478.82
+0.2
557.59
+7.08
8.14
+0.04
+24
Եղանակը Երևանում
Հայ
Երևանում վթարի ենթարկված «Բելավիա» ավիաընկերության ինքնաթիռի տեխնիկական տվյալները նորմայի սահմաններում են եղել. Հայաստանի ՔԱԳՎ
14:26
14 Փետրվարի 2008

Երևանում ավիավթարի ենթարկված «Բելավիա» ավիաընկերությանը պատկանող SRG-100 ինքնաթիռի տեխնիկական տվյալները նորմալ են եղել։ Այս մասին օդանավակայանում լրագրողներին տեղեկացրեց ՀՀ քաղաքացիական ավիացիայի գլխավոր վարչության (ՔԱԳՎ) պետ Արտյոմ Մովսիսյանը։

«Ինքնաթիռը տեխնիկական զննում է անցել 2008 թ. փետրվարին, և նրա բոլոր տվյալները կարգին են եղել։ Թռիչքից առաջ ինչպես բոլոր ինքնաթիռները, այս ինքնաթիռը ևս անցել է վիզուալ ընթացիկ զննում, որի արդյունքում բոլոր հիմնական ցուցանիշները ևս նորմալ վիճակում են եղել», - ասաց Մովսիսյանը։

Նա նշեց, որ տեխնիկական անսարքությունները սկսել են թռիչքուղու վրայով ինքնաթիռի վազքի ժամանակ, երբ օդաչուն, կապվելով դիսպետչերի հետ, հայտնել է այն մասին, որ ինքնաթիռը թեքվում է ձախ։

«Ինքնաթիռի անձնակազմը փորձել է ինքնուրույն ուղղել այն և որոշում է ընդունել շարունակել թռիչքը։ Մեր տվլյաների համաձայն, 4-5 մետր բարձրության վրա ինքնաթիռի ձախ թևը դիպել է թռիչքուղուն, ինչի արդյունքում այն շրջվել է», - ասաց Մովսիսյանը։

Նա նշեց, որ երկու ուղևորների և անձնակազմի անդամների օպերատիվ գործողությունների շնորհիվ բացվել է վթարային դուռը, և բոլոր ուղևորները ինքնուրույն դուրս են եկել ինքնաթիռի սրահից։ Արդեն 50 վայրկյան անց դեպքի վայրում է աշխատել օդանավակայանի հրշեջ բրիգադը։

ՔԱԳՎ պետը հերքեց ինքնաթիռում պայթյունի մասին տեղեկատվությունը՝ նշելով, որ պարզապես ուղևորների մոտ նման տպավորություն է ստեղծվել ինքնաթիռի՝   գետնին բախվելու հետևանքով։

«Ուզում եմ նշել, որ հայկական կողմից որևէ խնդիր և թերացում չի եղել, մասնավորապես, եղանակը չոր էր, թռիչքուղին սայթաքուն չէր, իսկ տեսանելիությունը 3500 մետր էր», - ասաց Մովսիսյանը։

Որպես ավիացիայի բնագավառում փորձագետ իր գնահատականը տալով՝ նա նշեց, որ ավելի նպատակահարմար է համարում, եթե օդաչուն որոշում ընդուներ  ինքնաթիռը կանգնեցնելու և անսարքությունը ստուգելու մասին։ «Սակայն նման իրավիճակներում որոշում ընդունելը շատ ժամանակ կարող է կախված լինել ինքնաթիռի հակամարգիչների ցուցիչներից, և իրավիճակի վերաբերյալ վերջնական եզրակացություն կարելի է անել միայն «սև արկղերի» վերծանումից հետո», - ասաց Մովսիսյանը։

Միաժամանակ նա խորհուրդ տվեց չմեղադրել արտադրողներին կամ շահարգոծող ընկերությանը։ «Ես չէի ցանկանա, որպեսզի մենք կենտրոնանայինք ինքնաթիռի տեսակի կամ ավիաընկերության վրա, ինչը կարող է նրանց վնաս հասցնել, և առաջարկում են ձեռնպահ մնալ նման տեսակի մեկնաբանություններից, քանի որ նման պատահարները տեղի են ունենում բազմաթիվ ավիաընկերությունների և ինքնաթիռների հետ», - ասաց Մովսիսյանը՝ առաջարկելով սպասել «սև արկղերի» վերծանման փորձաքննության արդյունքներին։

Նա նշեց, որ կանադական արտադրողը տեղյակ է պահվել դեպքի մասին, ինչպես նաև ինքնաթիռի սեփականատերերը և Միջպետական ավիացիոն կոմիտեն (ՄԱԿ), որոնց հետ համատեղ կացնացվեն հետաքննության համատեղ աշխատանքները։

Բելառուսական «Բելավիա» ավիաընկերության SRG-100 ինքնաթիռը վթարի է ենթարկվել հինգշաբթի առավոտյան, Երևանի «Զվարթնոց» օդանավակայանում։

Ինքնաթիռում գտնվող 18 ուղևորները և անձնակազմի երեք անդամները տարբեր աստիճանի վնասվածքներ են ստացել, նրանց մեծամասնությանը օգնություն է ցուցաբերվել տեղում։ Զոհեր չկան։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: