482.36
-0.38
568.99
-1.66
8.19
-0.05
+2
Եղանակը Երևանում
Հայ
ՀՀ ԿԸՀ-ի նախագահը հերքում է հանձնաժողովի անօրինական գործողությունների մասին հայտարարությունները
11:12
26 Փետրվարի 2008

ՀՀ Կենտրոնական ընտրական հանձնաժողովի նախագահ Գարեգին Ազարյանը հերքում է հանձնաժողովի անօրինական գործողությունների մասին հայտարարությունները։

 «Արթուր Բաղդասարյանի նախընտրական գրասենյակն այսօր տարածել է հայտարարություն այն մասին, որ իբր թե փետրվարի 24-ին ԿԸՀ-ի նիստը գումարվել էր սահմանված կարգի խախտումներով։ Եթե ՕԵԿ անդամը ծանոթ լիներ ՀՀ ընտրական օրենսգրքին և կենտրոնական ընտրական հանձնաժողովի  կանոնակարգին, ապա, հնարավոր է, որ հայտարարությունն իր մեջ իրականությանը չհամապատասխանող տեղեկատվություն չպարունակեր», - ասվում է «Նովոստի-Արմենիա» գործակալություն ստացված Ազարյանի հայտարարության մեջ։

 Նշվում է, որ ՀՀ ընտրական օրենսգրքի 402-րդ  հոդվածի 12-րդ կետի համաձայն՝ քվեարկության արդյունքների վերահաշվարկի աշխատանքներն ընտրատարածքային ընտրական հանձնաժողովներում դադարեցվում են քվեարկության օրվանից հինգ օր հետո` ժամը 14.00-ին, այսինքն` փետրվարի 24-ին` ժամը 14.00-ին:

«Այս ընթացքում կենտրոնական ընտրական հանձնաժողովը զբաղված է լինում ընտրատարածքային ընտրական հանձնաժողովներից պարբերաբար ստացվող` տեղամասերում քվեարկության արդյունքների, այդ թվում վերահաշվարկի արդյունքների ամփոփմամբ», - ասվում է հայտարարության մեջ։

ՀՀ ընտրական օրենսգրքի 632-րդ հոդվածի 3-րդ կետի համաձայն կենտրոնական ընտրական հանձնաժողովը, հիմք ընդունելով ընտրատարածքային ընտրական հանձնաժողովներից ստացված`  ընտրական տեղամասերում քվեարկությունների արդյունքների վերաբերյալ արձանագրությունները, դատարանների վճիռներն ու ընտրատարածքներում կատարված վերահաշվարկների արդյունքները, ամփոփում է համապետական ընտրությունների արդյունքները և արձանագրությամբ վավերացնում դրանք քվեարկության օրվանից ոչ ուշ, քան 7 օր հետո, այսինքն`յոթօրյա ժամկետում:

«Ստանալով բոլոր 1923 ընտրական տեղամասերի արձանագրությունները (ներառյալ վերահաշվարկ իրականացված տեղամասերինը), ավարտելով փետրվարի 19-ից 24-ը ստացված դիմում-բողոքների ուսումնասիրությունը, ունենալով ՀՀ վարչական դատարանի նախագահի գրությունն այն մասին, որ ՀՀ վարչական դատարանում առկա չէ քննության մեջ գտնվող ընտրական իրավունքին վերաբերող որևէ գործ, փետրվարի 24-ին, կենտրոնական ընտրական հանձնաժողովը հրավիրել է արտահերթ նիստ` կենտրոնական ընտրական հանձնաժողովի  կանոնակարգի պահանջների պահպանմամբ», - նշում է Ազարյանը։

ԿԸՀ  նախագահի հայտարարության մեջ նշվում է, որ նիստը հրավիրվել է կենտրոնական ընտրական հանձնաժողովի  նախագահի կողմից, նիստի ժամի և օրակարգի մասին հանձնաժողովի` կենտրոնական ընտրական հանձնաժողովի վարչական շենքում գտնվող և իրենց պարտականությունները կատարող անդամները ոչ միայն առնվազն 2 ժամ առաջ տեղեկացվել են այդ մասին, այլև մասնակցել օրակարգի կազմմանը։

 Ազարյանը նշել է, որ արատահերթ նիստ գումարելու մասին հայտարարությունը տեղադրված է եղել կենտրոնական ընտրական հանձնաժողովի  ոստկայքում, տեղեկացվել են ԶԼՄ-ները, իսկ տարբեր գրասենյակներին նիստի հրավիրման մասին տեղեկություններ տրամադրելը կենտրոնական ընտրական հանձնաժողովի պարտականությունների մեջ չի մտնում։

«Տեղեկացնեմ հանձնաժողովի` իրենց պարտականությունների կատարումն այլ կերպ ընկալող անդամներին և նրանց նշանակած մարմինների ղեկավարներին, որ ընտրական հանձնաժողովի անդամը պարտավոր է մասնակցել հանձնաժողովի  աշխատանքներին և կատարել օրենքով իր վրա դրված պարտականությունները: Պարտականությունների անհարգելի չկատարումը հանգեցնում է օրենքով սահմանված պատասխանատվության», - ասվում է ՀՀ ԿԸՀ-ի նախագահի հայտարարության մեջ։

«Օրինաց երկիր» կուսակցությունը երեկ հանդես է եկել հայտարարությամբ, որում անընդունելի է համարել ԿԸՀ-ի աշխատաոճը, որը փետրվարի 24-ին շուտափույթ կերպով նիստ է գումարել և ամփոփել է նախագահական ընտրությունների արդյունքները՝ ձայների վերահաշվարկի ավարտից անմիջապես հետո։

 Հայտարարության համաձայն՝ թեկնածուները նույնիսկ հնարավորություն չեն ունեցել ծանոթանալ քվեարկության արդյունքների բողոքարկման արդյունքներին և համեմատել վերջնական տվյալները՝ իրական պատկերը ստանալու համար։-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։