486.21
-0.98
517.62
-1.72
8.15
+0.04
-11
Եղանակը Երևանում
Հայ
ՀՀ նախագահի թեկնածուները քաղաքական քարոզչության համար ծախսել են ավելի քան 615 հազար դոլար
15:23
14 Փետրվարի 2008

ԵՐԵՎԱՆ, 14 փետրվարի./Նովոստի-Արմենիա/. ՀՀ նախագահի թեկնածուները նախընտրական քարոզարշավի ընթացքում իրենց նախընտրական հիմնադրամներից ծախսել են 190 միլիոն 937 հազար 523 դրամ (615,7 հազար դոլար)։ Այս մասին հինգշաբթի Երևանում լրագրողներին հայտարարեց ՀՀ ԿԸՀ-ին կից Հսկիչ-վերստուգիչ  ծառայության պետ Արա Հարությունյանը։

«2008թ. փետրվարի 12-ի տվյալներով, Հայաստանի նախագահի ութ թեկնածուների հաշիվների վրա կար 199 միլիոն 626 հազար 500 դրամ, որից ծախսվել է 190 միլիոն 937 հազար 523 դրամը»,- ասաց նա՝ ավելացնելով, որ ՀՀ նախագահի թեկնածու Արման Մելիքյանի նախընտրական հիմնադրամ չի ձևավորվել։

Հարությունյանի խոսքերով, ամենախոշոր նախընտրական հիմնադրամը  Հայաստանի հանրապետական կուսակցության թեկնածու, գործող վարչապետ Սերժ Սարգսյանինն է՝ 65 միլիոն 270 հազար դրամ։

«Երկրորդ տեղում Վահան Հովհաննիսյանի հիմնադրամն է՝ 49 միլիոն դրամ։ Այնուհետև գալիս են Արթուր Բաղդասարյանը (33 միլիոն 210 հազար դրամ), Լևոն Տեր-Պետրոսյանը (22 միլիոն 334 հազար 500 դրամ), Արտաշես Գեղամյանը (14,6 միլիոն դրամ), Տիգրան Կարապետյանը (9,6 միլիոն դրամ), Վազգեն Մանուկյանը (4,4 միլիոն դրամ) և Արամ Հարությունյանը (1,2 միլիոն դրամ)»,- տեղեկացրեց նա։

Հարությունյանը նշեց, որ բոլոր թեկնածուների դրամական միջոցների 60,3 տոկոսը ծախսվել է քարոզչական գովազդ պատրաստելու համար, 23,9 տոկոսը՝ հեռուստատեսությամբ և ռադիոյով վճարովի եթեր ձեռք բերելու համար, 14,1 տոկոսը՝ տպագիր նյութերի պատրաստման և 1,6 տոկոսը՝ սրահների և տարածքների վարձակալման համար։

«Ծախսած միջոցների ծավալով թեկնածուների թվում առաջատարը Սերժ Սարգսյանն է (58,7 միլիոն դրամ), նրան հաջորդում են Վահան Հովհաննիսյանը (մոտ 50 միլիոն դրամ), Արթուր Բաղդասարյանը (33,2 միլիոն դրամ), Լևոն Տեր-Պետրոսյանը (21,5 միլիոն դրամ), Արտաշես Գեղամյանը (14,4 միլիոն դրամ), Տիգրան Կարապետյանը (9.6 միլիոն դրամ), Վազգեն մանուկյանը (3,6 միլիոն դրամ), Արամ Հարությունյանը (1 միլիոն դրամ)»,- պարզաբանեց նա։

Միաժամանակ ԿԸՀ-ին կից Հսկիչ-վերստուգիչ  ծառայության պետը տեղեկացրեց, որ նախագահի թեկնածուների նախընտրական հիմնադրամները ձևավորվել են թեկնածուների սեփական միջոցների հաշվին (6 մարդ), ինչպես նաև մեկ քաղաքական կուսակցության միջոցներից, 125 իրավաբանական անձանց և 588 ֆիզիկական անձանց միջոցներից։

«Հարկ է նշել, որ արձանագրվել են նաև 8 միլիոն դրամ գումարի չափով դրամական փոխանցումների սխալ դեպքեր, որոնց գումարը գերազանցում էր օրենքով թույլատրված գումարի չափը կամ էլ կատարվել էր դրա իրավունքը չունեցող իրավաբանական անձանց կողմից։ Օրենքով սահմանված կարգով այդ միջոցները վերադարձվել են իրավաբանական և ֆիզիկական անձանց, իսկ դրանց մի մասն ուղարկվել է պետբյուջե»,- պարզաբանեց Հարությունյանը։

2008թ. փետրվարի 19-ին Հայաստանում տեղի կունենան հերթական նախագահական ընտրությունները։

Նախագահական պայքարում մրցում են «Օրինաց երկիր» կուսակցության նախագահ Արթուր Բաղդասարյանը, «Ազգային միաբանություն» կուսակցության նախագահ Արտաշես Գեղամյանը, Ժողովրդական կուսակցության նախագահ Տիգրան Կարապետյանը, «Ազգային համաձայնություն» կուսակցության նախագահ Արամ Հարությունյանը, ՀՀ ԱԺ փոխխոսնակ, ՀՅԴ բյուրոյի անդամ Վահան Հովհաննիսյանը, Ազգային ժողովրդավարական միություն կուսակցության նախագահ Վազգեն Մանուկյանը, ԼՂՀ նախագահի նախկին խորհրդական Արման Մելիքյանը, ՀՀ վարչապետ, Հայաստանի հանրապետական կուսակցության նախագահ Սերժ Սարգսյանը և ՀՀ առաջին նախագահ Լևոն Տեր-Պետրոսյանը։  --0—

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: