484.04
+0.53
521.46
-0.05
8.41
+0.05
+12
Եղանակը Երևանում
Հայ
Զուբկովը աշխատանքային այցով կժամանի Հայաստան
12:36
05 Փետրվարի 2008

Ռուսաստանի վարչապետ Վիկտոր Զուբկովը ՀՀ վարչապետ Սերժ Սարգսյանի հրավերով փետրվարի 5-6-ը  պաշտոնական այցով կմեկնի Հայաստան, լրագրողներին տեղեկացրել է Ռուսաստանի կառավարության մամուլի ծառայության ներկայացուցիչը։

Նրա խոսքերով, այցի ծրագրով նախատեսվում է նաև հանդիպում ՀՀ նախագահ Ռոբերտ Քոչարյանի և Ամենայն Հայոց Կաթողիկոս Գարեգին Երկրորդի հետ, հաղորդում է «ՌԻԱ Նովոստին»։

Ռուսաստանի պատվիրակության աղբյուրն, իր հերթին, հիշեցրել է, որ փետրվարի 19-ին Հայաստանում տեղի կունենան նախագահական ընտրություններ, իսկ մարտի 2-ին նախագահական ընտրություններ կանցկացվեն Ռուսաստանում։

«Մենք ելնում ենք նրանից, որ երկու երկրներում նախագահական ընտրություններից հետո կպահպանվի իշխանության հաջորդականությունը, և մեր երկրների միջև երկխոսությունը կստանա հետագա զարգացում», - նշել է աղբյուրը։ Նրա խոսքերով, «գաղտնիք չէ, որ Հայաստանի նախագահական ընտրություններում թեկնածուներից հաղթելու առավել մեծ հավանականություն ունի հանրապետության գործող վարչապետ Սերժ Սարգսյանը»։

Լրագրողների զրուցակցի խոսքերով, Զուբկովի և հանրապետության ղեկավարության բանակցությունների ժամանակ առաջնային նշանակություն է տրվելու տնտեսական փոխգործակցությանը, մասնավորապես, ռուս-հայկական առևտրատնտեսական և ներդրումային համագործակցության հետագա զարգացմանը։ Ռուս-հայկական առևտուրը, շարունակել է նա, վերջին երկու տարվա ընթացքում աճել է տարեկան  ավելի քան 60 տոկոսով, միաժամանակ նկատվում է ինչպես ռուսական արտահանման, այնպես էլ ռուսական ներկրման աճ։ 2007 թ.-ին փոխադարձ առևտրաշրջանառությունը գերազանցել է 0,7 մլրդ դոլարը։

«Շատ լավ տեմպեր ունենք ներդրումային համագործակցության բնագավառում. 2007 թ.-ին Հայաստանի տնտեսության մեջ ռուսական ընկերությունները ներդրել են շուրջ 175 մլն դոլար, որոնցից ավելի քան 100 մլն դոլարն ուղղակի ներդրումներն են», - ասել է աղբյուրը՝ պարզաբանելով, որ Ռուսաստանի ներդրումների կուտակումը Հայաստանի տնտեսության մեջ հասել է 1,0 մլրդ դոլարի։

Լրագրողների զրուցակիցը տեղեկացրել է, որ բանակցությունների ընթացքում ծրագրվում է քննարկել ռուս-հայկական համագործակցության հարցերը վառելիքաէներգետիկ բնագավառում, որը մնում է երկու երկրների տնտեսական փոխգործակցության առաջնային ոլորտը։

Նա ուշադրություն է դարձրել նրան, որ Հայաստանում հաջողությամբ գործում են ռուսաստանյան «Գազպրոմը», ՌԱՕ «ԵԷՍ»-ը, «Ռուսական երկաթուղիները», «ԱԼՌՈՍԱ» բաժնետիրական ընկերությունը, «ՌՈՒՍԱԼ»-ը, Աուդիտային-ֆինանսական «Սիստեմա» ընկերությունը, «Վիմպելկոմը», ՎՏԲ բանկը։ «Ռուսաստանն ամբողջական ծավալով ապահովում է Հայաստանի բնական գազի պահանջնարկը, մինչև 2009 թ.-ը կնքվել են պայմանագրեր, խնդիրներ չկան», -  ընդգծել է աղբյուրը։

Նրա խոսքերով, այժմ մշակվում  է հանրապետության տարածքում Ռուսաստանի և Իրանի մասնակցությամբ նավթավերամշակման գործարանի կառուցման մասին Հայաստանի առաջարկը։ «Մշակումն ամենասկզբնական փուլում է գտնվում, շատ հարցեր կան, այդ թվում նաև նավթի մատակարարմանը վերաբերող», - պարզաբանել է նա։

Աղբյուրն ընդգծել է, որ ռուս-հայկական համագործակցության առավել առաջատար բնագավառներից է էլեկտրոէներգետիկան։ Նա հիշեցրել է, որ Հայաստանը ավելցուկային էներգիա ունեցող երկիր է և կարող է արտահանել սեփական էլեկտրոէներգիան։ «Հանրապետության էլեկտրոէներգետիկական հատվածը վերականգնված է ազգային օգտագործման համար», - նշել է նա։

Լրագրողների զրուցակիցն ավելացրել է, որ այժմ ակտիվորեն քննարկվում է ԱՊՀ և Բալթյան երկրների համակարգին հանրապետության էլեկտրոհամակարգի միավորման հարցը (այժմ Հայաստանը գտնվում է Իրանի և Թուրքմենստանի հետ «զուգահեռում»)՝ էլեկտրոէներգիայի առավել արդյունավետ շարժ ապահովելու համար։

Բացի այդ, նրա խոսքերով, «Գազպրոմը» հետաքրքված է Հրազդանի ՋԷԿ-ի հինգերորդ բլոկի կառուցուման ավարտով։ Նա հիշեցրել է, որ այդ կայանի գործող չորս բլոկերը պատկանում են Ռուսաստանին։

Ինչ վերաբերում է ատոմային էներգետիկ համագործակցությանը, ապա Ռուսաստանը ամբողջովին կատարում է իր պարտավորությունները՝ Հայաստանի ԱԷԿ-ի համար ատոմային վառելիքի մատակարարման մասին երկարաժամկետ պայմանագրի համաձայն (2007 թ. հոկտեմբերին Ռուսաստանից Հայաստան է մուտք գործել վառելիքի հերթական խմբաքանակը), ավելացրել է աղբյուրը։

Նա չի բացառել, որ Զուբկովի՝ Երևան այցի շրջանակներում կարող են ստորագրվել ատոմային էներգետիկայի բնագավառում համագործակցության մասին երկկողմ փաստաթղթեր. դա կախված կլինի համաձայնագրերի տեքստերի մշակվածության և համաձայնեցվածության աստիճանից։ Աղբյուրը չի պարզաբանել, թե կոնկրետ ինչ փաստաթղթերի մասին է խոսքը։

Զրուցակիցը նաև ուշադրություն է դարձրել այն հանգամանքին, որ ռուս-հայկական տնտեսական համագործակցության զարգացմանը զսպում է տրանսպորտային գործոնը։ Նրա կարծիքով, այդ հարցի լուծմանը կնպաստի Կովկաս նավահանգիստ-Փոթի նավահանգիստ (Վրաստան) երկաթուղային լաստանավային անցումի մշտական աշխատանքի հաստատումը։ Հունվարին «Ռուսական երկաթուղիներ» ռուսական երկաթուղային պետական մենաշնորհը հաղթել է «Հայկական երկաթուղիների» կոնցեսիոն ղեկավարման մրցույթում. «Հայկական երկաթուղիների»  բեռնաշրջանառության 80 տոկոսն անցնում է Վրաստանի տարածքով։

