481.93
+0.2
569.16
+0.19
8.37
-0.02
+9
Եղանակը Երևանում
Հայ
ԼՂՀ խորհրդարանի խոսնակը հանդիպել է հանրապետության երիտասարդական կառույցների ներկայացուցիչների հետ
19:02
08 Փետրվարի 2008

ՍՏԵՓԱՆԱԿԵՐՏ, 8 փետրվարի./Նովոստի-Արմենիա/. Ուրբաթ Արցախահայության ազգային-ազատագրական շարժման 20-ամյակին նվիրված միջոցառումների կազմակերպման պետական հանձնաժողովի համանախագահ, ԼՂՀ խորհրդարանի խոսնակ Աշոտ Ղուլյանը հանդիպել է հանրապետության երիտասարդական կառույցների ներկայացուցիչների հետ։

Ինչպես հաղորդում է «Նովոստի-Արմենիայի» թղթակիցը Ստեփանակերտից, ահնդիպման ընթացքում ԼՂՀ խորհրդարանի նախագահը հայտարարել է, որ 1988 թվականին երիտասարդությունը եղել է բոլոր գործընթացների կենտրոնում, և այսօր ԼՂՀ շարժման 20-ամյակին նվիրված միջոցառումների հաջողությունը մեծ մասամբ պայմանավորված է դրանց պատրաստման և անցկացման գործընթացներում երիտասարդության ակտիվ մասնակցությամբ։

«Առաջիկա միջոցառումների պատշաճ մակարդակով անցկացումը պատասխան կտա արտաքին աշխարհին հետաքրքրող բազմաթիվ հարցերին և ցույց կտա այն փաստը, որ ԼՂՀ ժողովուրդը հավատարիմ է մնում 1988 թվականի արժեքներին»,- նշեց Ղուլյանը։

ԼՂՀ ԱԺ նախագահը հայտարարեց, որ միջոցառումները պետք է իսկապես ժողովրդական լինեն, իմաստավորված և հիմնավորված։

Ներկայումս արդեն պատրաստ են հիմնական միջոցառումների սցենարները, հանրապետության բոլոր շրջաններում ստեղծվել են առաջիկա տոնակատարությունների կազմակերպման և անցկացման համապաատսխան հանձնաժողովներ։

Մասնավորապես, ծրագրով նախատեսվում է հանրապետության կրթական հաստատություններում բաց դասեր անցկացնել ազգային-ազատագրական պայքարի թեմայով՝ Շարժման ակտիվիստների մասնակցությամբ։ Կազմակերպվելու են նաև տարբեր մշակութային և սպորտային միջոցառումներ, հանրահավաքներ, միջազգային համաժողով, հանդիսավոր նիստեր, հրատարակվելու են գրքեր և ալբոմներ։

Միջոցառումների հիմնական մասը տեղի կունենա փետրվարին, սակայն տարբեր բնույթի ակցիաներ կկազմակերպվեն նաև հաջորդ ամիսներին։

Փետրվարի 13-ին Արցախի պետական համալսարանում տեղի կունենա գիտագործնական համաժողով։ Փետրվարի 14-17-ը շրջկենտրոններում անցկացվելու են հանրահավաքներ։

Փետրվարի 19-ին նախատեսվում է այց՝ Ղարաբաղյան շարժման ակտիվիստների գերեզմաններին։ Նույն օրը տեղի կունենա հանդիասվոր ժողով։

Փետրվարի 20-ին ԼՂՀ մայրաքաղաքում հանրահավաք է տեղի ունենալու։ Վերածնդդի հրապարակում ԼՂՀ նախագահ Բակո Սահակյանը շնորհավորանքի խոսքերով դիմելու է ժողովրդին։ Այնուհետև Ստեփանակերտի Հուշահամալիրում կդրվեն ծաղկեպսակներ։ Նույն օրը նախատեսվում է նաև 1988թ. փետրվարի 20-ի նիստի մասնակցիների և հյուրերի ընդունելություն։

2008թ. մայիսի առաջին կեսին նախատեսվում է միջազգային համաժողով անցկացնել՝ նվիրված Ղարաբաղյան շարժման 20-ամյակին։ Հուլիս-օգոստոսին Արցախում առաջին անգամ նախատեսվում է կազմակերպել Համահայկական երիտասարդական հավաք։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: