484.68
+0.06
530.14
+2.1
8.5
-0.03
+18
Եղանակը Երևանում
Հայ
Ռուս-հայկական հարաբերությունները պետք է առաջնային լինեն Հայաստանի արտաքին քաղաքականության համար. նախագահի թեկնածուի ծրագիր
14:55
22 Հունվարի 2008

ԵՐԵՎԱՆ, 22 հունվարի./Նովոստի-Արմենիա/. Ռուս-հայկական հարաբերությունների զարգացումն ու ամրապնդումը պետք է առաջնային լինի Հայաստանի արտաքին քաղաքականության համար, ասվում է ՀՀ նախագահի թեկնածու, «Ազգային միաբանություն» կուսակցության առաջնորդ Արտաշես Գեղամյանի նախընտրական ծրագրում։

Փաստաթղթում ասվում է, որ վերջին տարիներին հարևան երկրների՝ Թուրքիայի և Ադրբեջանի կողմից տարվող քաղաքականությունն ուղղված է Հայաստանին հարավ-կովկասյան տարածաշրջանում  իրականացվող խոշոր տնտեսական ծրագրերից դուրս մղելուն։

«Խոսքը Բաքու-Թբիլիսի-Ջեյհան նավթամուղի, Բաքու-Թբիլիսի-Էրզրում գազամուղի և Կարս-Ախալքալակ-Թբիլիսի-Բաքու երկաթգծի կառուցման  և շահագործման մասին է։ Ակնհայտ է, որ Թուրքիա-Ադրբեջան-Վրաստան տնտեսական ինտեգրումը վերափոխվում է ռազմավարական նշանակության ռազմաքաղաքական դաշինքի»,-նշվում է ծրագրում։

Նախագահի թեկնածուի կարծիքով, հարևան երկրների քաղաքականությունը ստիպում է, որպեսզի Հայաստանի արտաքին քաղաքականության համար կարևոր գերակայություններ հստակեցվեն։

«Առաջնահերթությունը պետք է տրվի ռուս-հայկական հարաբերությունների զարգացմանը և հարստացմանը՝ ՀԱՊԿ շրջանակներում ռազմավարական գործընկերության սկզբունքով»,- կարծում է նախագահի թեկնածուն։

Նրա կարծիքով, այս համատեքստում կարևորը երկու երկրների տնտեսական ինտեգրման համար անհրաժեշտ նախադրյալների ապահովումն է և միասնական տնտեսական գոտու ստեղծումը, ինչը ենթադրում է հարկային և մաքսային օրենսդրության փոխհամապատասխանեցում։

Թեկնածուն կարծում է, որ կովկասյան տարածաշրջանում կայունության   հիմնական դերը պետք է կատարեն միայն Ռուսաստանը, Հայաստանը, Ադրբեջանը և Վրաստանը։

«Տարածաշրջանի մյուս երկրները պետք է ներգրավվեն տարածաշրջանային զարգացման գործընթացների մեջ, սակայն, դրա հետ մեկտեղ՝ չթելադրելով իրենց կամքը։ Այս հիմքի վրա հնարավոր է և պետք է էլ ավելի խորացնել Իրանի հետ փոխշահավետ տնտեսական համագործակցությունը, ինչպես նաև առանց նախապայմանների երկխոսություն վարել Թուրքիայի հետ»,- նշվում է ծրագրում։                    
 
Գեղամյանը նաև կարծում է, որ անհրաժեշտ է լուրջ քայլեր ձեռնարկել արտաքին քաղաքականության մեջ՝ ուղղված ԱՊՀ երկրների հետ տնտեսական կապերի զարգացմանը և հումքի ու սպառողական շուկայի վերականգնմանը։

«Մենք նաև կարևորում ենք Հայաստանի ներգրավումը  տարածաշրջանում տնտեսական միջազգային նոր նախագծերի մշակման գործում՝ այդ նպատակով լիարժեք օգտագործելով Հայաստանի  տնտեսության մեջ ներգրավված ռուսական կապիտալի ներկայությունը ի դեմս «Գազպրոմի», ՌԱՕ ԵԷՍ» և «Վիմպելկոմի»»,-նշվում է ծրագրում։

Փաստաթուղթը նաև հրավիրում է եվրոպական կառույցներ ինտեգրվելու հարցում խոսքից գործի անցնել։ Թեկնածուն առաջարկում է ԱՄՆ-ի հետ զարգացնել և խորացնել  քաղաքական և տնտեսական հարաբերությունները, ինչպես նաև նոր փոխշահավետ կապեր ստեղծել Մերձավոր Արևելքում և Ասիայում։

«Հարավ-կովկասյան տարածաշրջանի անվտանգությամբ շահագրգռված ԱՄՆ-ը և Եվրամիությունը կարող են խթանել տնտեսական բարեփոխումների անցկացումը, ժողովրդավարության զարգացումը և ժողովրդավարական արժեքների հաստատումը»,- նշվում է ծրագրում։

Նախագահական ընտրությունները Հայաստանում նշանակված են 2008թ. փետրվարի 19-ին։ ՀՀ նախագահի թեկնածուների նախընտրական քարոզարշավը մեկնարկել է հունվարի 21-ին և տևելու է մինչև փետրվարի 17-ը ներառյալ։ --0—

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: