484.04
+0.53
521.46
-0.05
8.41
+0.05
+9
Եղանակը Երևանում
Հայ
Կոսովոյի նախադեպը չի կարող օգտագործվել ղարաբաղյան հակամարտության կարգավորման հարցում. փորձագետ
15:29
22 Փետրվարի 2008

ԵՐԵՎԱՆ, 22 փետրվարի./Նովոստի-Արմենիա/. Կոսովոյի նախադեպը չի կարող օգտագործվել ղարաբաղյան հակամարտության կարգավորման հարցում, ուրբաթ Երևանում մամուլի ասուլիսի ժամանակ հայտարարեց քաղաքագետ Լևոն Մելիք-Շահնազարյանը։

«Շատերը զուգահեռներ են տեսնում Կոսովոյի և ԼՂՀ-ի միջև, բայց ես ավելի հոռետես եմ և կարծում եմ, որ Կոսովոն՝ դա հայկական Նախիջևանն է»,- ասաց Մելիք-Շահնազարյանը։

Նա նշեց, որ ներկայիս Կոսովոյի և 1991 թվականի Ղարաբաղի միջև կան ընդհանուր գծեր, սակայն առկա են նաև լուրջ տարբերություններ։

«Ընդհանրությունն, առաջին հերթին, նրանում է, որ մեծամասնությունը ցանկացել էր առանձնանալ, եթե Արցախում դրանք հայերն էին, ապա Կոսովոյում ալբանացիներն են։ Երկրորդ ընդհանրությունն այն է, որ թե Արցախում և թե Կոսովոյում իշխանությունները և ժողովուրդը դիմել են միջազգային իրավունքին, այսինքն՝ հանդես են եկել ազգի ինքնորոշման իրավունքի օգտին։ Բայց ընդհանրություններն այսքանով սահմանափակվում են, որովհետև ի տարբերություն Արցախի, Կոսովոյի ալբանացի բնակչությունը արմատներ չունի այդ հողում»,- ասաց Մելիք-Շահնազարյանը։

Բացի այդ, փորձագետը նշեց, որ Արցախն իր ինքնորոշումն իրականացրեց հանրահավաքի հիման վրա, իսկ Կոսովոյում հանրահավաք չի եղել, խորհրդարանը որոշում է ընդունել, որը նույն օրն ևեթ ճանաչել են մյուս երկրները։

Մելիք-Շահնազարյանը կարծում է, որ Կոսովոյի բնակչությունը պատրաստ չէ սեփական պետականության, ինչպես տնտեսական, այնպես էլ տարածքային առումով, «այսինքն՝ այսօր Կոսովոյում բացակայում է պետությունը, և այդ տարածքում չի գործում օրենքի գերակայությունը»։

«Արցախում ողջ տարածքի վրա գործում են ԼՂՀ օրենքները և պետության շահերն առաջնահերթ են»,- ասաց փորձագետը։

Նա նաև ընդգծեց, որ մինչև 1999 թվականը Կոսովոն պետական կամ վարչական որևէ կարգավիճակ չի ունեցել։ «Արցախը, վարչական կարգավիճակ ունենալով ԽՍՀՄ տարածքում, լինելով այդ դաշնության սուբյեկտ, ԽՍՀՄ կազմից դուրս է եկել նրա օրենսդրության և միջազգային օրենքներին համապատասխան, իսկ Կոսովոն չի օգտագործել այդ օրենքները, քանի որ չուներ համապատասխան կարգավիճակ»,- ասաց Մելիք-Շահնազարյանը։

Նա ասաց, որ որոշ ժողովուրդներ ունեն ինքնորոշման իրավունք, բայց դա չպետք է հակասի պատմա-էթնիկական սկզբունքներին և այն պետության օրենքներին, որի կազմում ապրում են այդ ազգերը, այլապես դա կվերաճի անջատողականության։

Փորձագետը նշեց, որ Կոսովոյին հաջողվել է ստանալ մի շարք պետությունների ճանաչումը, և այդ գործընթացի շարունակվում է։ Նրա խոսքով, վաղ թե ուշ, Կոսովոյի անկախությունը ճանաչելու են պետությունների մեծամասնությունը, այդ թվում՝ Ռուսաստանը, քանի որ այդ գործընթացն անխուսափելի է։

Մելիք-Շահնազարյանը կարծում է, որ, ճանաչելով Կոսովոն, Արևմուտքը նպատակ ունի թուլացնել Ռուսաստանին, որը Սերբիայի գլխավոր դաշնակիցներից մեկն է։

Դրա հետ մեկտեղ, նա կարծում է, որ Եվրոպայի կենտրոնում մուսուլմանական երկրի ստեղծումը հակակշիռ կլինի միասնական եվրոպական նպատակներին։

«Այս առումով, կանխատեսում եմ, որ Կոսովոն երկար ապագա չի ունենա և հետագայում կմիանա Ալբանիային»,- ասաց նա։--0—

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։