487.29
-0.01
568.08
+2.76
8.23
+0.01
+11
Եղանակը Երևանում
Հայ
ՌԴ-ն և Հայաստանը պայմանավորվել են նորացնել առևտրի ոլորտի պայմանագրային-իրավական բազան
16:13
06 Փետրվարի 2008

ԵՐԵՎԱՆ, 6 փետրվարի./Նովոստի-Արմենիա/. Ռուսաստանը և Հայաստանը փաստաթղթեր են ստորագրել՝ երկու երկրների միջև առևտրի և տեղեկատվության ոլորտներում պայմանագրային-իրավական բազան նորացնելու մասին։

ՌԴ վարչապետ Վիկտոր Զուբկովի Երևան այցի շրջանակներում, ՀՀ վարչապետ Սերժ Սարգսյանի հետ բանակցությունների արդյունքում, արձանագրություն է ստորագրվել՝ ՌԴ և Հայաստանի կառավարությունների միջև համաձայնագրում (1992թ. սեպտեմբերի 30-ին ստորագրված) փոփոխություններ կատարելու մասին, ինչպես նաև ՌԴ տեղեկատվական տեխնոլոգիաների և կապի նախարարության և ՀՀ տարնսպորտի և կապի նախարարության միջև համաձայնագիր է ստորագրվել՝ տեղեկատվական տեխնոլոգիաների, փոստային կապի և էլեկտրոնային կապի ոլորտներում համագործակցության մասին։

«Կոնկրետ գործնական արդյունքներից կցանկանայի նշել տեղեկատվական տեխնոլոգիաների և կապի ոլորտում երկկողմ առևտրի զարգացման ռեժիմի կատարելագործման և համագործակցության մասին համաձայնագրերի ստորագրումը»,- ամփոփիչ ասուլիսի ժամանակ ասաց Զուբկովը։

Նա նշեց, որ ՀՀ վարչապետի հետ բանակցությունները «բավական հաջող» են անցել։ Ռուսաստանը պահպանում է Հայաստանի արտաքին տնտեսական առաջատար գործընկերոջ կարգավիճակը»,- ասաց նա։

Զուբկովը հիշեցրեց, որ վերջին երկու տարիներին Ռուսաստանի և Հայաստանի միջև ապրանքաշրջանառությունը տարեկան աճել է 60 տոկոսով և 2007 թվականին կազմել է ավելի քան 700 միլիոն դոլար։

 «Մենք կարծում ենք, որ սա դեռ սահմանագիծ չէ։ Կարծում ենք, որ ոչ հեռավոր ապագայում մենք կգերազանցենք միլիարդ դոլարի սահմանագիծը»,- ասաց ՌԴ վարչապետը։ Նա նաև հիշեցրեց, որ Հայաստանի տնտեսության մեջ կուտակված ռուսական ներդրումներն արդեն կազմել են 1 միլիարդ դոլար։

«Սա այս ոլորտում փոխգործակցությունը զարգացնելու մեր մտադրություններն ապացուցող լուրջ փաստարկ է, առավել ևս, որ համատեղ ներդրումային ծրագրերը բավական հաջող են ընթանում և նորանոր ոլորտներ են ներգրավում»,- ասաց Զուբկովը։ Խոսքը  ատոմային էներգետիկայի, ալմաստի-ադամանդի արտադրության և հեռահաղորդակցության մասին է, պարզաբանեց նա։

ՌԴ վարչապետը հատկապես կարևորեց երկու երկրների երկաթուղային տրանսպորտի ոլորտում ունեցած փոխգործակցությունը։

«Վստահ եմ, որ Կովկաս-Փոթի լաստանավային կանոնավոր փոխադրումների կազմակերպումը, բառիս բուն իմաստով, հարստացնելու է մեր առևտրատնտեսական հարաբերությունները»,- ասաց նա։

Զուբկովի խոսքերով, արդեն հաջողությամբ իրականացվել է Հայաստանից Ռուսաստան ցեմենտի մատակարարման առաջին խմբաքանակի նախագիծը։ «Ես կարծում եմ, որ լավ հեռանկարներ կան Ռուսաստանին ցեմենտ, խիճ և այլ շինանյութ մատակարարելու համար։ Դրանում շահագրգիռ են ռուս շինարարները, հատկապես՝ Սոչիում կայանալիք Օլիմպիադայի նախաշեմին»,- ասաց նա։

ՌԴ վարչապետը նաև հայտարարեց, որ ռուս-հայկական հարաբերությունների «տնտեսական հիմքի» ամրապնդումը ազդում է Ռուսաստանի և Հայաստանի միջև հարաբերությունների զարգացման վրա՝ բոլոր ուղղություններով։ «Նախևառաջ, դա զգալի սոցիալական արդյունք է տալիս երկու երկրների քաղաքացիների համար»,- ասաց նա։ Զուբկովը ևս մեկ անգամ հաստատեց, որ Ռուսաստանը և Հայաստանը տրամադրված են համատեղ լուրջ աշխատանքի։

«Դրանցում գլխավոր կողմնորոշիչը Ռուսաստանի և Հայաստանի միջև հետագա կապերի զարգացման, դաշնակցային գործընկերության ռազմավարական հարաբերությունների բարձր մակարդակի պայմանավորվածություններն են։ Մենք անվերապահորեն հետևելու ենք դրանց»,- ընդգծեց նա։

Վարաչպետների միջև բանակցությունների արդյունքներով  ՀՀ տրանսպորտի և կապի նախարարության և «Ռուսական երկաթուղիներ» ԲԲԸ-ի  միջև արձանագրություն է ստորագրվել՝ «Հարավ-Կովկասյան երկաթգիծ» ՓԲԸ-ին Հայաստանի երկաթգծի համակարգը փոխանցելու վերաբերյալ կոնցեսիոն պայմանագրի նախագծի համաձայնեցման մասին։ Հայկական երկաթուղու կառավարումն իրականացնելու պարտականությունները դրվել են «Հարավ-Կովկասյան երկաթգիծ» ՓԲԸ-ի վրա (ՌԵ-ի հարյուտոկոսանոց դուստր ձեռնարկություն)։

Բացի այդ, Հայաստանի և «Ռոսատոմի» միջև  հուշագիր է ստորագրվել՝ «Ուրանի հանքերի  երկրաբանական  հետախուզման, արդյունահանման և վերամշակման ոլորտում  համագործակցության  զարգացման մասին», ինչպես նաև հայտագրեր են փոխանակվել՝  «ՌԴ կառավարության և Ղազախստանի Հանրապետության կառավարության միջև ուրանի հարստացման միջազգային կենտրոնի ստեղծման մասին» համաձայնագրին Հայաստանի Հանրապետության անդամակցելու վերաբերյալ։ ՌԴ և ՀՀ վարչապետները է նաև համատեղ  հայտարարություն են ընդունել՝ Հայկական ԱԷԿ-ի օգտագործման  հուսալիության և անվտանգության բարձրացման բնագավառում համագործակցության, ինչպես նաև Հայաստանի ատոմային  էներգետիայի զարգացման մասին: --0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։