483.58
+0.74
513.85
-7.76
7.67
+0.05
-3
Եղանակը Երևանում
Հայ
ՀՖՖ-ն Հայաստանի ազգային հավաքականի նոր գլխավոր մարզչի հետ պայմանագիր է կնքել մինչև 2010 թ.-ը
14:34
24 Հունվարի 2008

Հայաստանի ֆուտբոլի ֆեդերացիան Հայաստանի ֆուտբոլի ազգային հավաքականի նոր գլխավոր մարզչի և տեխնիկական տնօրենի հետ համագործակցության պայմանագիր է կնքել՝ մինչև 2010 թ. մայիսը, հինգշաբթի մամուլի ասուլիսի ժամանակ հայտարարեց ՀՖՖ նախագահ Ռուբեն Հայրապետյանը։

«Նա մեծ ֆուտբոլում բազմամյա փորձ ունի և բացի մարզչի աշխատանքից՝ նա նաև կդասավանդի երիտասարդ հայ մասնագետներին», - ասաց նա։

Յան Պոուլսենն իր հերթին նշեց, որ քիչ է ծանոթ Հայաստանի հավաքականի խաղին և տեսել է միայն վերջին մի քանի խաղերի տեսագրությունները։ «Ես այժմ ծանոթանում եմ Հայաստանի հավաքականի հնարավորություններին՝ Մալթայում ֆուտբոլի միջազգային առաջնությանը», - ասաց նա։

Մեկնաբանելով Հայաստանի ֆուտբոլի հավաքականի հետագա խաղերի մարտավարությունը՝ նա նշեց, որ խաղը լինելու է հարձակողական՝ «հեռու սեփական դարպասներից»։

Նրա խոսքերով, Հայաստանում անհրաժեշտ է զարգացնել մանկապատանեկան ֆուտբոլը, որպեսզի Ազգային հավաքականն ապագա ունենա։

Նա նաև տեղեկացրեց, որ ապրելու է Երևանում և կփորձի սովորել հայերեն։

Հայաստանի ֆուտբոլի հավաքականի գլխավոր մարզիչ Յան Պոուլսենի անունը հրապարակվել է այսօր՝ Երևանում։

Յան Պոուլսենը ծնվել է 1946 թ. մարտի 23-ին։ 80-ական թթ.-ին մարզել է 9 մանկական ակումբներ։ 1990-1992 թթ.-ին Պոուլսենը եղել է Դանիայի ֆուտբոլի ազգային հավաքականի մարզչի օգնականը։ 1992թ.-ին Դանիան դարձել է Եվրոպայի չեմպիոն։ 1992-1999 թ.-ին եղել է Դանիայի երիտասարդական հավաքականի մարզիչը։ 1990-1999թթ. եղել է Դանիայի ֆուտբոլի ֆեդերացիայի տեխնիկական տնօրենը։

2001-2003 թթ.-ին Պոուլսենը դարձել է Սինգապուրի հավաքականի գլխավոր մարզիչ։ 2006 թ.-ին նա  Հորդանանի երիտասարդական հավաքականի (U20)  մարզիչն էր։ 2007 թ.-ին Պոուլսենի գլխավորած Հորդանանի ֆուտբոլի հավաքականը նվաճել է Աշխարհի երիտասարդական առաջնության ուղեգիր։

Պոուլսենն ունի ՈՒԵՖԱ-ի Պրոֆեսիոնալ կարգի լիցենզիա, նա Դանիայի ֆուտբոլի ֆեդերացիայի տեխնիկական հրահանգիչն է, անցկացնում է Պրոֆեսիոնալ «A» և «B» կարգերի դասընթացներ։

Հայաստանի ֆուտբոլի հավաքականի նախկին գլխավոր մարզիչ, շոտլանդացի մասնագետ Յան Պորտերֆիլդը մահացել է քաղցկեղից՝ 2007 թ. սեպտեմբերի 11-ին՝ Մեծ Բրիտանիայում։

Պորտերֆիլդը Հայաստանի հավաքականի գլխավոր մարզիչ է դարձել 2006 թ. օգոստոսին՝ կնքելով համագործակցության պայմանագիր մինչև 2007 թ. ավարտը։ Նրա անվան հետ են կապված հայկական հավաքականի վերջին հաջողությունները, մասնավորապես, Ղազախստանի և Լեհաստանի հավաքականների նկատմամբ տարած հաղթանակները, ինչպես նաև Պորտուգալիայի հավաքականի հետ ոչ-ոքին։

Պորտերֆիլդի մահից հետո հայկական հավաքականի գլխավոր մարզչի պարտականությունները ժամանակավոր կատարում էին Վարդան Մինասյանն ու Թոմ Ջոնսը։-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: