483.58
+0.74
513.85
-7.76
7.67
+0.05
-2
Եղանակը Երևանում
Հայ
Արտաշատում Լևոն Տեր-Պետրոսյանի հանրահավաքի ժամանակ տեղի ունեցած միջադեպը քննում է հատուկ քննչական խումբ
12:37
08 Փետրվարի 2008

ԵՐԵՎԱՆ, 8 փետրվարի. /Նովոստի-Արմենիա/. Հայաստանի նախկին նախագահ, նախագահի թեկնածու Լևոն Տեր-Պետրոսյանի հանրավահավաքի ժամանակ Արտաշատում փետրվարի 6-ին տեղի ունեցած միջադեպը քննում է հատուկ քննչական խումբ։

Ինչպես «Նովոստի-Արմենիա» գործակալությանը տեղեկացրեց ՀՀ գլխավոր դատախազի մամուլի քարտուղարը, խումբը ստեղծվել է Արարատ մարզի քննչական բաժնում։

«Ձեռնարկվում են  անհրաժեշտ միջոցառումները դեպքի բոլոր հանգամանքները պարզելու համար։ Զննվել են հանրահավաքի տեսագրությունները, հանձնարարություն է տրվել օպերատիվ-հետախուզական մարմիններին՝ ձեռնարկել որոնողական աշխատանքներ խուլիգանական արարքներ կատարած անձանց ինքնությունը բացահայտելու, վկաներին հայտնաբերելու ուղղությամբ», - նշեց նա։

Անհրաժեշտ բացատրություններ են տվել երկու քաղաքացիներ, որոնք տուժել են Տեր-Պետրոսյանի կողմնակիցների պատճառով, ինչպես նաև նախկին նախագահի թիկնապահ Սարգիս Հովհաննիսյանը, որը ստացել էր մարմնական թեթև վնասվածքներ։

Միաժամանակ Հովհաննիսյանը դժվարացել է նկարագրել իր նկատմամբ բռնություն գործադրած անձանց՝ ասելով, որ կարող է ճանաչել  միայն նրանցից երկուսին:

«Լևոն Տեր-Պետրոսյանի նախընտրական շտաբի տարածած այն հայտարարությունը,  թե Ս.Հովհաննիսյանը տեղափոխվել է հիվանդանոց իրականությանը չի համապատասխանում: Նա շարունակում է  կատարել իր ծառայողական պարտականությունները, ինչի մասին քննչական խմբին հայտնել է անձամբ», - ասաց նա։

Նրա խոսքերով, տեսաերիզների զննությամբ և նախաքննությամբ չեն հիմնավորվել նաև հանրահավաքի ժամանակ հարթակի վրա, հռետորների ուղղությամբ սառցե բեկորներ կամ այլ իրեր նետելու մասին հրապարակումները:

Ինչպես ավելի վաղ գործակալությանը տեղեկացրել էին ՀՀ ոստիկանությունից, ընտրողների հետ Տեր-Պետրոսյանի հերթական հանդիպման ժամանակ Արտաշատում նա և իր կողմնակիցները անձնական վիրավորանքներ են թույլ տվել մի շարք պաշտոնյա անձանց հասցեին։

Հանրահավաքին մասնակցող երեք քաղաքացիներ պահանջել են դադարեցնել անարգի և վիրավորական արտահայտությունները, որից հետո Լ.Տեր-Պետրոսյանի մոտ կանգնած մարդկանցից մի քանի տղաներ հարձակվել են նրանց վրա, քաշքշել, հարվածել։ Տուժածների կողմնակիցները պատասխան գործողությունների են դիմել։ Միջադեպի մասնակիցների ինքնությունը բացահայտված է, նրանք տեղափոխվել են Ոստիկանություն և ուղարկվել դատաբժշկական քննության։

Փաստի առիթով հարուցվել է քրեական գործ 258 –րդ հոդվածի երկրորդ մասով (առանձնահատուկ ցինիզմով իրականացված հասարակական կարգ ու կանոնի կոպիտ խախտում)։-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: