485.92
+0.24
514.49
-2.52
8.16
-0.01
-7
Եղանակը Երևանում
Հայ
ՀՀ ԱԳ նախարարը նախկին նախագահ Տեր-Պետրոսյանին մեղադրել է անբարոյականության մեջ
13:56
13 Փետրվարի 2008

ՀՀ ԱԳ նախարար Վարդան Օսկանյանը Հայաստանի նախագահի թեկնածու և երկրի նախկին նախագահ Լևոն Տեր-Պետրոսյանին մեղադրել է անբարոյականության և էժանագույն նախընտրական տեխնոլոգիաներ օգտագործելու մեջ։

«Ես օրեցօր համոզվում եմ, որ Լևոն Տեր-Պետրոսյանը կանգ չի առնի ոչնչի դեմ՝ իր քաղաքական ծրագրի իրականացման համար՝ դառնալ ՀՀ նախագահ։ Ես շատ եմ ցանկանում սխալվել, սակայն մենք դրանում կհամոզվենք», - ասել է ՀՀ ԱԳ նախարարը՝ տեղական «Շանթ» հեռուստաընկերությանը տված հարցազրույցի ժամանակ՝ մեկնաբանելով Տեր-Պետրոսյանի այն հայտարարությունը, որ Հայաստանի իշխանությունները քննարկել են Լեռնային Ղարաբաղի փոխարեն Ադրբեջանին սահմանամերձ Մեղրի քաղաքի հնարավոր հանձնման հարցը։

Մեղրիի միջանցքը կապում է Ադրբեջանը իր անկլավի՝ Նախիջևանի հետ։

«Այն, ինչ անում է Տեր-Պետրոսյանը այս կապակցությամբ, դա իրոք ամենաէժանագույն հնարք է։ Դա ճիշտ չէ, սա շահարկում է և դա անբարոյական է։ Ցավով պիտի ասեմ, քանի որ իմ բառապաշարում սովորաբար չեն լինում նման գնահատականներ», - նշել է ԱԳ նախարարը։

Նրա խոսքերով, Ղարաբաղի փոխարեն Մեղրիի հանձնման գաղափարը շրջանառության մեջ է դրվել ամերիկացի քաղաքագետ Պոլ Գոբլոմի կողմից՝ 90-ականների սկզբին, սակայն երբեք բանակցությունների առարկա չի հանդիսացել։

Օսկանյանը նշել է, որ գործող նախագահ Ռոբերտ Քոչարյանի կառավարման սկզբից ԵԱՀԿ Մինսկի խմբի համանախագահները հակամարտող կողմերին են ներկայացրել երեք պաշտոնական կամ կիսապաշտոնական փաստաթուղթ. 1998 թ.-ի փաստաթուղթը, որում խոսվում էր ընդհանուր պետության գաղափարի մասին, 2001 թ.-ին, այսպես-կոչված, քի-ուեսթյան առաջարկությունները և այսօր բանակցությունների սեղանին դրված փաստաթուղթը։ Նրա խոսքերով, այս փաստաթղթերից որևէ մեկի մեջ ընդհանրապես խոսք չի եղել Մեղրիի մասին։

«Այն բանի շուրջ, ինչի մասին խոսում է Տեր-Պետրոսյանը, խոսակցություններ եղել են, սակայն դրանց այնպիսի հակահարված է տրվել, որ 2000 թ.-ից հետո ոչ ոք չի համարձակվել շոշափել այդ հարցը։ Սակայն դա չի եղել միջնորդների առաջարկությունը։ Ես ինքս՝ որպես բանակցող, չեմ քննարկել այդ փաստաթուղթը», - ընդգծել է Օսկանյանը։

Նախարարի խոսքերով, իր մոտ նմանատիպ բազմաթիվ փաստաթղթեր են պահպանվում, որոնք առաջարկում են, մասնավորապես, Հայաստանի համաձայնության դեպքում՝ Ղարաբաղը թողնել Ադրբեջանի կազմում՝ բարձր աստիճանի ինքնավարությամբ, Թուրքիայի միջոցով նրա համար անխոչընդոտ ելք  ապահովել դեպի Սև ծով կամ Հայաստանին վերադարձնել Թուրքիայի տարածքում գտնվող հայկական պատմական Անի քաղաքը և Արարատ լեռը։ «Տարբեր երկրների կողմից ներկայացված նմանատիպ առաջարկություններ կան թղթի վրա, սակայն ոչ ոք դրանք լուրջ չի ընդունում», - ասել է ՀՀ ԱԳ նախարարը։

