+21
Եղանակը Երևանում
Հայ
ՀՀ վարչապետը բարձր է գնահատել համագործակցությունը KFW բանկի հետ
15:46
05 Փետրվարի 2008

ԵՐԵՎԱՆ, 5 փետրվարի./Նովոստի-Արմենիա/. ՀՀ վարչապետ Սերժ Սարգսյանը երեքշաբթի ընդունել է գերմանական KFW բանկի առաջին փոխնախագահ Ռոլանդ Զիլլերին։

«Վարչապետը գոհունակություն է հայտնել հայ-գերմանական հարաբերությունների բնականոն զարգացման վերաբերյալ, որի կարևոր բաղադրիչներից է համագործակցությունը ֆինանսական բնագավառում»,- «Նովոստի-Արմենիային» հաղորդեցին ՀՀ կառավարության տեղեկատվության և հասարակայնության հետ կապերի վարչությունից։

Սարգսյանի խոսքով, KfW բանկի հետ փոխգործակցության անցած ավելի քան 10 տարիները «ցույց են տվել, որ հնարավոր է շատ լավ արդյունքների հասնել»: Սերժ Սարգսյանն ընդգծել է, որ կարևոր է ոչ միայն Հայաստանում բանկի կողմից ներդրված գումարների չափը, այլև այն բնագավառների ընտրությունը, որոնցում դրանք ներդրվում են:

«Ընտրությունը ճիշտ է կատարվել։ Ֆինանսական բնագավառը, հատկապես հիպոթեքային շուկայի,  էներգետիկ ու ջրային տնտեսության ոլորտների, աղետի գոտու սոցիալական հիմնախնդիրների լուծման հարցերը գտնվում են նաև մեր պետության ուշադրության կենտրոնում և այդ ոլորտներում բանկի կողմից նախատեսվող ծրագրերը համահունչ են Հայաստանում իրականացվող ծրագրերին»,- ասաց ՀՀ վարչապետը:

Ողջունելով մեր երկրում ՊրոԿրեդիտ բանկի  ստեղծման նախաձեռնությունը, Սերժ Սարգսյանը կարևոր է համարել, որ բանկի գործունեությունը հիմնականում նպատակուղղված է լինելու Հայաստանում փոքր և միջին գործարարության զարգացմանը:

Շնորհակալություն հայտնելով ՀՀ վարչապետին` ՀՀ կենտրոնական բանկին և ՀՀ ֆինանսների և էկոնոմիկայի նախարարությանը ՊրոԿրեդիտ բանկի ստեղծման գործում համագործակցության և աջակցության համար, Ռոլանդ Զիլլերը  նշել է, որ այդ բանկի` աշխարհի տարբեր երկրներում գոյություն ունեցող երկու տասնյակից ավելի մասնաճյուղերի արդյունավետ գործունեությունը թույլ է տալիս հուսալ, որ այն հաջողությամբ կգործի նաև Հայաստանում:

Նշելով, որ խորապես տպավորված է վերջին տարիներին Հայաստանի տնտեսական զարգացմամբ, KfW բանկի առաջին փոխնախագահն ընդգծել է, որ տնտեսական առաջընթացի այդ միտումները հնարավորություն են տվել անցած տարի երեք անգամ ավելացնելու Հայաստանում կատարած իրենց ներդրումների չափը:

Նա նաև կարևորել է աղետի գոտում տարբեր ծրագրերի իրականացումը, նշելով, որ բանկի ղեկավարությունը որոշել է ուշադրությունը կենտրոնացնել հենց այդ ուղղությամբ:

Կարևորելով ծրագրերի շարունակականության ապահովումը՝ վարչապետ Սերժ Սարգսյանը հաջողություն է մաղթել  KfW բանկին` մեր երկրում նրա հետագա գործունեության մեջ, մեկ անգամ ևս հավաստելով փոխշահավետ համագործակցությանը հնարավորինս աջակցելու ՀՀ կառավարության պատրաստակամությունը:

Հայաստանի կենտրոնական բանկը 2007թ. դեկտեմբերի 6-ին «ՊրոԿրեդիտԲանկ» ՓԲԸ-ին հանձնել է բանկային գործունեություն ծավալելու արտոնագիր։ «ՊրոԿրոդիտԲանկ» ՓԲԸ-ի հիմնադիրներն են ProCredit Holding AG (63%) բաժնետիրական ընկերությունը, «Զարգացման KfW բանկը» (17%) և Վերակառուցման և զարգացման եվրոպական բանկը (20%)։--0—

Loading...
Թեմատիկ նյութեր
Բաժնի այլ նյութեր
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը:
19:57
11 Սեպտեմբերի 2017
Էդվարդ Նալբանդյանն իր վրացի գործընկերոջը ներկայացրեց ղարաբաղյան հիմնախնդրի կարգավորման ընթացքը
Հայաստանի արտաքին գործերի նախարար Էդվարդ Նալբանդյանը ընդունեց Վրաստանի փոխվարչապետ, արտգործնախարար Միխեիլ Ջանելիձեին: