484.04
+0.53
523.1
+1.64
8.44
+0.03
0
Եղանակը Երևանում
Հայ
Ղարաբաղյան հակամարտության կարգավորման համար Հայաստանը պետք է դիմի ՄԱԿ-ի Անվտանգության խորհուրդ. փորձագետ
18:50
25 Փետրվարի 2008

ԵՐԵՎԱՆ, 25 փետրվարի./Նովոստի-Արմենիա/. Ղարաբաղյան հակամարտության կարգավորման համար Հայաստանը պետք է դիմի ՄԱԿ-ի Անվտանգության խորհուրդ, կարծում է «Իրավաբանների երիտասարդական միություն» համառուսական հասարակական կազմակերպության գործադիր կոմիտեի փոխնախագահ Նատալյա Մոշենսկայան։

«Հայաստանը կարող է ՄԱԿ-ի աԱվտանգության խորհրդի միջոցով դիմել ՄԱԿ-ի Միջազգային դատարան՝ ստանալու համար Ադրբեջանի բարձրագույն պաշտոնատար անձանց հրապարակային հայտարարությունների որակումը սահմանող խորհրդակցական եզրակացությունը»,- ասաց Մոշենսկայան՝ երկուշաբթի Երևանում մեկնարկած «Հանդուրժողականությունը և այլատյացությունը հարավկովկասյան տարածաշրջանում» երկօրյա միջազգային գիտաժողովի ժամանակ, որը նվիրված է Սումգայիթում հայերի ջարդերի 20-ամյակին։

Նրա խոսքերով, հարցը պետք է ձևակերպել հետևյալ համատեքստում՝ արդյո՞ք հակաիրավական արարք չէ մի պետության բարձրագույն  պաշտոնատար անձանց հայտարարությունները, որտեղ ժողովուրդը զրկվում է գոյության իրավունքից կամ էլ խոսվում է տվյալ ազգին երկրի երեսից բնաջնջելու մտադրության մասին։

«Ադրբեջանի ղեկավարության հայտարարությունները Հայաստանի կողմից միջազգային-իրավական, ինչպես նաև ընդհանուր հանրության արձագանքի հիմք են։ Ինչու՞ Իրանի նախագահին չի կարելի սպառնալ Իսրայելին, իսկ Ադրբեջանի նախագահին թույլատրելի է սպառնալ Հայաստանին։ Մենք բոլորս հավասար ենք միջազգային իրավունքի առջև»,- ընդգծեց Մոշենսկայան։

Նա նկատեց, որ պաշտոնական Բաքվի բարձրագույն պաշտոնատար անձանց ռազմատենչ արտահայտությունները հիմք են տալիս ենթադրելու, որ Ադրբեջանը պատրաստվում է Հայաստանի վրա զինված հարձակում գործել, իսկ դա արդեն այլատյացության դրսևորում չէ, այլ սպառնալիք՝ ինքնիշխանությանը, խաղաղությանը և հանրության անվտանգությանն ընդհանրապես։

«Տվյալ հայտարարությունները կարելի է որակել որպես ուժի սպառնալիք, և պետական ահաբեկչության մասին կարելի է խոսել որպես վախ սփռելու գաղափարախոսության և պրակտիկայի մասին։ Ադրբեջանի ղեկավարության պահվածքն անհամատեղելի է ՄԱԿ-ի կանոնադրության սկզբունքների հետ, իսկ դա միջազգային իրավունքի խախտում է»,- ասաց Մոշենսկայան։

Նա ընդգծեց, որ Հայաստանն այս դեպքում կարող է հրաժարվել ընդունել Ադրբեջանի հակաիրավական ռեժիմը՝ «դրանից բխող բոլոր հետևանքներով, ներառյալ՝ ղարաբաղյան հակամարտության շուրջ բանակցային գործընթացը վերսկսելու մերժումը»։

Արձագանքի մեկ այլ ձև, ըստ Մոշենսկայայի, կարող է լինել միջազգային կազմակերպություններին դիմելը։

«Հայաստանը կարող է դիմել ՄԱԿ, ԵԱՀԿ, ՀԱՊԿ։ Բացի այդ, Հայաստանը և ՌԴ-ն համաձայնագիր են ստորագրել՝ բարեկամության և համագործակցության մասին, ինչը նշանակում է, որ Հայաստանի հասցեին հնչող ցանկացած սպառնալիք սպառնալիք է նաև Ռուսաստանի համար»,- ասաց նա։

«Հանդուրժողականությունը և այլատյացությունը հարավկովկասյան տարածաշրջանում (Սումգայիթ-20)» գիտաժողովի կազմակերպիչներն են Հայոց ցեղասպանության թանգարան-ինստիտուտը, ՀՀ գիտությունների ազգային ակադեմիան՝ ՀՀ ԱԳՆ աջակցությամբ։

Գիտաժողովին մասնակցում են, մասնավորապես, ՀՀ ԱԳ նախարար Վարդան Օսկանյանը, ՀՀ օմբուդսմեն Արմեն Հարությունյանը,

ՀՀ ԳԱԱ նախագահ Ռադիկ Մարտիրոսյանը, Լրատվամիջոցների կովկասյան ինստիտուտի տնօրեն Ալեքսանդր Իսկանդարյանը, քաղաքագետ և փորձագետ Լևոն Մելիք-Շահնազարյանը։ Գիտաժողովին մասնակցում են նաև Ռուս-հայկական բարեկամության և համագործակցության ընկերության նախագահ, ՌԴ գրողների և լրագրողների միության անդամ, Հայաստանի Գրողների միության պատվավաոր անդամ Վիկտոր Կրիվոպուսկովը, Ալեքսանդր Վերխովսկին («Սովա» վերլուծական կենտրոն), Հանդուրժողականության և այլատյացության գծով փորձագետ Գալինա Կոժևնիկովան, փորձագետ Պամելա դե Կոնդապպան (Քեմբրիջի համալսարան, Մեծ Բրիտանիա)։--0—

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։