486.21
-0.98
517.62
-1.72
8.15
+0.04
-7
Եղանակը Երևանում
Հայ
«Ժառանգություն» կուսակցության աջակցությունը չի ապահովի Տեր-Պետրոսյանի հաղթանակը նախագահական ընտրություններում
17:24
13 Փետրվարի 2008

ԵՐԵՎԱՆ, 13 փետրվարի./Նովոստի-Արմենիա/. «Ժառանգություն» կուսակցության աջակցությունը չի ապահովի Տեր-Պետրոսյանի հաղթանակն առաջիկա նախագահական ընտրություններում։ Չորեքշաբթի մամուլի ասուլիսում այսպիսի կարծիք արտահայտեց Լրատվամիջոցների կովկասյան ինստիտուտի տնօրեն, քաղաքագետ Ալեքսանդր Իսկանդարյանը։

«Փորձը ցույց է տալիս, որ Երևանում Րաֆֆի Հովհաննիսյանն («Ժառանգություն» կուսակցության հիմնադիր և նախագահ) ունի բավական լուրջ ընտրազանգված, և լուրջ հիմքեր կան ենթադրելու, որ կուսակցության հայտարարությունից հետո այդ ընտրազանգվածի մեծ մասը կքվեարկի Տեր-Պետրոսյանի օգտին։ Բայց չեմ կարծում, թե դա կփոխի իրավիճակը»,- ասաց Իսկանդարյանը։

«Ժառանգություն» ընդդիմադիր կուսակցությունը երեկ պաշտոնապես հայտարարել է, որ 2008թ. փետրվարի 19-ի  նախագահական ընտրություններում սատարելու է Լևոն Տեր-Պետրոսյանին։

Քաղաքագետի խոսքով, այն տոկոսները, որոնք Տեր-Պետրոսյանին կարող է ապահովել Հովհաննիսյանի ընտրազանգվածը, բավական չէ առաջին նախագահի հաղթանակի համար։

Միաժամանակ, Իսկանդարյանը նշեց, որ Տեր-Պետրոսյանի խնդիրն է ոչ թե ընդդիմադիր ընտրազանգվածի միավորումը, այլ բնակչության ապաքաղաքականացված հատվածին իր կողմը գրավելը։

«Հայաստանի ընտրազանգվածին կարելի է երեք խմբի բաժանել։ Առաջին խումբը քվեարկելու է կայունության օգտին, այսինքն՝ իշխանամետ թեկնածուի, բողոքական մտածելակերպ ունեցող երկրորդ խումբը քվեարկելու է իշխանությունների դեմ, իսկ բնակչության հիմնական, ոչ քաղաքականացված մասը պատրաստ է քվեարկել այն թեկնածուի օգտին, որի համար իրենց կխնդրեն»,- ասաց Իսկանդարյանը։

Նրա խոսքով, Տեր-Պետրոսյանին անհրաժեշտ է երրորդ խմբին բողոքական սարքել, իսկ իշխանամետ թեկնածու Սերժ Սարգսյանի համար կարևոր է պահպանել գոյություն ունեցող հաշվեկշիռը։

Խոսելով նախագահի թեկնածու, ՕԵԿ առաջնորդ Արթուր Բաղդասարյանի և Լևոն Տեր-Պետրոսյանի միավորման հավանականության մասին՝ Իսկանդարյանն ասաց, որ «Բաղդասարյանի հնարավոր անցումը Տեր-Պետրոսյանի կողմը միանշանակ չի լինի նույնը, ինչ Հովհաննիսյանի աջակցությունն է»։

«Բաղդասարյանի ընտրազանգվածում լուրջ մաս են կազմում այն մարդիկ, ովքեր քվեարկում են նրա օգտին, քանի որ չեն ցանկանում իրենց ձայները տալ ոչ ներկայիս, ոչ էլ նախկին իշխանություններին»,- ասաց Իսկանդարյանը։

«Ժառանգություն» և «Օրինաց երկիր» կուսակցությունների միակ  ընդդիմադիր քաղաքական ուժերն են, որոնք ներկայացված են խորհրդարանում։

Հայաստանի կենտրոնական ընտրական հանձնաժողովը  գրանցել է նախագահի ինը թեկնածուների։

Նախագահական պայքարում մրցում են «Օրինաց երկիր» կուսակցության նախագահ Արթուր Բաղդասարյանը, «Ազգային միաբանություն» կուսակցության նախագահ Արտաշես Գեղամյանը, Ժողովրդական կուսակցության նախագահ Տիգրան Կարապետյանը, «Ազգային համաձայնություն» կուսակցության նախագահ Արամ Հարությունյանը, ՀՀ ԱԺ փոխխոսնակ, ՀՅԴ բյուրոյի անդամ Վահան Հովհաննիսյանը, Ազգային ժողովրդավարական միություն կուսակցության նախագահ Վազգեն Մանուկյանը, ԼՂՀ նախագահի նախկին խորհրդական Արման Մելիքյանը, ՀՀ վարչապետ, Հայաստանի հանրապետական կուսակցության նախագահ Սերժ Սարգսյանը և ՀՀ առաջին նախագահ Լևոն Տեր-Պետրոսյանը։ 

ՀՀ նախագահի ընտրությունները նշանակված են 2008թ. փետրվարի 19-ին։ Նախընտրական քարոզարշավը անցկացվելու է հունվարի 21-ից մինչը փետրվարի 17-ը։--0—

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: