486.67
+0.35
520.49
+1.39
8.22
+0.01
-3
Եղանակը Երևանում
Հայ
Ընդդիմությանը սատարելու մասին հայտարարություն արած վեց հայ դիվանագետներ կազատվեն զբաղեցրած պաշտոններից. ԱԳՆ
12:24
25 Փետրվարի 2008

ՀՀ նախկին նախագահ Լևոն Տեր-Պետրոսյանին սատարելու մասին հայտարարություն արած վեց հայ դիվանագետներ կազատվեն զբաղեցրած պաշտոններից։ Այս մասին երկուշաբթի լրագրողներին հայտարարեց ՀՀ ԱԳ նախարար Վարդան Օսկանյանը։

«Այսօր իմ հրամանով նրանք կազատվեն աշխատանքից՝ «Դիվանագիտական գործունեության մասին» օրենքը խախտելու կապակցությամբ, որը չի ընդունում նման դրսևորումներ», - ասաց Օսկանյանը։

Նա նշեց, որ այդ թվում նաև ընդդիմության շարժմանը սատարելու մասին հայտարարություն արած ՀՀ դեսպանները, գտնվելով իրենց պաշտոններում, իրավունք չունեին նման քայլեր անել։

«Նախագահի հրամանով իրենց պաշտոններից ազատված դեսպանները միացել են մի շարժման, որի ղեկավարը ողջ քարոզչության ընթացքում բացահայտորեն անվանում էր մեր երկիրը «ավազակապետություն», իսկ երկրի նախագահին՝ «ավազակապետ»։ Ես չեմ պատկերացնում, որ նախագահի կողմից նշանակված՝ նման հայտարարության հետ համաձայն դիվանագետները շարունակեն զբաղեցնել իրենց պաշտոնները՝ փաստացի այդ գնահատականի հետ արտահայտելով իրենց համաձայնությունը», - հայտարարեց Օսկանյանը։

Միաժամանակ նա նշեց, որ եթե վերլուծենք պաշտոններից ազատվածների կենսագրությունը, ապա ակնհայտ է դառնում, որ նրանցից գրեթե բոլոը շատ սերտ կապեր են ունեցել նախկին իշխանությունների հետ, զբաղեցրել են տարբեր պաշտոններ կամ բարեկամական կապեր ունեն նախկին իշխանությունների հետ։

«Ցավալի է հատկապես այն, որ այդ մարդիկ առաջին հերթին հարված են հասցրել հանդուրժողականությանը, քանի որ երբ ՀՀ գործող նախագահ Ռոբերտ Քոչարյանը եկավ իշխանության, հստակ որոշում ընդունվեց, որ մենք խտրականություն չենք դնի մեր կադրերի նկատմամբ, քանի որ կադրային ռեսուրսները մեզ մոտ շատ սահմանափակ են», - ընդգծեց նախարարը։

«Դիվանագետներին պատրաստում են, նրանք չեն ծնվում, և մենք չենք կարող դրանց կորցնել մինչ նրանք պատրաստ են աշխատել ի բարօրություն պետության՝ անկախ այն բանից, թե ում հետ են նրանք աշխատել ավելի վաղ։ Սա աշխատանքի նորմալ, քաղաքակիրթ միջոց է», - կարծում է Օսկանյանը։

«Ամենացավալին այն փաստն է, որ նրանք հարված են հասցրել հենց այդ հանդուրժողականությանը։ Ես ցավով եմ ստորագրել այդ հրամանները,  ցավով եմ լսել նախագահի հրամանները, սակայն կարծում եմ, որ առաջին հերթին հարված է հասցվել մեր համակարգի, հանդուրժողականությունն ամրապնդելու մեր փորձի նկատմամբ», - ասաց նախարարը։

«Նրանք ոչ միայն աշխատում էին, այլ բարձրանում էին մասնագիտական աստիճանով, նշանակվում էին դեսպաններ, և կարծում եմ, որ հենց նախկին իշխանությունների հետ սերտ կապեր ունեցողները պետք է լինեին վերջինները, ովքեր ի վիճակի էին նման քայլի գնալ», - ասաց Օսկանյանը։

Միաժամանակ նա կարծիք հայտնեց, որ ընդդիմությանը միացած դիվանագետներին «դրել են գայթակղության առջև, և նրանք ճիշտ չեն գնահատել իրավիճակը»։

ՀՀ ԱԳ յոթ աշխատակիցներ, որոնց թվում է նաև ՀՀ ԱԳՆ մամուլի քարտուղար Վլադիմիր Կարապետյանը, նախօրեին միացել են ՀՀ նախկին նախագահ Լևոն Տեր-Պետրոսյանի կողմնակիցներին։

Ավելի վաղ Տեր-Պետրոսյանին սատաելու մասին հայտարարել են ՀՀ փոխարտգործնախարար Արմեն Բայբուրդյանը, Ղազախստանում և Ղրղստանում Հայաստանի արտակարգ և լիազոր դեսպան Լևոն Խաչատրյանը, Իտալիայում, Պորտուգալիայում և Իսպանիայում արտակարգ և լիազոր դեսպան Ռուբեն Շուգարյանը։

Բոլոր նրանք ազատվել են զբաղեցրած պաշտոններից և զրկվել են Արտակարգ և լիազոր դեսպանի դիվանագիտական աստիճանից։

Փետրվարի 20-ից Երևանի կենտրոնում անց են կացվում ընդդիմության կողմից կազմակերպված հանրահավաքներ, քայլերթեր, ինչպես նաև նստացույցեր և ուսանողական ցույցեր։ Ընդդիմության ցույցերի կազմակերպիչներն ու մասնակիցները իրենց անհամաձայնությունն են արտահայտում ԿԸՀ-ի կողմից հրապարակված փետրվարի 19-ի նախագահական ընտրությունների արդյունքների կապակցությամբ:

ԿԸՀ  վերջնական պաշտոնական տվյալների համաձայն, Սերժ Սարգսյանը հավաքել է 862369 ընտրողների ձայները (52,82 տոկոս)։351222 ձայնով (21,5 տոկոս) երկրորդ տեղում է ՀՀ նախկին նախագահ Լևոն Տեր-Պետրոսյանը։--0-  

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։