480.44
-0.05
545.78
+5.04
8.07
-0.08
+22
Եղանակը Երևանում
Հայ
ՀՀ պաշտպանության նախարարը ստուգայց է կատարել երկրի հյուսիս-արևելյան սահմանային հատված
19:01
11 Փետրվարի 2008

ՀՀ պաշտպանության նախարար Միքայել Հարությունյանը ստուգայց է կատարել երկրի հյուսիս-արևելյան սահմանային հատված։

«Զինծառայողների բնակարանային պայմանները միշտ եղել են կառավարության և ՊՆ ուշադրության կենտրոնում։ Օրերս ՀՀ պաշտպանության նախարարը շրջայց կատարեց երկրի հյուսիս-արևելյան սահմանագոտի և մասնակցեց Նոյեմբերյանում և Իջևանում սպաների համար նախատեսված բնակելի շենքերի բացման արարողությանը»,-«Նովոստի-Արմենիա» գործակալությանը հայտնեցին ՊՆ մամուլի ծառայությունից։

Հաղորդագրության մեջ նշվում է, որ Տավուշի մարզ կատարած այցի շրջանակներում նախարարն առաջինը կանգ է առել սահմանամերձ շրջանի զորամասերից մեկում՝ ծանոթանալով կատարված աշխատանքին և համապատասխան ծառայությունների պատասխանատու անձանց հետ քննարկելով մատակարարման խնդիրները։
 
Նորակոչիկների հետ հանդիպման ընթացքում նախարարը զրուցել է նրանց առողջական վիճակի, ծառայությանը հարմարվելու խնդիրների մասին, այնուհետև մասնակցել զորամասի տարածքում վերջերս հիմնովին վերանորոգված և զինծառայողների համար նախատեսված բնակելի շենքի հանդիսավոր բացման արարողությանը: Բնակարանամուտ տոնող 40 զինծառայողների Միքայել Հարությունյանը հանձնել է բնակարանների վկայագրեր։

Մամուլի հաղորդագրության համաձայն, պաշտպանության նախարարը եղել է նաև սահմանագծում տեղակայված մարտական հենակետերից մեկում: Այստեղ պայմանագրային հիմունքներով ծառայություն են իրականացնում մեր սահմանապահները:

«Նախարարը զրուցել է անձնակազմի հետ, խոսել բարոյահոգեբանական մթնոլորտի մասին և խաղաղ ծառայություն մաղթել նրանց»,-նշեցին մամուլի ծառայությունից։

Այնուհետև նախարարն այցելել է Իջևան քաղաք, որտեղ ևս տեղի է ունեցել հերթական բնակելի շենքի բացման արարողությունը. 28 զինծառայողների ընտանիքների հանձնվել են բնակարանների վկայագրեր:
 
Արարողության ժամանակ նախարարը նկատել է, որ բնակարանները հագեցած են բնակկենցաղային անհրաժեշտ պարագաներով, գազիֆիկացված են, ունեն նաև անհատական ջեռուցման համակարգ:

Հանդիպման վերջում Հարությունյանը հավաստիացրել է, որ արվում է ամեն ինչ` զինծառայության պայմանները բարելավելու և սպայակազմի կյանքն առավել բարեկեցիկ դարձնելու համար:-0-

Loading...
Թեմատիկ նյութեր
Բաժնի այլ նյութեր
15:50
28 Հունիսի 2017
Արդարադատության նախարարը մեկնաբանել է Հայաստանում 2018 թ.-ին թավշյա հեղափոխության հավանականությունը
Դավիթ Հարությունյանը չորեքշաբթի մեկնաբանել է երկրում թավշյա հեղափոխություն իրականացնելու հավանականութունը 2018 թ.-ի ապրիլին:
18:38
27 Հունիսի 2017
ԵԽԽՎ ադրբեջանամետ նախագահը կարող է պաշտոնանկ արվել
Եվրախորհրդի Խորհրդարանական վեհաժողովի (ԵԽԽՎ) ադրբեջանամետ նախագահ Պեդրո Ագրամունտը կարող է  պաշտոնանկ արվել:
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից: