478.82
+0.2
557.59
+7.08
8.14
+0.04
+23
Եղանակը Երևանում
Հայ
ՀՀ Ընտրական օրենսգիրքն ապահովում է ազատ և ժողովրդավարական ընտրությունների անցկացման հնարավորությունը. ԱՊՀ դիտորդներ
14:43
20 Փետրվարի 2008

ԵՐԵՎԱՆ, 20 փետրվարի./Նովոստի-Արմենիա/. ՀՀ Ընտրական օրենսգիրքն ապահովում է ազատ և ժողովրդավարական ընտրությունների անցկացմանւ հնարավորությունը։ Այս մասին չորեքշաբթի Երևանում լրագորղներին հայտարարեց ԱՊՀ միջխորհրդարանական վեհաժողովի առաքելության նախագահ, ՌԴ դաշնային խորհրդի փոխնախագահ Ալեքսանդր Տորշինը՝ ներկայացնելով փետրվարի 19-ին Հայաստանում տեղի ունեցած նախագահական ընտրությունների վերաբերյալ ԱՊՀ դիտորդական առաքելության եզրակացությունը։

«ԱՊՀ դիտորդները փաստում են, որ Ընտրական օրենսգիրքը կազմվել է՝ հաշվի առնելով ԱՊՀ երկրներում ժողովրդավարական ընտրությունների չափորոշիչների, ընտրական իրավունքների  և ազատությունների մասին կոնվենցիայի դրույթները»,- ասաց նա։

Տորշինի խոսքով, ԸՕ տեքստում ներառված են ժողովրդավարական ընտրությունների այնպիսի չափորոշիչներ, ինչպիսիք են քաղաքացու ընտրելու և ընտրված լինելու իրավունքը, ընտրությունների ազատությունը՝ փակ քվեարկության դեպքում համընդհանուր, հավասար և ուղիղ ընտրական իրավունքի հիման վրա,  ընտրությունների բաց և հրապարակային բնույթը, ընտրական իրավունքի և ազատությունների դատական և այլ տեսակի պաշտպանության իրականացումը, ընտրությունների ընթացքին հանրային և միջազգային դիտումը, ընտրական գործընթացների մասնակիցների ընտրական իրավունքների և ազատությունների իրականացման երաշխիքները։

Նա ընդգծեց, որ 2007թ. մայիսի 12-ի խորհրդարանական ընտրություններից հետո ԸՕ-ում փոփոխություներ և լրացումներ են կատարվել, այդ թվում՝ նախատեսված է նախագահի թեկնածուների ինքնաառաջադրման հնարավորությունը, ընտրողներին իրավունք է տրվում ոչ միայն իրենց գրանցման վայրում քվեարկելու, այլև փաստացի բնակության վայրում, մտցվել է քվեարկության ժամանակ ընտրություններին մասնակցելու մասին ընտրողի անձնագրում պարտադիր դրոշմելու կարգը։

«Այնուամենայնիվ, ԱՊՀ դիտորդների կարծիքով, ցանկալի է, որպեսզի հետագայում Ընտրական օրենսգրքի առանձին նորմեր հստակեցվեն և կատարելագործվեն»,- ընդգծեց Տորշինը։

Այս կապակցությամբ ԱՊՀ ՄՊՎ առաքելության ղեկավարը կարծում է, որ ընտրական տեղամասից դուրս քվեարկելու հնարավորություն կարող էր ընձեռնվել այն քաղաքացիներին, ովքեր ի վիճակի չեն ինքնուրույն շարժվել։

«Բացի այդ, տարածքային ընտրական հանձնաժողովներին կարելի էր իրավունք ընձեռնել քվեարկության նախօրյակին և քվեարկության օրը լրացուցիչ ընտրացուցակներում ընդգրկել այն քաղաքացիներին, որոնք ունեն անձը հաստատող փասատթուղթ, բնակվում են տվյալ ընտրական տեղամասի տարածքում՝ առանց դիմելու Ոստիկանություն կամ դատարան, ինչպես պահանջվում է այսօր»,- ավելացրեց նա։

ԱՊՀ առաքելությունը Հայաստանում տեղի ունեցած նախագահական ընտրությունները ճանաչել է ազատ և բաց, իսկ «քվեարկության ընթացքում արձանագրված առանձին խախտումները զանգվածային չեն եղել, ունեցել են տեխնիկական բնույթ, և ընտրությունների արդյունքի վրա էական ազդեցություն չեն ունեցել»։

ԱՊՀ դիտորդական առաքելությունը Հայաստանում է գտնվում հունվարի 22-ից։ Առաքելության կազմում ընդգրկված են 193 հավատարմագրված միջազգային դիտորդներ, այդ թվում՝ ԱՊՀ, ԱՊՀ ՄՊՎ, Բելառուսի և Ռուսաստանի Միության Խորհրդարանական ժողովի, ԱՊՀ գործկոմի ներկայացեւցիչներ։

ՀՀ ԿԸՀ տվյալներով, չորեքշաբթի ժամը 11։52-ին, ընտրական քվեաթերթիկները 100 տոկսով ճշտելուց հետո, ՀՀ վարչապետ, ՀՀԿ նախագահ Սերժ Սարգսյանը հավաքել է ընտրողների ձայների 52,86%-ը։--0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: