկետով արտակարգ դրություն  է հայտարարվել։-0-

Loading...
Թեմատիկ նյութեր
Բաժնի այլ նյութեր
01:14
24 Հունվարի 2017
ԱՄՆ–ն դուրս է գալիս Անդրխաղաղօվկիանոսյան գործընկերությունից
ԱՄՆ նախագահ Դոնալդ Թրամփը հրամանագիր է ստորագրել Անդրխաղաղօվկիանոսյան գործընկերության (ԱԽԳ) համաձայնագրից ԱՄՆ–ի դուրս գալու մասին:
20:51
23 Հունվարի 2017
ՀՀ վարչապետը շնորհավորել է Գլեդիս Բերեջիկլյանին ավստրալական նահանգի կառավարության ղեկավարի պաշտոնում նշանակվելու կապակցությամբ
Հայաստանի վարչապետ Կարեն Կարապետյանը շնորհավորել է հայազգի Գլեդիս Բերեջիկլյանին ավստրալական խոշորագույն նահանգի կառավարության ղեկավարի պաշտոնը ստանձնելու կապակցությամբ:
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։