487.57
+0.28
567.63
-0.45
8.2
-0.03
+7
Եղանակը Երևանում
Հայ
Կրասնոդարի երկրամասի հայկական համայնքը դիմել է Եվրոմիության կազմում գտնվող երկրների ղեկավարներին
11:55
22 Հունվարի 2008

ԵՐԵՎԱՆ, 22 հունվարի. /Նովոստի-Արմենիա/. Հունվարի 20-ին Կրասնոդարի երկրամասի Տուապսեի շրջանի Տենգինկա ավանում տեղի է ունեցել Կրասնոդարի երկրամասի հայկական հասարակական մի շարք կազմակերպությունների ղեկավարների խորհրդակցությունը, որը նվիրված էր Թուրքիայում լույս տեսնող հայկական «Ակոս»  թերթի՝ մեկ տարի առաջ սպանված գլխավոր խմբագիր Հրանտ Դինքի հիշատակին։

Ինչպես «Նովոստի-Արմենիա» գործակալությանը տեղեկացրեցին Ռուսաստանի հայերի «Երկրամաս» թերթի խմբագրությունից, հավաքվածները լսել են զեկույցներ հետևյալ թեմաներով՝ «Ազգային և կրոնական փոքրամասնությունների վիճակը ժամանակակից Թուրքիայում», «Հրանտ Դինք՝ պանթուրքիզմի գաղափարախոսության զոհը», «Արդյո՞ք թուրքերը եվրոպացիներ են»։

Տեղի ունեցած քննարկումների և կարծիքների փոխանակումից հետո խորհրդակցության մասնակիցներն ընդունել են ուղերձ՝ Եվրոմիության կազմում գտնվող պետությունների ղեկավարներին, որում կոչ են արել նրանց՝ ճնշում գործադրել Թուրքիայի իշխանությունների վրա՝ պահաջնելով նրանցից անցկացնել Հրանտ Դինքի սպանության և այդ հանցագործության պատճառների օբյեկտիվ հետաքննություն։ Խորհրդակցության մասնակիցների կարծիքով, միայն սեփական  պատմության մութ էջերի վերանայումը, մասնավորապես, Հայոց Ցեղասպանության փաստի ճանաչումը կարող է Թուրքիային իրավունք տալ՝ հավակնելու Եվրոպայում տեղ ունենալուն։

Կրասնոդարի երկրամասի հասարակության ներկայացուցիչների ուղերձում, մասնավորապես, ասվում է, որ «Հրանտ Դինքի սպանությունը ազգային փոքրամասնությունների ներկայացուցիչների հանդեպ Թուրքիայի իշխանությունների կողմից իրականացվող ատելության քաղաքականության արդյունք էր, և կատարված ոճրագործությունը ահաբեկչական ակտ է այն բոլորի նկատմամբ, ովքեր փորձում են Թուրքիայում շարժվել Հայկական Հարցի քննարկման ուղղությամբ։ Թուրքական իշխանությունները պատասխանատվություն են կրում տեղի ունեցածի համար, քանի որ հենց նրանք են երկրում ստեղծել անհանդուրժողականության մթնոլորտ»։

«Մենք՝ Կրասնոդարի երկրամասի հայ հասարակայնության ներկայացուցիչներս, Հրանտ Դինքի սպանության տարելիցին դիմում ենք Եվրոպայի պետությունների ղեկավարներին՝ կոչ անելով ճնշում գործադրել Թուրքիայի իշանությունների վրա,   նրանցից պահանջել այդ հանցագործության և այդ արարքի պատճառների օբյեկտիվ հետաքննություն։ Մենք համոզված ենք, որ միայն սեփական պատմության մութ էջերի վերանայումը, մասնավորապես, Հայոց Ցեղասպանության փաստի ճանաչումը կարող է Թուրքիային իրավունք տալ հավակնելու Եվրոպայում տեղ ունենալուն», - ասվում է փաստաթղթում։

Ուղերձը, մասնավորապես, ստորագրել են Տիգրան Թավադյանը («Ռուս-հայկական համագործակցություն» կազմակերպության տեղական մասնաճյուղի նախագահ, Ռուսաստանի հայերի «Երկրամաս» թերթի գլխավոր խմբագիր), Արտավազդ Թուլումջյանը («Համշեն» հայկական գիտատեղեկատվական-մշակութային կենտրոնի նախագահ), Քրիստափոր Մխիթարյանը (Կրասնոդար քաղաքի Հայկական մշակութային կենտրոնի նախագահ, «Խաչքար» ամսագրի գլխավոր խմբագիր), Ալլա Պարցիկյանը (Նովորոսիյսկ քաղաքի ազգային-մշակութային միությունների համակարգող), Վլադիմիր Մխիթարյանը (Նովորոսիյսկ քաղաքի «Լույս» հայկական մշակույթի միության նախագահ), Արամ Երմոյանը ( Հայ գրողների «Ձայն Համշենական» Սոչիի քաղաքային միության նախագահ), Հայկազ Օհանյանը (Սոչիի «Երանգ Համշենի» հայ նկարիչների միության նախագահ)։

Հրանտ Դինքը սպանվել է հունվարի 19-ին՝ Ստամբուլի իր գրասենյակի դիմաց։ 53-ամյա Հրանտ Դինքը հայ-թուրքական «Ակոս» թերթի գլխավոր խմբագիրն էր։ Նա հայտնի էր 1915-1923 թթ.-ին Թուրքիայի կառավարության կողմից Արևմտյան Հայաստանում իրականացված Հայոց Ցեղասպանությանը նվիրված իր կտրուկ հոդվածներով։ Հենց այս թեմայի վերաբերյալ աշխատանքների պատճառով նա բազմիցս հալածվել է ներկայիս թուրքական կառավարության կողմից։ Լրագրողի սպանությունը լայն արձագանք է ստացել ողջ քաղաքակիրթ աշխարհում։ Այն դատապարտվել է երվոկառույցների ղեկավարների և միջազգային շատ այլ կազմակերպությունների կողմից։

Այսօրվա դրությամբ քրեական գործ է հարուցվել Թուրքիայի 19 քաղաքացիների նկատմամբ։ Մեկ օր անց ձերբակալվել էր նրա վրա կրակած Սամաստը և սևծովյան Տրաբզոն նահանգի տասը բնակիչ՝ սպանությանը մասնակից լինելու կասկածով։

Առաջին իսկ հարցաքննության ժամանակ Դինքին սպանողը լիովին խոստովանեց իր հանցանքը և խոստովանագրում նշեց, որ վճռել է սպանել լրագրողին՝ նախևառաջ հայոց ցեղասպանությանը վերաբերող նրա հրապարակումների ազդեցության տակ։Մեղադրյալի աթոռին 19 կասկածյալներ են։  Դատական գործընթացը հետաձգվել է մինչև 2008 թ.-ի փետրվար ամիսը։ -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։