Նա ընդգծել է, որ այսօր Մեղրիում խոշոր ծրագրեր են իրականացվում։ «Մեղրին դարձել է հայ-իրական համագործակցության խորհրդանիշը։ Այս տարածքով անցնում է գազամուղը, կառուցվել է միջպետական ճանապարհ, համոզված եմ, որ շուտով կհայտնվի նաև նավթազտարանը», - ասել է Օսկանյանը։

ՀՀ ԱԳ նախարարի խոսքերով, Մեղրիի թեմայի շահարկումը հատկապես  անբարոյական է, երբ հարցը կապվում է նաև խորհրդարանում 1999 թ. հոկտեմբերի 27-ին տեղի ունեցած ահաբեկչության հետ, որի ընթացքում սպանվեցին այն ժամանակվա վարչապես Վազգեն Սարգսյանը և խորհրդարանի խոսնակ Կարեն Դեմիրճյանը։

Օսկանյանն ընդգծել է, որ ՀՀ նախագահ Ռոբերտ Քոչարյանը փայլուն հարաբերություններ ուներ Վազգեն Սարգսյանի հետ, իսկ Լևոն Տեր-Պետրոսյանի հետ ահաբեկչության ժամանակ զոհված վարչապետը չէր շփվում 1998 թ.-ին նախագահի հրաժարականից հետո։

«Անբարոյականության ամենացավալի կողմը այն է, որ Տեր-Պետրոսյանը խոսում է զոհվածների անունից», - ասել է ՀՀ ԱԳ նախարարը։

Օսկանյանը հիշեցրել է նաև, որ Տեր-Պետրոսյանի իշխանության տարիների ընթացքում 1997 թ.-ին ԵԱՀԿ Մինսկի խմբի համանախագահները ներկայացրել են ղարաղաբյան հակամարտության կարգավորման փաթեթային և փուլային երկու առաջարկություն։ Դատելով ՀՀ ԱԳ նախարարի խոսքերից՝ ոչ առաջինը, ոչ երկրորդը չեն համապատասխանել հայկական կողմի շահերին։

Կարգավորման փաթեթային տարբերակում Ղարաբաղը ճանաչվում էր որպես Ադրբեջանի ինքնավարություն, որն ունի արտաքին ատրիբուտներ՝ հիմն, դրոշ, սակայն ղարաբաղցիները պետք է ունենային ադրբեջանական անձնագիր և մասնակցեին Ադրբեջանի ընտրություններին։

ՀՀ ԱԳ նախարարի խոսքերով, Տեր-Պետրոսյանը չի ստորագրել փաթեթային տարբերակը, սակայն համաձայնել է երկրորդի՝ փուլային տարբերակի հետ, որը նախատեսում էր «անվտանգության գոտու» վերադարձը Ադրբեջանին, որը վերահսկվում է ղարաբաղյան ուժերի կողմից՝ առանց Լեռնային Ղարաբաղի կարգավիճակի որոշման։

«Նա ներկայացրել է այս փաստաթուղթը համաժողովրդական քննարկման, դա նշանակում է, որ նա համաձայնել է դրա հետ, համարել է, որ բանակցությունները ավարտված են և դա ճիշտ է համարել։ Տեր-Պետրոսյանի հրաժարականը նրա և ժողովրդի դիրքորոշումների հակասությունների տրամաբանական հետևանքն էր», - ասել է Օսկանյանը։

Միաժամանակ նա ավելացրել է, որ միջնորդների առաջարկությունները «օդից չեն ծնվում»։ «Դրանք առաջանում են բանակցությունների արդյունքում։ Երբ համանախագահները փաստաթուղթը բանակցությունների սեղանին են դնում, արդեն կարելի է ենթադրել, որ տեղի է ունեցել քննարկում՝ ընդհանուր սկզբունքների շուրջ։ Ճիշտ է, այնտեղ ամեն ինչ համաձայնեցված չէ, լինում են տարաձայնություններ, բանակցությունները շարունակվում են։ Սակայն համանախագահների ներկայացրած փաստաթղթերը համատեղ աշխատանքի արդյունք են», - ասել է Օսկանյանը։-0-

Loading...
Թեմատիկ նյութեր
Բաժնի այլ նյութեր
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։