Սպասվում է, որ այցի շրջանակներում կստորագրվի 1992 թ. սեպտեմբերի 30-ին կնքված ազատ առևտրի մասին միջկառավարական համաձայնագրի մեջ փոփոխություններ մտցնելու մասին արձանագրությունը։ «Մենք փաստաթուղթը  համապատասխանեցնում ենք Առևտրի համաշխարհային կազմակերպության նորմերին և պահանջներին», - պարզաբանել է աղբյուրը։

Բացի այդ, ՌԴ տեղեկատվության և կապի նախարարը և ՀՀ տրանսպորտի և կապի նախարարը կստորագրեն տեղեկատվական տեխնոլոգիաների, փոստային և էլեկտրոնային կապի բնագավառում համագործակցության մասին համաձայնագիր։

Ինչպես հաղորդվում է Հայաստանի կառավարության մամուլի հաղորդագրության մեջ, Զուբկովի գլխավորած պատվիրակության կազմում են ՌԴ գերատեսչությունների և խոշոր ընկերությունների շուրջ հիսուն պաշտոնյաներ և ղեկավարներ։

Երեքշաբթի երեկոյան Ռուսաստանի վարչապետի հետ Հայաստան կժամանեն ՌԴ տրանսպորտի նախարար Իգոր Լևիտինը, «Ռուսաստանյան երկաթուղիներ» ԲԲԸ նախագահ Վլադիմիր Յակունինը, տեղեկատվական տեխնոլոգիաների և կապի նախարար Լեոնիդ Ռեյմանը, «Սիստեմա» ընկերության տնօրենների խորհրդի նախագահ Վլադիմիր Եվտուշենկովը, արդյունաբերության և էներգետիկայի նախարար Անդրեյ Դեմենտևը, տնտեսական զարգացման նախարարի տեղակալ Աննա Պոպովան, ԱԳ նախարարի տեղակալ Գրիգորի Կարասինը, ֆինանսների նախարարի տեղակալ Դմիտրի Պանկինը։

Ինչպես հաղորդվում է տեղեկատվության մեջ, բացի նրանցից պատվիրակության կազմում են նաև «Ռոսատոմի» ղեկավար Սերգեյ Կիրիենկոն, Ատոմրեդմետզոլոտո» ԲԲԸ-ի գլխավոր տնօրեն Վադիմ Ժիվովը, «ԱԼՌՈՍԱ» ընկերության փոխնախագահ Սերգեյ Ուլինը, Դաշնային մաքսային ծառայության ղեկավար Անդրեյ Բելյանինովը, Ռազմատեխնիկական  համագործակցության դաշնային ծառայության տնօրենի առաջին տեղակալ Ալեքսանդր Ֆոմինը և Դաշնային ունեցվածքի կառավարման դաշնային գործակալության ղեկավարի տեղակալ Յուրի Մեդվեդևը:

Ինչպես տեղեկացնում է Հայաստանի կառավարության մամուլի ծառայությունը, նախագահ Քոչարյանի, վարչապես Սարգսյանի, կաթողիկոս Գարեգին Երկրորդի հետ, ինչպես նաև ՀՀ ԱԺ խոսնակ Տիգրան Թորոսյանի հետ Զուբկովը կհանդիպի չորեքշաբթի։

«ՀՀ վարչապետի  հետ հանդիպումից  հետո տեղի կունենա  փաստաթղթերի ստորագրման արարողություն, որին կհաջորդի Զուբկովի և Սարգսյանի համատեղ մամուլի ասուլիսը։Օրվա ընթացքում ՌԴ կառավարության  նախագահը  կայցելի նաև Ծիծեռնակաբերդ, ծաղկեպսակ կդնի Հայոց Մեծ  եղեռնի զոհերի  հուշահամալիրին», - ասվում է տեղեկատվության մեջ։-0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։