486.21
-0.98
517.62
-1.72
8.15
+0.04
-9
Եղանակը Երևանում
Հայ
Հայաստանում կնշեն հանրահայտ աստղաֆիզիկոս Վիկտոր Համբարձումյանի 100-ամյակը
14:28
18 Փետրվարի 2008

ԵՐԵՎԱՆ, 18 փետրվարի. /Նովոստի-Արմենիա/.  Հայաստանում կանցկացվեն հանրահայտ աստղաֆիզիկոս Վիկտոր Համբարձումյանի 100-ամյակին նվիրված մի շարք միջոցառումներ, երկուշաբթի Երևանում լրագրողներին տեղեկացրեց Բյուրականի աստղադիտարանի տնօրեն Հայկ Հարությունյանը։

Նրա խոսքերով, ՀՀ գիտությունների ազգային ակադեմիայի (ԳԱԱ) և Երևանի պետական համալսարանի հետ համատեղ մշակած միջոցառումների ծրագիրն արդեն ներկայացված է կառավարության քննարկմանը։ «Ազգային ակադեմիայի հետ համատեղ մենք ծրագրում ենք անցկացնել մի շարք խոշոր ծրագրեր», - ասաց նա։

Աստղադիտարանի տնօրենը նշեց, որ գլխավոր միջոցառումը կդառնա «Տիեզերական օբյեկտների էվոլյուցիան՝ դրանց ֆիզիկական ակտիվության միջոցով» միջազգային գիտաժողովը։

«Ընթացիկ տարվա սեպտեմբերի 15-18-ը տեղի ունենալիք գիտաժողովին մասնակցելու են այն երկրների մասնագետները, որտեղ զարգացած է աստղագիտությունը», - ավելացրեց Հարությունյանը։

Գիտաժողովի մասնակից-երկրների թվում նա նշեց Ռուսաստանը, ԱՄՆ-ն, Հնդկաստանը, Ավստրալիան, Չինաստանը, Ճապոնիան։

Բացի այդ Հարությունյանը տեղեկացրեց, որ լույսընծայման է պատրաստվում հոբելյանական հրատարակությունը։ Այսպես, ԳԱԱ-ի աջակցությամբ կհրատարկվի հանրահայտ աստղաֆիզիկոսի մասին հիշողությունների հավաքածուն։

«Համբարձումյանը 20-րդ դարի խոշորագույն գիտնականներից մեկն է։ Մենք պարտավոր ենք պահպանել հիշողությունը նրա մասին, ինչպես նաև աշխարհի տարբեր երկրներում քարոզել նրա ձեռքբերումները աստղաֆիզիկայի բնագավառում», - ասաց Հարությունյանը։

Այս համատեքստում աստղադիտարանի տնօրենը առաջարկեց հիմնադրել Համբարձումյանի անվան գիտական պարգև։

«Նման պարգևը կդառնա յուրատեսակ քայլ՝ հայկական գիտության տարածման և քարոզչության ճանապարհին», - ավելացրեց նա։

Միաժամանակ աստղադիտարանի տնօրենը տեղեկացրեց, որ հոբելյանական միջոցառումներ կանցկացվեն ոչ միայն Հայաստանում, այլև Ռուսաստանում՝ Ռուսաստանի գիտությունների ակադեմիայի, Սանկտ-Պետերբուրգի համալսարանի և Պուլկովոյի աստղադիտարանի մասնակցությամբ։

Հանրահայտ աստղաֆիզիկոսի 100-ամյակը ներառված է ՅՈՒՆԵՍԿՕ-ի 2008-2009 թթ. հոբելյանների պատվավոր ցուցակում։

Բյուրականի աստղաֆիզիկական աստղադիտարանը հիմնադրվել է 1946թ. Արագած լեռան վրա։ Հայկական աստղագիտության բարգավաճման նշանակալի փուլը կապված է հռչակավոր գիտնական, ակադեմիկոս Վիկտոր Համբարձումյանի անվան հետ։ Բյուրականում անցկացվող գիտական ուսումասիրությունները համաշխարհային ճանաչում են ստացել, դրանց հիման վրա ստեղծվել են աստղաֆիզիկայի նոր ուղղություններ։

Վիկտոր Համազասպի Համբարձումյանը (1908-1996) հանրահայտ հայ աստղաֆիզիկոս է։ 1934 թ.-ին հիմնադրել է ԽՍՀՄ-ում առաջին աստղաֆիզիկայի ամբիոնը, որը գլխավորել է մինչև 1947 թ.-ը։ 1939-1941 թթ.-ին եղել է Լենինգրադի համալսարանի աստղադիտարանի տնօրենը, 1941-1943 թթ.-ին՝ այդ համալսարանի Ելաբուգում (Թաթարական ԽՍՀ) գտնվող մասնաճյուղի ղեկավար։ Երկար տարիներ եղել է Հայաստանի գիտությունների ազգային ակադեմիայի նախագահը։

Համբարձումյանի գիտական աշխարհայացքը չափազանց լայն էր։ Նրա աշխատանքներն ընդգրկում են աստղագիտության բազմաթիվ բնագավառներ, մասնավորապես, դրանք նվիրված են աստղերի և գազային միգամածությունների ֆիզիկային, աստղային համակարգերի վիճակագրական մեխանիկային, արտագալակտիկական աստղագիտությանն ու տիեզերածնությանը։ Համբարձումյանը պարգևատրվել է ԽՍՀՄ ԳԱ Լոմոնոսովի ոսկե մեդալով (1971), Լոնդոնի թագավորական աստղագիտական միության Ոսկե մեդալով (1960)։-0-

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: